شوفوا دكتوره شقالتلي وشرايكم

[ام ناصر 2009]

السلام عليييكم
شلونكم كرووشات:eh_s(7):
من جم يوم سويت سونار انا بثامن الدكتوره قالتلي وزن بيبي 1300
وتقولي ضعيف حييل وانه ماله داعي اصوم وانا ابي اصوم مابي افطر:eh_s(16):
يعني بنات صج الجنين ضعيف حيل وزنه وعلي ذنب اني اهملت تغذيتي:eh_s(10): لان من صيام ماقمت اكل عدل
وشنو المشاكل اللي بواجها لو ظل الوزن ضعيف فيدوني بلييييز

 

[++MesK++]

؛

؛

حبي الدكتوره ابخص بوضعج الصحي



بس اذا انتي ملزمه تصومين حاولي الفطور يكون اكلج صحي و مغذي



عشان الياهل حرام وايد ضعيف



؛
؛

 

[مواصله]

ماادري لكن موشرط كلامه صحيح،،شوفي طبيب ثاني عشان تطمنين

انا فبنتي الاخيره قالت لي الطبيبه انه طولها ووزنها ناقصين

جبتها ماشاءالله اطول واكبر من خواتها

انتي اهم شئ اخذي فيتاميناتج والله يقومكم بالسلامه مني لي الشهر الجاي يزيد وزنه

 

[asOola_21]

سمعي كلام الدكتورة وهالاسبوعين اللي بقوا من رمضان تقدرين تقضينهم ولا تهملين الياهل لانه واايد ضعيف .. والدين يسر مو عسر

 

[Om_il3ubed]

اهو صج البيبي صغير.. بس انتي اذا ماتبين تفطرين تقدرين بعد الفطور تاكلين تمر سامعه انه زين ويكبر الياهل..

وبالتاسع البيبي كل يوك يكبر فلاتخافين ان شالله تولدين بالسلامه وبصحه وعافيه

موفقه

 

[Roty]

والله اهم شي صحتج وصحة البيبي

والله بيغفرلج وانتي عندج عذر

الله يسهل عليج

 

[@ام يوسف@]

اهم شئ صحه البيبي وحرااام وزنه حيل صغير وبعدين ترى السونار ما يعطيج الوزن الصحيح انا تقولي دكتورتي هذا وزن تقريبي يا انه يزيد 300 غرام او اقل 300 غرام و انا صار معاي بولدي بنفس لحظه الولاده سويت سونار قالت الوزن 3و400 ولما ولدته اسم الله عليه 3و800 يعني السونار الوزن يكون تقريبي

 

[سنااااي]

بصـــــــــــــراحــــه حيل صغـــــــــير وانتي بالثامن ترى مو شرط تكملين التاسع كله...... انا بنت عمتي سو لها قيصريه لان الجنين صغير وصــــــــــاعد فوق وولدوها اول التاسع..... أنا لو منـــــــــــــج افطر ... كلها اسبوعين .... تبين اجـــــــــــــر بالصيام وتستذنبــــــــــــين بالجنين... والا ماتبين دين عليج...... حبيبتي فكري الحمدلله مابقى الا اسبوعين عليج بالفيتامينات والاكل .... مابالـــــــــــــــــــــج لو انتي انفاس من اول رمضان...... اللـــــــــــــــــــه يهون عليج

 

[الشماليه 30]

اولا الله يهون عليج وتولدين بخير وسلامه وثانيا مريت بنفس تجربتج وقالولي الياهل ضعيف ووحده الله يجزاها خير امدحتلي الحليب كامل الدسم والتمر والصراحه نفع معاي وولدت بنتي بوزن طبيعي بعد ماكانت ضعيفه حيل جربي ومنتي خسرانه شي وتقبلي مروري...........................

 

[ورد وردي]

حبيبتي بخصوص الصيام الدكتورة ادرى وتقدرين تسألين دكتورة ثانية وتسألين شيخ دين عشان يريحج

بس الاكل اكلي اشياء تمتن مثل الوجبات السريعة لان سعراتها الحرارية عاليه اكلي باسكن روبنز اكلي ككاو ومعكرونيات

مادري احس جذي وطبعا فتميناتج

 

[شقرا كويتيه]

البنات ماقصروا

 

[درة أهل الطولات]

لا تصومين ليش تضحين بالبيبي

 

[بخـــارى]

شربي حليب طازج واكلي تمر وموز
وان شاءالله يكبر
انا بنتي باول اسبوع من التاسع 1500
ويبتها كيلوين بس ماشاءالله صحتها زينه وماحطوها بالشيشه

 

[ابلة غزالة]

حاولي اتعوضين بفطورج و في سحور
و حاولي تاكلين بين الفطور و السحور لا تتركين هالفتره لو على الاقل فواكه
انا عيالي كله ايبيهم صغار و عادي لان انا ساسا برمضان او غيره ما اشتهي اكل وايد
بس اعوض بفواكه و فيتامينات و حليب طازج و اكل صحي

 

[موجة ~ بحر]

اذا الصيام فيه خطورة عالبيبي لاتصومين

 

[يآحبي الدآيم]

اكلي فطاير الفيصل حيييل تمتن بين السحور والفطور واكلي سيريلاك بالقمح يسمن البيبي

 

[om MaRyooM]

المفروظ هالوزن يكون بالسابع مو بالثامن


فطري ألزم ماعليج صحة البيبي

وان كان على الاثار وسلبيات هالوزن ان بيكون فيه نقص مناعة لأن الطفل مو متغذي عدل ببطن الام .. هذا غير انج بتخافين علي وااايد لما تبدليله وتشيلينه

انا بنتي يبتها كيلو و900 وتأذيت وايد لأن يبيلها عناية خاصة ولازم ترظع عدل

يعني غير لما يكون الياهل مشالله 3كيلوات عرفتي


واخذي فيتامينات وحاولي اكلج يكون فيه حديد وكالسيوم

 

[ام ناصر 2009]

؛

؛

حبي الدكتوره ابخص بوضعج الصحي



بس اذا انتي ملزمه تصومين حاولي الفطور يكون اكلج صحي و مغذي



عشان الياهل حرام وايد ضعيف



؛
؛

حياتي مسوكه شلونج حوبي
المشكله بعد الفطور او حزه الفطور ما اشتهي اكل شي كلش قليل اكل جني تعودت عالصيام
اي معور قلبي ضعفه كلهم يقولولي حيل ضعيف واحاتي

 

[sweeta77]

اذا الصيام مآثر عليك اعتقد انه يجوز تفطرين
بس هم سالي فيها

 

[ام قدووور]

حبيبتي نفس حالتج وراجعت دكتورتي الاسبوع الي طاف

وقالتلي لا تصومين لانه الياهل مو قاعد يتغذا

لاني مثلج ما اشتهي اكل ومعاي دوخه ولوعه وكنت مابي افطر

بس اهم شي صحت البيبي لا تصيرين انانيه وتفكرين بس انه لا يصير دين عليج الياهل شذنبه ؟ ما تخافين عليه؟؟؟

ورا رمضان اقضيه والدين يسر مو عسر وانتي ما فطرتي الا بعذر

فطري واكلي عدل وكثري حليب بالموز واجبان وبرد وانشاء الله وزنه بيزيد*