اهلين يا عروسة
صح كلام البنات
ماله داعي 2000 دينار على جنطتين
شدعوه الجناط الكشخة اللي فعلا يلفتون ما توصل 400 دينار
اخذي ثنتين ما توصلين 1000
ثاني شغلة حبيبة قلبي ساعة وحدة ما تكفي
خليهم ساعتين وحدة ذهبية وحدة فضية
و خليهم بـ 500 دينار، وان شاءالله 1000 تكفيهم
هذا اذا بتطيرين بالعالي مع اني اشوف ان هالاسعار مبالغ فيها
مفترض الساعة ما تكون اكثر من 300 دينار
و الجنطة ما تعدي 200
ملابس البيت ماشي حال سعرهم
لكن قمصان النوم ترى هضمتي حقهم
أنا القمصان مع الاطقم و ملابس البيت الحرير بالبيت وصلوا 300 الا شي
مع اني شاريه بالرخيص، بعض قمصاني ما يوصلون 10 دنانير
وترى ما شريت كمية مبالغ فيها ، بالعكس كمية معقولة جداااااا
فانتي بصراحة عطيتي شغلات ما تستاهل فلوس شكثرها مثل الساعات و الجناط
و شغلات مهمة خفستي فيها يا عروسنا
راجعي حساباتج وكلام البنات عدل
على فكرة بخصوص نظرتج للذهب يا عروستنا
لما قلتي :
هتوون احنا مو من النوع اللي يشتري بالمهر كله ذهب
الذهب انا مااااحبه بشتريلي طقمين ناعمين بس
ترى لما نقول ذهب فقصدنا طقمين ناعمين
ما في أحد يلبس ذهب بالمهر كله ولا احد يشتري غير الاطقم الناعمة، وكل البنات ياخذون طقمين بس
و هالطقمين الناعمين يكلفون 1800 دينار
والف مبروك مقدما
