شوفو صار مقابلتي مشرفه غذائيه ..حكوميه خاصه..ابي رايكم

[الـكـايـدهـ]

هاااي يا حلووين مسااءكم سكر

انا محتار حييل :gr4uu:

بس نفس الوقت نو ويييه

انه قبلوني وضييفه قاطاع خاص حكوومي يديده الوضييفه اضني سمعتو فيها مشرف غذاااء ..

اليوم رحت المقااابله

جان يقوولي :

طريقت الشغل انج توضفين في مدرسه < حلو
قالي دوامج خل جميع الجاليات يعني مو بس كويته مانميزج عشانج كويته << قلنا عادي حلو
دوامج من ساعه 7 لين 12< هم حلو
انتي تحطين الطاولات شرااشف << قلنا حلو
تجيبين اكل من السيااره<< طقييت بريك قلت !! وش يحس فيه
تلبسين ينفور موحد كبوس كمام قفاز<< قلت وش يحس فيه قولي قرسونه خلاص
قالي بعد مايخلصون اكل تشيلين اكل تقطينه بزبااله تشيلين مكان اكل طلعينه بره زباله << قرت بريييييييييك بقووه


بصرااحه متررده حييل قلت خير ان شالله لا قطاع خاص حكومي يعني الاغلب خاص مو مرتااحه بصرااحه ..

ماعرف اي شي عن نضام الخاص خبري فيهم تشدد زاايد باين من البدايه قالها لي غيابات يعني مافي رجاائن مادري شنو


بس الي فك راسي اشيل زباله خير ان شالله بيت اهلها خل نكون صريحين مانشيلها الله حلي الخدم من عمري خدم حولي حوالي فوق هذا ليش اسمي مشرفه يعني اشرف عليهم اتكد انه كل شي اوكيك اخلي خدم شيلون الوصاخه يعني اشراف اسمها

موانه اشيل الزبااله ورا يهاال ولا اجيب من السيااره ؟؟

مادري يابنات احس طقييق بريك بقووله انتو شرااايكم قووولي

في احد تقدم للوضييفه ..؟؟ شنو تحسوون فيييه

ابي راايكم

 

[what's up]

?نتـيے شنو شهادتج؟
و اذا رفضتي الوظيفة تطمنين وظيفة غيرها؟

 

[كنوشة 2009]

تبين الصج ما انصحك بالوظيفة اذا مجرد اشراف اوكي
بس جذي لألألأ

 

[Heaven Light]

شنو شهادتج ؟؟

​

 

[@حلاوة الدنيا@]

اذا شهادتج تسمح لج لوظيفه غيرها ارفضي
اما اذا بي تشرفين اوكي

 

[وردة-الكويت]

انا اقول استخيري ف الوظيفه

ومن داخلي اقول عسى الله لايحدني القط زبايل من ورا احد

 

[what's up]

إذ إشراف حلو خصتا ?نتـيے بداومين بمدارس يعني عندج عطلة الصيف و اذا الدوام 12 يخلص هم حلو بس ?نتـيے شوفي اي احد متوظف بهالوظيفه و داومي معاها يوم شوفي الوضع

و بالنهاية الشغل مو عيب

 

[غمزة خجل]

رد : شوفو صار مقابلتي مشرفه غذائيه ..حكوميه خاصه..ابي رايكم

زباله ؟؟


مشرفه وتشيل زبايل اذا من بدايتها جذيه

مدري والله بس استخيري احسن

الله يوفقج بوظيفه احسن منها وترتاحين فيها يارب

 

[الحسن كله]

اتوقع وظيفتج إشراف يعني تشرفين على اللي يجيبون أكل من السيارات وهمن تشرفين على النظافه بعد الفرصه مو تشيلين زبايل .. ليش ماقلتيله هالحجي ؟؟ المفروض إنج مستفسره منه أكثر
وهمن يونيفورم؟؟ ليش هالتعزير المفروض بالطو نفس مال مختبرات العلوم و قفازات .. حرام عليهم هالشروط التعجيزيه
لو عندنا مشرفة تغذيه بمدرستنا جان سألتها لج بس للأسف ماكو
أنا برايي تقبلين الوظيفه لأن ماتوقع هالشروط صحيحه مو معقوله كويتيه ويخلونها بالهشروط لأن واجد راح يعترضون وماراح يطبقون هالشي راح يكونون مشرفات وبس
والله يارب يسهلج حياتج العمليه وبالتوفيق ياقلبي

 

[@أجمل سنيني @]

يبه اشتري راحتج
اللي هذي اولها ينعاف تاليها ....

