شوفو طلب خدامتي شرايكم؟؟؟

[صمت الكويتيه]

شلونكم بنات خدامتي عندي من جبت ولدي اوك يعني تربا عليها وحليوه معاه وزينه حيل وعقبها جبت بنتي اوك وهم تربت وتعودت عليها المهم اهي نظيفه وزينه حيل وامانها علي عيالي ويحبونها واهلي بعد يحبونها والكل حاسدني عليها المهم سافرت وردت اوك وحاليا انا حامل جتني تطلب مني انها كل شهرين تبي اجازه تطلع مع زوجها 3ساعات وترد اوك وانا تاكدت انه زوجها بصراحه انا ما احب هالطبع وكله تبجي لان زوجها يقولها اذا ماطلعي معاي كل ثلاث شهور مره غيري معازيبج او ننفصل المهم اهي تبيني وتبجي وتقول انا ابيكم قلت لها صعبه تطلعين المهم حنيت علي زوجي وماكان راضي عقبها عقب الترجي وافق وراحت معاه وعقبها قالي مره ثانيه ماراح تروح وانا محتاره شسوي الخدامه ماسكتني من الايد اللي تعورني كل شي فيها زين ولاراجت ماراح امن خدامه غيرها وزوجي لازم بعد اكلمه بنات طلبها صعب اولا وانا غلطانه اوافقها اولا شرايكم انها تطلع كل 2او3شهور ثلاث ساعات؟؟؟؟؟؟

 

[*المها*]

اذا انتي متاكدة من ان هالريال زوجها وماتشكين بأخلاقها خلها تطلع معاه ليش لأ
حرام هو حلالها وهي قالت كل شهرين او ثلاثة ساعتين او ثلاثة حمدي ربج ماقالت بنام عنده

يعني لو هي شغالتي بوافق على طول عشان ما اخسرها

 

[بنت احلام]

الله يستر خوفج تجيب لج الامرااض من ورا زوجها

 

[حجيه هيونه]

بصراحه مافيها شي

يعني من باب الرحمة خليها تطلع شوي تنفس عن نفسها

الحين القانون حسب علمي يعطيهم اجازة يوم كامل مو بس 3 ساعات

 

[Hello_kitty]

واي حرام مسكينه كسرت خاطري اشدعوه كل ثلاث شهور ولا شهرين تشوف ريلها مره لو انه اوافق بدون تردد

الله يرحم حالهم وضعفهم يعني اهم بشر مثلنا احنا لو مانشوف اهلنا يوم صكت فينا الدنيا

مدام امينه وطيبه انتي بعد صيري زينه واطيب منها هذي امانه عندج مافيها شي اللي طلبته لا عيب ولا حرام

وهالشي من حقها حتى المسجون بالسجن يسمحوله يقابل اهله الله يعينهم مساكين

 

[um aljory]

انا عن نفس اشوفه عادي بس المشكله اخاف تحمل منه وبعدها راح تتوهقين...

 

[washwoshh]

خل تطلع دامها زينه مع عيالج لا ترددين انا
خدامتي اجازتها تطلع كل شهر مره وانا الي اقولها روحي طلعي

 

[om tasneem]

عادي ماطلبت شي بس لاتحمل وتوهقج

 

[MisS Z]

عادي خليها .... خدامه خالتي كل جمعه تطلع مع ريلها ما فيها شي

 

[AVE.NJ]

امممم ماادري شقولج

 

[(*ام عهــــد *)]

مافيها شى حقها وهذي أحسن من غيرها قالت كل شهرين مو كل اسبوع

 

[ام كوثر2007]

حبيبتي دام ريلها عادي ما فيها شى


لو طالبتج بالشهر مره صعبه اشوفها لكن مقروده تبي كل ثلاث شهور مره


والله انها مسيجينه

لا يبه قعدي مع ريلج وفهميه انه الخدم الحين غلي وسعارهم شابه ضو ومو كل واحد يقدر يحصل علي خدامه سنعه ويجلب فيها


ما وقفت علي ثلاث ساعات كل ثلاث اشهر ولا تييبين وحده يديده وتعالي علمي من يد ويديد ..


موفقه يا الغاليه .

 

[noynoy]

عادي خليها

 

[Miss Cherry]

والله تبين الصج انا لو اني مكانج مارضى .. ومو مشكلة ادور لي غيرها باجر تحمل وتعور راسي

 

[PuPa^^SWeeT]

ماراح احط روحي مكانج شوفي نفسج

هل في خدامة ثانية مثلها ولا احسن ولا اسوا

على هالاساس قرري

 

[Om_Ksha]

من صجج حدها مسكينه

اغلب اللي اعرفهم كل شهر يوم كامل عطله


واللي تقول تحمل كا خالتي عندها خدامه زينه حملت من ريلها وعايشه الحين اهي وولدها وريلها عندهم ،،
الحين بهالوقت عندج خدامه زينه تتقضبين فيها ولا ترا تتبهذلين*

 

[*ماي الورد*]

انا كان عندي خدامة زوجها يشتغل اهني
بس خذيت صورة جوزاه و صورة عقد الزواج خليته يطلعه من السفارة علشان كل شي يكون بالسليم
وكل جمعة كان يمر عليها ياخذها و يردها بالليل

 

[الحلى والنور]

أنا نفسج وخليها تطلع

واذا وعلتها وغصبت عليها اروح واراضيها

وأقولها دقي علي زوجج واطلعي معاه

 

[jawaa]

حرام حبي هذا ريلها واهي إنسانه حالها من حالها غيرها كل جمعه يطلع من الصبح لي الليل دام زينه توكلي على الله وكلمي ريلج هذي بذمتكم حرام

 

[*ريما*]

عادي خليها تطلع مافيها شي