شوفوا شنو سووا فيني ريلي سبب لي مشكلة

[الهام 2009]

السلام عليكم .....
من لي غير اصحاب المنتدى الغالي حتى افضفض عندهم واجد النصحية الحكيمة ... جزاكم الله الجنة ​

مشكلتي باختصار انا متزوجة حديثا ... وحصلت مشكلة بين اسرتي وزوجي ... زوجي مسافر في بلد اجنبي وانا في الكويت... (للعلم ابي متوفي من سنة ونصف تقريبا) ... زوجي خطبني من اخي وزوجة ابي اللذان هم وكلائي وبعدين اتفقوا على العرس وفلوس العرس والواسطة كان قريبنا وبعدين لما بدانا في عمل اجراءات العرس بلغنا القريب بمبلغ تقريبي وهو 7300 دولار علشان نبدا حجز الصالة وفستان الزفاف وباقي لوازم العرس وزوجي دفع الفلوس للقريب (الواسطة) .... وبعدين قلت الفلوس منا واحنا ما كملنا الاجراءات الباقية فلما وصل زوجي من السفر وامه جاءت معاه بلغناهم باللي صار وكملو باقي الاجراءات وبعدين خلص العرس وفرحنا وانتهي الموضوع اللي صار انه زوجي وانا اتعزمنا في بيت اهلي بعد العرس وبعدين جاءت مرت ابوي وقالت لزوجي "على فكرة القريب صاحبك هو واهله ناس بخلاء وايدهم ماسكة علشان لما كنا نحجز الصالة والفستان كانو يقولون لنا ليش ماخذين من الغالي" وبعدين زوجي سكت وما قال شي ولما رحنا البيت زعل وقال هي مرت ابوك تقصد اني انا البخيل حاولت الطف الموضوع وسكتنا وبعدين راح زوجي وقال حق صاحبه اللي هو الوسيط بيننا والوسيط زعل ايضا فراح اتصل على اخوي المسافر الى ماليزيا للدراسة وبلغه وقال له يرضيك انه امك تقول على هذا الكلام وااخي اتصل على مرت ابوي وبلغها وهي من يومها زعلانه معاي وتقول لي كيف زوجك يفتن على ويقول على كلام زي هذا .... وانا اتصلت على زوجي امس وبلغته بالموضوع وقلت له لا تكبر المواضيع وتفشي اسرار الزوجية لاحد وبعدين زوجي راح دق على رفيجه وعاتبه ورفيجه دق على اخوي وهي اللحين مرت ابوي شايطة وصراخ وسب وشكو تقولين حق ريلك .... وهي عصبية ولسانها اشطوله وانا اللحين ام الاعصاب قايمة علي بسبب هذا الموضوع يا ربي شسوي​

بالذمة يا بنات انا غلطانة لو لا ​

 

[انوثتي غير وياك]

مرت ابوج وقفيها عند حدها

ولا تتدخل بأي شي

الحين لازم ترهدين زوجج توج عروووس

 

[انوثتي غير وياك]

تهدين **

وطيبي خاطره :d

مدحيه بكلام حلوو قوليله

مرت ابوي تبالغ باالكلام

 

[قطوووة]

بصراحة شرباكة كلامج

بس طؤلي بالج ؤطنشيها ؤقؤلي هذا كلامج

ؤطاف لاتخلينها تعكر مزاجج ياعررؤس

ؤمبرؤؤؤؤؤك

 

[Gifts&Occaions]

الله يعينج

 

[حناينq8]

زوجج لمن حس باتهام مرت ابوج له سكت

ولمن رد البيت زعل !!

واتصل بلغ رفيجه !!

ورفيجه بلغ اخوج واخوش اتصل في مرت ابوج وصارت براسج

بالهداوه وبالاسلوب الحلو كلمي ريلج وقولي له يوخر عن طبع القيل والقال ويحفظ اسرار بيته خصوصا وانتوا باول زواجكم
السالفه تافهه بس اساسها الكلام الفاضي اللي لا يودي ولا اييب

 

[استبرق الكندري]

حبيبتي لا تزعلين احد نكون واقعين اكثر مرت ابوج راح تبدع بالكلام اذا من اولها والصراحه ماله لزمه موضوع بخيل .. لانه الكلمه تجرح مهما يكون ... ونصيحه مني لج روحي لزوجج وحاولي تطيبين خاطره وتدلعينه وسويله جوووو وقوليله امسحها بويهي واي شي جرى من صوب زوجة ابوي مسحه بويهي وانت تاج راسي وظهري وسندي وحبيبي وكل شي بدنياي وانت الاول والاخر .. لما تطيبين خاطره لا تخلين الشيطان يدخل بينكم يا عمري ... وقولي حق مرت ابوج يا خالتي او امي اذا تحبيني وتعزيني خلاص انسي الى صار ومسحيها بويهي وجنه شي ما صار اكيد انتي ما ترضين انه يخترب بيتي ... واحنا اهل بالاخير .... وصدقيني انتي الرباحنه لانج بتكونين وصلة خير .... ودايما اذا كان في شي غلط ان كان من منو الغلط غلط والصح صح لا نقول عشان امي اختي ابوي اهلي ورانا حساب وقبر وسؤال ...