 

[مشتاقه لك يبا]

رد : شوفو صار مقابلتي مشرفه غذائيه ..حكوميه خاصه..ابي رايكم

انا كنت بقدم عليها بس عقب كلامج غيرت راي بصراحه

 

[غالي حبكـ]

حبيبتي منو قالج انا مقدمه عليه وكلمة صاحب الشركه وقال كل الكلام اللي سمعتوه قطووه بحر هم بس يقولون جذيه عشان مايبون كويتيين يبون عماله اجنبيه ارخص لهم واوفر وحناا 5 بنات وويانا عاملات اسيويات نشرف على السياراة اذا جوو للمدرسه ونشووف الوجباات اذا منتهية ولا لا ونشرف على الطلبه اذا اكلو وخلصو ونقول للعاملات شيلوو وبس نفس مشرفات الروضه بظبط ومانلبس ينفورم بالطو وقلافز بس واذا عندج احد بروضه اسئليه ودوامنا للحين مابدا 31\10 نبلش الدوام والمعاش 560

والله يوفق الجميع يارب

 

[CALM]

رد : شوفو صار مقابلتي مشرفه غذائيه ..حكوميه خاصه..ابي رايكم

اذا محتاجه للوظيفه توظفى وتوكلى على الله

كل وظيفه فيها سلبيات وايجابيات فـ انتى اكتبى سلبيات الوظيفه وايجابياتها شوفى شنو اكثر واستخيرى اهم شي

 

[أغلى حبيبه]

رد : شوفو صار مقابلتي مشرفه غذائيه ..حكوميه خاصه..ابي رايكم

في موضوع حق الغاليه نونو هم مقدمه على هالوضيفه ووايد تمدحها ودوامها من 6 لي 10 بالكثير 11

بس قالت اشراااف مو تشيل وتحط لحظه اشوفلج موضوعها

 

[أغلى حبيبه]

رد : شوفو صار مقابلتي مشرفه غذائيه ..حكوميه خاصه..ابي رايكم

http://q8yat.net/showthread.php?t=675255

كاهو شوفيه وساليها اللي تبين

وايد اشوف بنات تحمسو انهم يشتغلون بس عيبه الدوام الساعه 6

 

[كويتية و عتيبية]

رد : شوفو صار مقابلتي مشرفه غذائيه ..حكوميه خاصه..ابي رايكم

لا اعررررف كذا وحدة سجلت فيها مو جذي قوانينهم شمعنى؟؟
قالوا لهم يتوظفوون بس مو بالمدارس شغلتهم بس يغلفون الاكل اذا ماني غلطانة وراتبهم 500 دينار..

 

[@البتووول@]

لا ياقلبي يقص عليج أنا إختي مقدمه عليها ويبون شهادة متوسط

ووظيفتج تشرفين على الاكل منتهي وإلا لأ وتكتبين بياناتج على الاوراق عدد الاكل أقصد ومافي لبس مخصص إذا كلش كلش يكون بالطو وقفاز بس والباجي اللي قلتي عنه ياعمري الخدم يسونه وإنتي تكونين مشرفه بس والمعاش 560 أو570 ووقت عطلة الصيف ينخصم المعاش جنه يكون 200أو300 لأن الباجي الزياده من القطاع الخاص ويقطعونه وقت العطله وهذا خبر أكيد 100% إخذيها مني
وترى إختي يوم قدمت عليها قالت لهم شوفي أنا ما أشتغل أروح وأرد وكل من يطرشني من الحين أقولج أنا أقعد على مكتب وإلا قولي من الحين ماأقدم ضحكت لها وقالت لا حبيبتي إنتي بس تشوفين الاكل منتهي وإلا لأ وتكتبين عدد الاكل أو صناديق الاكل بدفتر بس


إذا شهادتج متوسط قدمي وإنتي مغمضه عيونج لأنها ممتازه بالنسبه للشهاده

 

[داريني]

اعتقد هالكلام مو صج لانه بيشوفون ردت فعلج او اختبار اذا تتحملين هذا كله
ومثل ما قالو البنات الي جربو انه بس اشراف ومحشومة ان شالله ما تشيلين زباله ماحد يرضاها

 

[&& دعاء &&]

رد : شوفو صار مقابلتي مشرفه غذائيه ..حكوميه خاصه..ابي رايكم

رفع
ما عندي خلفيه عن الموضوع ...

 

[وضح النقى]

رد : شوفو صار مقابلتي مشرفه غذائيه ..حكوميه خاصه..ابي رايكم

الشغل مو عيب

وانصحج اقبلي وتوفقي


والزبايل مو إلا تشيلينهم > خلي العاملات اللي بالمدارس

بس شكوووو ينخصم بالصيف!!

شنو ؟ مو حكومة ؟؟