شوفوا شصار باختي عند سوق اجيال

[امل الشرووق]

احذروا من الي يطرون بالسوق والله ثم والله انه هالكلام اللي باقوله صحيح
قبل امس اختي رايحه السوق الفحيحيل صوب مجمع اجيال كانت تبي تروح البنك التجاري اللي بالمجمع عشان معاها فلوس تبي دخلها بحسابها المهم قبل لاتوصل البنك جتها حرمه منقبه وحامل مرت عليها بعدين رجعت لختي ومسكت ايدها تسالها عن سوق سناء وصفتلها اختي السوق وقامت تقولها انا زوجي ميت وماعندي احد يساعدني والصدمه الكبرى انها طلبت من اختي 300 دينار اتوفعون شنو صاررررررررر والله ماراح اتصدقون ( انا لو احد قالي غير اختي ماراح اصدق ) تدرون شنو الصدمه انه اختي طلعت الفلوس اللي معاها كانت بظرف وطلعت 300 وعطتها اختي الحين مصدومه تقول مادري شلون عطتها تقول الي اذكر انه عيني مارمشت لما كنت اطالعها اختي حيل مضايقة . وموقادره تنام نفسيتها حيل تعبانه .
يابنات انتبهوا من هالشكال اللهم يكفينا شرهم حسبي الله علىها الله لا يوفقها .



"" اللهم بلغت اللهم فاشهد ""

 

[ملوكة الامورة]

الله لايبلانا اكيد ساحرتها

 

[مراحب@]

اعوذ بالله من هالاشكال

 

[المحبه للاستغفا]

رد : شوفوا شصار باختي عند سوق اجيال

انا لله وانا اليه راجعون

سمعنا عن مصايب ومشاكل بسبب الي يطرون

اختك المفروض ماوقفت تسمعها

الله يكون في عونها

 

[جاذبة الخير]

رد : شوفوا شصار باختي عند سوق اجيال

لازم اذكار الصباح والمسا هذا اتوقع فيه علاقه مع القرين والله اعلم

 

[منيرة خالد]

الله يعوضها ، بس لازم تبلغ الشرطة ما يصير تسكت ما يجوز >>> علشان تحمي غيرها من هالساحرة وترد لها فلوسها

 

[Q8yat30]

رد : شوفوا شصار باختي عند سوق اجيال

لاتزعلين من كلامي
مسكي اختج وقوليلها يا حنينه
القانون لا يحمي المغفلين


وخليها تنتبه واذا فات الفوت ما ينفع الصووووووووت​

 

[سجايا العنود]

السحره يقرون طلاسم حتي الضحيه يسمع كلامهم واموامرهم يكثرون عند البنوك علي المسلم تحصين نفسه وقرائه ايه الكرسي ودعاء الخروج من المنزل


عسى ربي يوعضج اختج وتحسب الفلوس الي راحت صدقه

 

[شمس 20]

يمه ياساتر
زين قلتيلي
جزاج الله خير
عشان ماروح هناك واسحب

 

[النملة نواري]

حسبي الله عليهم

 

[om deaj]

تدرين عاد انا خلقة ماحب اطالعهم ولا احط عيني بعينهم عشان لا احرجهم

الله يعينها اختج

 

[عاشقه مودي]

رد : شوفوا شصار باختي عند سوق اجيال

الله يستر علينا يارب
قــويــه 300 دينار المهم أنهم بخير و ماصار فيها شي

 

[شيخـة الـزيـنـااات]

رد : شوفوا شصار باختي عند سوق اجيال

يمممممممممه



حسبي الله عليهم

 

[أمة الله]

مفروض ما تسكتون عساس الموقف ما يتكرر
لازم تبلغون

 

[عزتي مالها حد]

رد : شوفوا شصار باختي عند سوق اجيال

صاجه
انا سمعت بعد جذيه

عسى الله يكافينا شرهم ويبعدهم عنا

 

[:: عائشه بقلبي ::]

رد : شوفوا شصار باختي عند سوق اجيال

اختك المفروض ماوقفت تسمعها

 

[امل الشرووق]

مشكورين عل ى الرد واعتبر بنات الكويت كلهم خواتي عشان جذي كتبت الموضوع من خوفي لا يتكرر لوحده منكم وبالنسبه للبنات اللي قالو بلغوا الشرطه احنا تعرفون بدو ومانقدر ندخل مخافر غير اخواني مايتفاهمون ممكن يمنعونه من السوق مانروحله

 

[ملواكي]

الله يعينها ويعوضها

 

[اشواق2008]

الله يعوض عليها

 

[طويت صفحة الماضي]

رد : شوفوا شصار باختي عند سوق اجيال

قامره اختج ترى اختج عطتها فلوس وماكانت بوعيها الله يعوض على اختج الحني لازم قبل لاتروحين اي مكان حصني نفسج بالمعوذات واية كرسي واهي شي دعااااااااااء سوق يابنات حتى ربي يحميج من الجن والانس