شوفوا عملية شفط وشد الذراعين وش سوت لي - امانة اللي تفكر تسويها تدخل وتستفيد

[تعبت اجامل]

: بسم الله : اوخيتكم بدوية وساكنه في مكه < يالبى مكه
جسمي مربرب لكن البلا في ذرعاني يعني ( العضد ) مو متناسق < اول مرة اشوف يد لها كرششششة :dddds:
كنت مررررة ع قولتنا يالسعودين اعاني منها وابكي في كل مناسبة شاهد علي قولي رب العالمين لان ماتجي الملابس علي زينه من هالكرشة اللي بيدي ( من فوق كبيييييييييرة ومكتنزه ومن تحت تبي تنمعص سبجان الله )
واذا شريت بلايز للجامعه اشتري اكس اكس لارج عشان يدي بس < تخيلوا حجم الالم اللي احسه وكانت البلوزة من تحت وسييييييعه بس من عند يدي ماتخش أو تدش بلهجتكم يالكويتيين مع اني اخذ اكبر مقاس من البلوزه بس عشان يدي
المهم امي الله لااايحرمني منها قالت خلينا نروح لعيد كلينك مستشفى تجميل في جده عشان اذا عندهم شي ينحف اليديد ويشل الترهل اللي كنها يد عجووووز مترهله وانا عمري 22 < كله بسبة الرجيمات الخاطئه واولها الرجيم الكيميائي :eh_s(14): ولما رحت للبروفيسور نفسه ( محمد عديب عيد كلينك ) هذا اسمه بالكااامل قال لي حالتك لااااازم شفط وشد ابدا مايصلحلها اجهزة تكسير الدهون ولا ريجيمات ولا حتى رياضه . المهم طبعاً ابوي مايدري ولو درى ياويلي لأني احنا بدو وماعندنا هالعلوم ( بس امي دبرتني الله ياخذ من عمري ويمد بعمرها ) المهم سويت العمليه وبنفس اليوم طلعت لأن عندهم من عمليات اليوم الواحد < صراحه حلوه مناسبة للي حالاتهم مثل حالتي
المهم والاهم : يابنااااااااااااااات والله نتيجة الشفط كاااااانت خيااااااليه الحمد لله صرت البس كل اللي ابيه والبس بدون اكماااااام اللي كنت محرومه منه وشكلي طلع جنان والناس كلهااا اللي كانوا يتطنزووون على يديني ماتوا غبن وودهم يعرفون انا وش سويت بعد ماربي بلاهم بالولادة وزات اوزانهم وصارت يدينهم كنها يدين ( مصارع مثل ماكانوا يقولون لي يدينها كنها يدين مصارع . تخيلوا شالوا رطلين ونصف من كل يد !!!
بس صراااحه ندمت اني سويت شد ( وكله مني قالي الدكتةر ابسويلك شفط وانتي مع الرياضه راح جسمك يلتم لانك بنوته صغيرة ) وانا رحت اصيح قلتله لاااا يادكتور شيلها عني انا مليييييييييت من هالجلود اللي كنها جلود عجوووووز .. والدكتور بعد كلامي وصياحي وافق . صراحه بعدبن ندمت لأن خياط الشد مرررة وااضح ومقدر ارفع ايدي عشان اسوي شعري قدام الناس ( اذا كنت لابسة بدون اكمام ) ولما رحتله مرة ثانيه قالي انا قلتلك لاتسوين شد بس شفط ويعدين سوي رياضه وانتي اصريتي.. قلتله صدقت يادكتور بس ماكنت اتوقع ان جررررج الشد بيكون كبير زي كذا . قال لازم تسوين عملية تجميل لجرح الشد لأن عملية الشد جرحها لازم يكون كبير ولأن الجلد بيشد بعضه بعد العملية مانقدر نسوي له خياطة تجميلية الا بعد شهرين أو ثلاثه . نرجع نسوي لك عملية خياطة تجميلية لجرح الشد ... اهم شي نصيحتي للي تفكر تسوي عملية شد وشششششششششفط هي انها بس تسوي ششششفط عند دكتوور مشهوووور ومعرووووف زي عيد كلينك بسسسسسس عملية ششششد لااااا والف لاااااا تكفون يابنات لاتغلطون نفس غلطتي . اسمعوا كلام الدكتووور .. لأنه هو نصحني وانا عييت لأني كسلت عن الريااااضة اللي هدت حيلي . ندددددمت اشششششششد الندم اني سويت عملية الشد .. لكن الششششفط رااااااائع واكثر من راااااااائع والله . اتمنى الكل يستفيد ويوصل الفايدة للغير . اختكم

 

[صدى الأفراح]

ماشاءالله والله يتمم عليكي يارب الحمد الله وماتزعلي ولا تيأسي بعد شهرين روحي سوي تجميل وماتحاتي المهم النتيجه مرضيه وحمدالله على سلامتك

 

[salsa]

تعبت اجامل الحمدلله رب العالمين اللي نجحت عمليتج وراحت العقده هذا اهم شي ترى وبخصوص اللي قلتيه عن اثر الجراحه مالت الشد فانتي اهون من اللي يسوون شد للبطن اللي ينشرح بطنهم من اليمين لي اليسار ومدام في تجميل الحمدلله ..موفقه يا رب بس يا ليت لو تقدرين تشرحيلي بعد الشفط شنو احساس الالم؟ وهل نمتي بالمستشفى؟ وشكثر طولتي على ما شفتي النتيجه المطلوبه واكون شاكرتلج حبيبتي

