شوفوا شتقول المدرسه لولدي

[سموالاميره]

تعرفون المثل اللي يقول الدار دار ابونا والقوم حاربونا......


اليوم بعد نهاية الدوام واحنا قاعدين نتغدا قال ولدي يمه يبه اليوم بعد ماخلصت امتحان الرياضيات قمت وسلمت ورقتي للمدرسه جان تقولي((((((((( روح ياقزمه ))))))))):eh_s(14): يقول انا انصدمت من الكلمه ورجعت مكاني
تخيلوا بدوون اي سبب ولا مبرر وحتى ل في اسباب ماتنقال هذي اللفاظ مع العلم ان ولدي من افضل الطلاب عندها بالصف وشافها قاعده تصلح الامتحان وقالها ابله جم جبت؟؟؟ سفهته ولا ردت عليه يقول انا لما قلبت الورقه شفت علامتي فل مارك .


الصراحه صعقنا انا وابوه ولنا احتمال انها منقهره انه احسن من المصري اللي بالصف مع ولدي والصراحه خفنا ان نروح نشتكي تقعد تحط الحره فيه بدرجات الشفوي وطبعنا لها رساله كتبنا فيها.


السلام عليكم ورحمة لله وبركاته

مدرسة الرياضيات الفاضله

نشكرج على جهودج الطيبه طوال العام الدراسي

ولكن عندنا عتب على حظرتك على موضوع....................................................
...............................................
وكتبنا الموقف وكتبنا تحت ان احنا ما نبي نصعد الموضوع للاداره حت لايكبر وحبينا ان يكون بينا وبينك ونتمنى ان تكوني في مكانا هل ترظين ان اي شخص يتلفظ بهذي الالفاظ لابناءك؟؟؟؟؟!!!!!



وتقبلي عتبنا بسعة صدر


والد و والدة ..........................

وسلامتكم

 

[ريماا]

شالمدرسة السوقية؟ يعنى هذا واهو ممتاز
اوكى دام خلاص طرشتى الورقة نطرى شوفى شنو ردت فعلها؟
ولا ونى احب المواجهة يعنى تكلمينها وحها لوجة وتستفسرين منها وتعطينها مجال ترقع الموضوع دام تخافين لاتظلم ولدج بالدرجات
بس يالله الجين شوفى ردت فعلها وعلى اساسها تصرفى

 

[سموالاميره]

ليييييييييش عاد 11 دخول ولا ردت اي وحده .

ليش الموقف لهذي الدرجه سخيييييف بعينكم.

 

[um hamed]

مادري والله بس هذي مدرسة المفروض يكون عندها اخلاق واسلوب
بس الشرهه مو عليها على الوزارة اللي قامت تعين اللي يسوى واللي ما يسوى
روحو شوفو الجامعات الخاصة وشوفو الدكاتره اللي معينينهم والله ما عندهم شهايد

 

[أم عبووووود]

ياحبيبتي انا اقول لو انج رايحة بنفسج انتي او ابوه ومعاتبينها احسن من الورقة

لانها راح تفسرها انها تهديد فروحوا وكلموها يمكن تكون مو قاصدة او شي

الله يعينج

 

[ReeMaN]

يمه عصبت علينا @@

عمى بعينها من ابله حسبيالله عليها

لالالالا مو سخيف حبيبتى بس الافضل اتواجهينها احسن من الورقه ...ماتوقع راح اترد عليكم بشي

 

[سموالاميره]

يالغاليات انا ادري اني دزيت الورقه بس باللعنه خليها تعبرها مثل ما تعتبرها تهديد ولا غيره احنا ماضلمناها

ولا ابي منها رد بس اللي راااااااافع ظغطي شنو هالتخلف !!!!!!!!!!

ولو بواجها ادري ماراح امسك نفسي لاني بسرعه اتنزفز قلت الورقه احسن.

وسلامتكم

 

[سموالاميره]

reeman

والله انج ظحكتيني لاتلوميني اساسا انا كاتبه الموضوع وانا مرتفع ظغطي.

تحياتي

 

[أ.س.م.ا.ء]

كلمة المدرسة وموقفها كللللللللش ماله معنى مني والطريج تقط حجي ماصخ عالولد الله يهداهم بعض المدرسات يحرون :eh_s(14):
آنا عن نفسي عجبني تصرفكم واشوف انه وايد راقي والكلام الي كتبتوه ماكان فيه كلمة تجرح او كلمة غلط
ووسعي بالج دام عيالنا بالمدارس ياما بنشوف ونسمع :tek:

 

[سموالاميره]

مشكوووووووره اختي غنايم على الرد وفعلاااااااااااا مثل ما قلتي بنشووووووف ونسمع بلاوي.

اشكر مرورج

 

[توته]

حلوه سالفة الرساله علشان يكون عندها خبر انكم عارفين وساكتين تنقرص شوي

 

[سموالاميره]

مشكووووووره على المرور اختي توته.

