شوفو آخر التطورات

[كويتيه=)]

فتحت هالموضوع عن التطورات اللي صارت عقب هاللينك

http://www.q8yat.com/t1018132.html

طبعا انا رفضت اللي تقدم لي و مو موافقه خير شر

بس للحين مقهووورة من الشخصية اللي دزت رقم بيتنا حق امي

وهم مو مصدقة ردة فعل امي ان فرحانه ان في احد تقدم لي وبنفس الوقت عندها عادي اخذ مطلق 3 مرات!!!

تخيلوو امي الحين تقول لي ترا انتي في سن ما راح ايي لج الا اذا واحد مطلق

فرصة احد يتقدم لج ومو متزوج من قبل نادر

ومو حسبالج انج جامعيه ومتوظفه وتتكشخين ان الناس مو قاعده تشوف عمرج وتسأل للحين ما تزوجت

فلا تخلين العمر يمشي وانتي ما تبين واحد مطلق

واعيد بنات واكرر عمري 24 سنه وصار لي 5 شهور متوظفه

هل ردة فعل امي ونظريتها صحيحه

حسيت اني خلاص بطيح بجبدهم ومافي احد يبيني

الحين صج تحطمت من قلب

والله المستعان

 

[Tom ♥ Jerry]

.

انا اشوف انه ماله داعي تحقدين على الي يابتلج الريال
مسكينه يمكن بحسن نيه مو الا تبي تقهرج لا تفهمين الناس غلط
يمكن سمعت الريال يبي بنت حلال و شافتج انتي بسن زواج و قالتلج
اذا اي اي و اذا لا كان بها ! الموضوع مو قضيه ترا

برايي ترا انتي عطيتي الموضوع اكبر من حجمه
عادي وايد اشوف بنات كبرج و اكبر منج يتقدمون لهم رياييل مو مناسبين لهم
و يرفضون لما اييلهم نصيبهم , ترا وايد بنات عاشو الي انتي عشتيه
و وايد بنات يالهم واحد مطلق مو بس 3 مرات لا يمكن 5 و اكثر !

خلاص انسي الموضوع الحين و ماله داعي تكلمين امج فيه اكثر
دام ما صار نصيب و انتي مو موافقه خلاص انتهى كل شي ليش بعد تزيدون و تعيدون بالكلام
بالنهايه هاذي حياتج و القرار الأول و الأخير لج طبعا !
ما تبينه اوكي ادعي ربج اييبلج الي احسن منه و بس

لا تعطين الموضوع اكبر من حجمه !!!

 

[حنان الحربيه]

امك مثل كل الامهات فرحانه لك
والامهات الحين يحسبون الرجال مثل ايامهم رجال بمعني الكلمه

بس خلاص انتي اجلسي معها وفهميها
ان الزمن هذا تغير ولانك موظفه اكيد شباب كثير يدورون الموظفات
وربي بيرزقك واحد اعزب وبعمرك
بس انتي هدي اعصابك وضحي لامك فكرتك

 

[ربي رجوتك]

امك بختصار تبغي تفرح فيك وترى الامهات لهم اساليب احيانا تنرفز شوفي بنت فلان كبر وصار عندها عيال او انتى كبيره بس ايش نسوي اهم شئ الوحده ماترمي نفسها فى التهلكه علشان كلام الناس الزواج اضافه جميله للحياة وتكون برفقة رجل بحق مو حي الله اى ذكر والسلام طق الباب ( وجهة نظري )

 

[على الدنيا سلام]

توج صغيره العمر جدامج كلمي الوالده مره وثنتين وثلاث..

 

[كويتيه=)]

أمي قاعده تجرحني ولا ماسه فيني حتي لما كلمت خالتي
خالتي ردة عليها وقالت شنو طايحه بجبدج؟

 

[بنت الأجوااد]

24 مو كبيره

حبيبتى انا 32 سنه ومطلقه وجانى 5 شباب ماتزوجوا و4 متزوجين واحد مطلق اقسم بالله ماكذب


وهذا وانتى بنت ماتزوجتى امج مستخسره انج ترفضين مطلق

اهم شي انج تقبلين بالزواج انج من داخلج راغبه بالزواج وموافقه عليه وعاجبج

والله يرزقج بابن الحلال

 

[عادت ذكرياتي]

الله يرزقج الخير وين ما كان ...

 

[Patcholli]

اولا ماله داعي تحقدين على اللي طرشتلج الريال ولاتكبرين السالفه خلاص انتي رفضتي واهو راح بسبيله ..
ثاني شي امج كلامها نفس كلام 90% من الامهات .. انا من كان عمري 18 سنه اسمع هالجمله من امي وخالاتي ..

 

[المرتاحة]

اكيد امج بتقول جذي لانها تحاتيج ولان الامهات عاطفيات بزيادة تبي بس تفرح ابنتها مثل باجي الامهات

صدقيني لا تاخذين على كلامها و تتضايقين.. لان امي كانت تقول لي نفس الكلام و بصراحه طلبت منها انها ما تكلمني خير شر بموضوع الزواج لانها فعلا تحبطني وانا ادري هالشي غصب عنها ومو قاصدته

غير ابوي حبيبي والله اهم شي عنده اني ادرس واتعلم ومتفائل و صح الزواج مهم بس ما نقط نفسنا للتهلكه و ناخذ واحد يعل قلبوبنا باجي عمرنا.. تفائلي ترى التفائل يجذب لج باذن الله كل شي زين مو بس الزوج

 

[لمى الهاجري]

هاي تجمع بنات دشوه http://www.q8yat.com/t1017144-4.html