 

[كربون امها]

زوجج مكبر السالفة عالفاضي

 

[simone]

ريلج من حقه وهو وربيعه يزعلون لنه مرت ابوج ماله داعي تتكلم هالكلام خلاص العرس صار واستوى
ليش اطلع هالكلام الحين ؟؟؟

 

[طيــــــــــــف]

زوجك ومرت ابوك مكبره السالفه على الفاضي
ومرت ابوك لاتدخلينها بمشاكلك انتي وزوجك

 

[samyah a.o]

الله يسعدك دنيا واخره
ومرت ابوك المفروض ماتقول الكلام هذا للرجال خلاص أعرستوا وفرحتوا وإنتهى الموضوع لييييييييييش تتكلم عن شي إنتهى
وقوليلها لعد تكلم زوجك عن أهله او اهل اهله او اصحاب اهله او اي شي يخصهم
وانتي اضيتي زوجك وقلتيله الكلام الصحيح ماله داعي اي كلمه تقوله لأحد قوليله زوجة ابوي عصبيه وهذا طبعها تاخذ على الناس على طووووووول وتتكلم من دون ماتقصد وانا مارضيت عن كلامها بس ماعليك منها وماله داعي تدخل اخوي بسواااالف حريييييييييييييييم
السالفه تااااافهه وشي يصير بيتك وبيت اهلي بينا نحلها ماله داعي الناس يدرون
وهذا مشكله بداية الزواج صدقيني زوجك بياخ درس
من هالسالفه وسوالف غيرها بتجيكم عااااادي لاتشيلين هم
الملهم خلي موقفك معه وااااااااااحد
مايتغير اسرارنا بيننا بس

 

[مموريز]

مرت مالها حق تتكلم في هالموضوع ....زالزواج انتهى وخلصنا ,,,,,,,,,,,,,,,ليه تتكلم في شي قديم.....
وقفيها عند حد ,,,,,,,,,,,وووالا تتمادى في اشياء ثانية بحياتك؟
وزوجك غلطان لمل راح وكلم الوسيط,,,المفروض سكت وعداها,

المهم ,,انت هدي وحاولي تراضين زوجك تراك عروس يعني في اول حياتك.

 

[ام الدرر]

حبيبتي الزم ما عليك زوووووجك
فهميه انك ما شكيتي ومتقبلة كل شي
وابوك اللي تشترين خاطرة وتستحملين مرته الله اخذ امانته
طنشيها لما تهدى
والموضوع بروحه بيتنسى ​

 

[دلع العتبان]

الله يهديهم

 

[al-musk]

يووووووووووووو على سوالف الحريم الحين عرس وصار وانتهى شكو كل هذا وزوجج شكو يدق على الرجال ويتحسس مفروض راد على مرت ابوج ومسكتها من ساعتها وخلاص

 

[granted]

على فكرة انبطت جبدي ترى:eh_s(14):
فلان قال وقالت فلانه فلانه نقلت الحجي لفلان وفلان حاجى فلان ورد عاتب فلان


انزين انتي شكووووووووووووبكل هذا
ليش تشكين انج غلطانه؟

انتي مانقلتي حجي ولاقلتي حجي من الاساس شلون تكونين غلطانه؟

وبعدين شنو هذا هذيلا رياييل يتناقلون الحجي جنهم بشاي الضحى@@
شخلوا للحريم

على فكره اهم مسوين مشكله من لاشي طلعي منها بس انتي وخل يقولون الي يبون لان اي كلمة بتصير ضدج سواء من ناحية اهلج ولا ريلج انطري لين تطفى النار بروحها

الله يوفقج

 

[G!RLooNa]

مرت ابوج و ريلج غلطانيناهيا مالها حق تقول جذي جدامه و اهوا ماكان له داعي كلش يروح ينشر الخبر ليش هالحركات شخلى حق الحريم

 

[Queenleo]

مرت ابوج غلطانه ووريلج بعد غلطانه

 

[miss_whitemocha]

الرياييل صاروا ألعن من الحريم بسوالف القيل و القال، قضبي زوجج و علميه يمسك لسانه شوي مو يخر الأولي والتالي برة.​

 

[دلوعة صلوح]

الله يهديها مرت ابوج العرس صار وانتهى على خير ليش تفتح مواضيع انتو فى غنا عنها.