تحياتي

 

[هالة الصباح]

السلام عليكم
أختي سمو الأميرة بصراحة مو العيب في المدارس العيب في التدريس والمدرسيين والمشاكل النفسية الي عانون منها المدرسيين صراحة ماكو مخافت الله وانتهت المحبة والاحترام في نفوسهم ماكو رحمه في قلوبهم بطلعون هل الأبلات حرتهم في عياني والحرة ذابحتهم ماكو عقل بدل ما تخلي الطلبة يكنون لها الاحترام والتقدير وتعلمهم وتوجههم وتربيهم اهي مفروض تكون معلمة ومربية فاضلة عيالنا عندهم قاعد يتربون ويتعلمون على ايدهم ليش هذا الحقد ليش تخلي روحه حقيرة وتقلل من شأنها مفروض اذا عندها مشاكل شخصية ما طلعها في الطلبة والتلاميذ حطو الله بين عينكم اتقوا الله بس بعد كل الهل كلام لازم تواجهينها وتكلمينها وتتأكديين بنفسج ليش قالت هذه الكلمة؟؟؟؟؟؟؟؟؟؟؟
مو قصدي ولدك يكذب بس شنو المشكلة سمعي منها والسلام ختام

 

[سموالاميره]

ياااااااااهلا والله

مشكوره اختي هاله لصباح على المرور

انا اعرف نفسي بتنرفز بسرعه واعرفها بتنكر ولا عندها مبرر يعني شنو بترد وحتى قلبي مايسمحلي احرجها بالوجه قلت اقرصها من بعيدها بقول لي بعيد علشان يكون عندها خبر ان ولدنا بلغنا وعلشات ترأف بحال هالطلبه المساكين والمصيبه ولدي يقول انا كنت بقولها ليش تقولين لي قزمه وانا ماسويت شي يقول بس خفت ماسكه عصات وخفت تطقني.

وسلانتج

 

[نداااوي]

صباح الخير أختي سمو الأميرة

أغلب المدرسات أسلوبهم مع الأطفال سوقي وقليل أدب حتى مرات بيعلمو أطفالنا السب والأفاظ البذيئة

أنا واجهت مشاكل مع مدرسات بنتي مع أن بنتي مؤدبة وهادية بس بنتي مشكلتها تروح الحمام كتير ومرة مدرسة من المدرسات ما خلتها تروح وسوتها على نفسها ولهالوقت وهيه متعقدة من موضوع الحمام والبول (أعتذر عن التوضيح)

ولما زوجي راحلها ما عجبها الموضوع ويقولي صارت تهز أكتاف وتقول أنا ما أكرها أنا موحاطة حطتها ولما دخلت الفصل نادت على بنتي وقالتلها أنا رح أحطلك صفر جدام كل بنات الفصل؟؟؟!! طيب ليش هالأسلوب السوقي والحاقد؟؟؟ على العلم إن بنتي بتاني ابتدائي بس

صراحة ما في أي طريقة الواحد يتعامل فيها مع المدرسات بتعاتبيهم بيزعلو وما بتحكي معهم بيتمادو؟؟؟

أنا ما بقول غير حسبي الله ونعم الوكيل في كل ظالم

 

[سموالاميره]

هلا والله اختي نداوي

هذي مال فصل مو مال تعلوم .......صج شي يتلف الاعصاب انا اقول البعض مو الكل طريقة معاملتهم وكأن الطلاب عبيد عندهم.

صج صج حسبي الله ونعم الوكيل فيييييييييهم.

وتسلمين على المرور

تحياتي

 

[نور**الدنيا]

عيل خل اقولج سالفه ولدي امس
وانا قاعده ادرسه جان يقولي يمه ترا ابلة العربي مشعت شعري امبييييييييييييه لا تشوووفووون شنو صار فيني ضغطي صااار مليون امبيه يعني شنووو عيالنا عندهم ولالالا بنتي ابلتهم المصريه تقولها يااانتنه اي ليش جذي
ابي رد شنووو اسوي

 

[النجوم]

ميخالف صبري وروحي لها واخذيها بلسان حلو ولاتبينين لها انج متضايفه من هالموضوع مدحيها وقولي لها انا ولدي يحبج وايد وكل يوم يمدح فيج ويحب يحضر للمدرسه علشانج بس امس ياني زعلان منصدم علشان قلتي له جذي وقولي لها انج وضحتي حق ولدج ان المدرسه كانت تتغشمر معاك0 علشان ماتاخذ من ولدج موقف ولاترد عليج رد بايخ وقولي لها انج مقدره شكثر هم يتعبون ومضغوطين بالمنهج حاولي تبينين لها ان انت ارتحتي لها من كثر مدح ولج حقها وشوفي رد فعلها 0 اما انها تعتذر لج وتكلم الولد ترفع من معنوياته او اذا شفتيها مو هامها روحي بكل ذوق ولباقه كلمي المدرسه الاولى علشان ولدج لاتتعب نفسيته 0 انا مره صار لي مثل هالموقف وتداركناها انا والمدرسه وماكانت تقصد اهانة بنتي ومن يومها وهي تعامل بنتي معامله حلوه لدرجة ان بنتي للحين تحبها مع انها الحين بآخر المرحله المتوسطه والحجي صار لها بالابتدائي 0
الله يكافيج شر المدرسات بس يقول المثل ان كان لج حاجه عند الجلب قولي له حجي جليبان 0 وموفقه0

 

[النجوم]

للاسف الحين المدرسات اليوم مايهمهم بس ياخذون راتب اهم شي عندهم لان صار ماكو ضمير حسب الله ونعم الوكيل فيهم نادر اذا كانو زينين وبضمير بس طبعا مو كلهم 0 شوفي انا الحين عيالي بعضههم بالثانويه وبعضهم متوسطه وانا كام متعقده من مشاكل المدرسات وبيي يوم وبسفل فيهم بس مو الحين آخر السنه 0

 

[سموالاميره]

خوووووووووووش مثال

بس يا الغاليه ولدي دااااااايم يذمها ويقول اني قمت اكرهه مادة الرياضيات والسبب هي يقول على طووووووووول لسانها زفر وعصاتها بأيدها.

ومشكووووووره على المرور اختي نجوم

تحياتي