شوفوا شصار معاي اليوم .....

[أبكاني ذنبي]

السلام عليكم


شخباااركم ؟؟


بدخل على طوول



اليوم رحت دار الشفا بشوف الغرف ومافيني شي انا توني بالسابع


وامشي عادي وفجاه ياتني دووخه باللفت الاصنصير وماحسيت بنفسي


وطحت اغمي علي ضربت الارض وشلوني وشافوا السكر زين لان معاي سكر حمل


وطلع الضغط ناااازل وااايد وكليت روب بملح وخفت ورحت لعيادتي وسويت سونار


الحمدلله كل شي طبيعي بس جنه نزل علي نقطه دم وخفت علمت الدكتوره قالت اخذي ابر تثبيت


ابرتين وانتي حره ترددت حيييل مافيني دم او انها نقطه مادري واهي خيرتني فخذيتها وعورتني


والاسبوع الجاي قالت بعد ابره يعني ثنتين بس


قلت لها لو مافيني شي ماتضرني قالت لا احتمال فيه دم بسيط بالرحم اهي تعالجه


ولما رديت البيت اقرى بالنت بعضهم يقولون قويه وبعضهم يقولون ماتخلي الرحم ينفتح



اللي خذيتها 250 مللي فيه اكثر ولا اقل مادري



فيدوووني جزاكم الله خير انا بجريه وادعولي الله يثبته ويقومني بالسلامه انا والبيبي



ولكم مثلها يااارب

 

[فرفشه منعنشه]

ما اعتقد جبيبتي وانشالله مافيج الا العافيه وابرتين والجرعه مو قويه لا تحاتين وربي يسهل عليج انشالله وتقومين بالسلامة
​

 

[الحــــــلا كله]

ماتشوفين شر حبيبتي

ان شااء الله ماتضر

 

[● عـِـِـِزۈة آخ‘ـَـۈاْنـهـآ «-~]

انا اخذت يمكن ٤ ابر
وحبوب دافستون لمدة ٣ شهور
وخرعوووووووني الرحم مايتبطل ومادري شنو
بس الحمدلله يارب ولدت والله سهل علي

مالج شغل بخرابيط النت يهولون بكل شي
ويكبرون الامور

 

[أبكاني ذنبي]

فرفشه منعشه ... الله يجزاج خير حبيبتي


الحلا كله ... اللهم اميييين ماقصرتي يالغاليه


عزوه اخوانها ... طمنتيني الحمدلله والله كريم انا واايد خايفه

 

[راقيه وجذابه]

حياتي الله يثبته ويهون عليج وتولدي ولاده طبيعيه يارب

ويقر عينج بشوفته سليم معافى يارب

 

[أبكاني ذنبي]

راقيه وجذابه ... اللهم امييين الله يسمع منج


مشكووره فديتج

 

[عنووشه]

انا ماخذه ابر تثبيت لمده شهرين كل اسبوع ابره

تقريبا ٨ ابر

ولدت عاادي


لاتحاتين والله يهون عليج

 

[سموره 87]

الله يثبته وتقر عيونج بشوفته بصحه وعافيه

 

[كل دنيتي امي@]

حبيبتي لاتحاتين

ووكلي امرك لله

اختي تاخذ حبوب مثبته لمدة ثلاث اشهر
وبعدها تحاميل لين نهاية السابع
بعدين قالو خلاص ترى ماعاد تولدين طبيعي الا بالقيصريه
وفكتهم نهايت السابع
اول سبوع بالثامن ولدت طبيعي

يعني لاتسمعين كلام الناس
مافاد باختي

 

[شفايف كرزيه]

انا اخذت ابرتين وحبوب دافستون
والرحم مابطل معاي بس مو منها الله يسهل عليج

 

[Tic_Tac]

ان شاءالله ما تضرج ولا تضر البيبي

وان شاءالله تولدين بالسلامه

 

[أبكاني ذنبي]

فددديتكم حبيباااتي


الله يطمن قلوووبكم يااارب ويهون عليكم


جزاااكم الله خير جميييعااا

 

[ورده عنابيه]

الله يشافيج ويثبت حملج

 

[ام الحلوااات]

اللـــه يـــثـــبـــت حـــمـــلــــج ويــــقــــومـــــج بـــاالـــســـلامــــه

 

[ام فوااز]

إي أحسن لج جان خذيتي ما راح يضرج بالعكس
والله يتمم لج على خير يارب

 

[أبكاني ذنبي]

ام فوازي


ايه فديتج انا خذيتها خفت ماخذها واندم

توكلت على الله والله يكتب اللي فيه الخير يارب

 

[دلال و غلا]

حبيبتي سلامات و ما تشوفين شر
لا تحاتين الله الحافظ
والله يثبته ويقومكم بالسلامه

 

[ghadeeeer]

ويييييييييه آنا بولدي ما خليت إبرة تثبيت بالعالم ما خذيتها هذا غير حبوب وتحاميل الثبيت وقريت واااااااااااايد خرابيط بالنت وتهويلات من الحريم إن الرحم ماراح يتبطل ويمكن أولد قيصري وانصدمت رحمي تبطل بالسابع وولدت خامس يوم بالتاسع
وبهالحملة من حملت للحين وآنا آخذ الإبر وتوني مسوية ربط لأني رحمي متبطل
باختصار ماااااااااااااالج شغل بكلام النت

 

[ELFAD3Ah]

انشالله مافيج الا العافية