 

[تعبت اجامل]

صدى الأفراح الله يجزاك خير اختي ومشكورة على مواساتك لي جعلك ماتشوفين مضرة طول عمرك

 

[تعبت اجامل]

ســـالـــــسـا : تسلمين ياقلبي وابشرك اني ما أخذت غير يوم فقط في المستشفى لأن الحين المستشفيات التجميليه تطورت فقط يوم واحد وتطلعين انا عن نفسي دخلوني غرفة العمليات الساعه 9 صباحا وطلعوني الساعه 1 ظهر من غرفة العمليات وعلى طول فوقوني من التخدير وارتحت عندهم مع عناية ملكيه صراحه وبعدين الساعه 10 مساء طلعوني من المستشفى بعد خلوني امشي واستفرغ سائل التخدير وانتي والسامعين بكرامه
رجعت بيتنا وانا مافي الا العافية حتى ابوي ما لاحظ
الألم فقط جرح الشد اللي يعورني لكن الشششفط ابدا ابدا مااااله اثرررر سبحان الله ما ادري وين دخلو آلة الشفط وشفطو الدهون صراحه !! لانه ماله اثر والنتيجة والله العظييييييييييييم انها من أول ماطلعت من المشفى ياسالسا بس يعدين تورمت شوي وهذا شي طبيعي لأنها عملية ومن أول اسبوع صرت البس واروح الجااااااااامعه عادي بسسس البس بلايز اكمااام طويله لأن المشدااااات علي قعد شهر أو ثلاث اسابيع
بس اللي تعبني بجد بجد جرح الشد خطيييييييير مرة

 

[أسرار الطبيعة]

وأنا ودي أضم كتابتي لموضوعك بخصوص الشفط والشد والآلات المنتشرة
مافي على الرياضة ، لو تشترين لك دي في دي لسندي أو فوندا وفي بيتك تمارسين الرياضة
لكل جزء منها رياضة خاصة في جسدك
حجي فاضي الآلات مثل الفيلا أو أبر تعديل وشد الجسم كميزوثرابي
الرياضة فقط وشرب الماء ، وشوفي شلون السولولايت يذوب معاك
وأيضا المساج بكريمات تتوفر حتى في الجمعيات مثل كريم شد الجسم النيفيا
والتفرك تحت الشور بالليفة لهذه المناطق يحرك الشحوم
الحمدلله على سلامتك ، والله يبعد عنا الكسل والخمول .

 

[salsa]

مشكور تعبت اجامل على ردج السريع اشكرج وايد انا ان شاء الله باجر عمليتي لمنطقه البطن والظهر والفخوذ شفط بس بدون شد مو شفط عادي شفط بدون جراحه..دعواتكم

 

[تعبت اجامل]

الله يقومك بالسلامه انشاء الله ومايحتاج تشكريني انا اخدمك لو برمــــش عيني اختي سالسا والحمد لله انك منتي مسويه شد وامانتك اتبعي تعليمات الدكتور زيييين زين وطمنينا عليك لاهنتي

 

[يافعيه]

مبروك عليك اللوك الجديد

بس لي سؤال لو تكرمتي ....حياتي انتي....

الاسبوع اللي جاي موعد عمليتي شد البطن خوفتيني من شد الذراعين

طيب لو الجرح مخفي من الابط؟ ايش رايك جزاك الله الف خير

 

[غاده بنت وليد]

..~


الحمد لله علا سلامتك اول شي

بس احي لازم الشد ضروري شلون اشفط من دون شد
اول شي ما راح يبان شفط المنطقه الا اذا شدت عشان تحسين بالفرق..

وفعلا عيد كلينك كويسين بجده بس اللي في هنا((الرياض))

ما سمعت مدح ابدااا

طيب ما اعطاك مشد للاذرع او لآ..

ولا تخافين الخط راح يزووول مع الايااام
علا حسب جلدك ،،

..~

 

[uae_asma_uae]

حمدالله على السلامة ومبروك على النتيجة

 

[dectora 7elwa]

عليج بالعافيه
الجرح مع الوقت يتحسن لكن ما يروح

 

[مانجه]

حمد الله علي سلامتك

 

[so cute mama]

الحمدالله على سلامتك بسالك الخط بالطول ولا بالعرض

 

[يافعيه]

نفس السؤال
الجرح طولي او عرضي يعني لو من الابط مش اسهل وافضل والا لا

 

[على موته اغني]

الحمدلله ع سلامتك ياقلبي وانشالله ماعلى قلبك شر ياقموووره وجزاكي ربي كل خير على نقل تجربتك للبنات لتفيديهم ..
( بس امي دبرتني الله ياخذ من عمري ويمد بعمرها ) اثرت حيل فيني هالجمله ربي يطوول لك بعمرها ويخليها لكي يالغلا

 

[SUCARA]

ياحياتي الحمدلله انك افتكيتي من هالمشكله واتوقع بعدها تغيرت حياتج 180 درجه وقمتي تلبسين المخصر واللي على قياسج ضبط
الله يتمم عليج ويفرح قلبج دوووم

 

[فجر الجنوب]

الله يحفظك