شوفوا الفرق بين احتفالات العيد الوطني قبل والحين ... وحكموااا

[بنت بابا جابر]

بناااات ابيكم تشوووفووون الفرق بين احتفالات الكويتين بالعيد الوطني قبل واحتفالاتهم الحين ...!!!

ونبي نعرف شنو اللي تغير ..؟؟؟ وليش وصلنا لهالمستوى ...؟؟؟

وعلى فكره هالتغير مو بس الإحتفالات بكل شي ...؟؟؟

ملاحظه : اتمنى من خواااتي المشرفاااات ما ينقلووون الموضوووع لقسم ثاااني لأن انطرح لنقاااش ...


مشاهد لاحتفالات الكويت بالعيد الوطني في السبعينات

http://www.youtube.com/watch?v=e2yxWzoQAM0

http://www.youtube.com/watch?v=Ti7QdJiral0&feature=related


مسيرة العيد الوطني بالكويت في شارع الخليج 2010

http://www.youtube.com/watch?v=DvJG6XjIADA&feature=related​

 

[tolay]

هههههههههههههههه الفرق انه اول ترتيب ونظااااام

الحين حوووسه وعلى بعض !!

الاول تحول

 

[غــلآ الكويت]

صاااجه
والله قبل احتفالتنا احسن وارتب
الحين صارت الاحتفالات مصخره واذيه خلق الله بهالرغوات
اففف
اتمنى يمنعونها ونرتاح من هالفووم

 

[رمز الموده]

شلون مافهمت عيد الوطني بسنة السبعينات اي عيد ؟؟ مخي مشوش

 

[بنت بابا جابر]

شلون مافهمت عيد الوطني بسنة السبعينات اي عيد ؟؟ مخي مشوش

يعني احتفاااالاااات العيد الوطني بالكويت أيااام السبعينااات

 

[blue diamond]

وناسه ايام السبعينات

 

[لؤلؤية]

ما شفت الروابط
بس الفرق واضح...قبل ترتيب ونظام واحترام للغير
والحين حدث ولاحرج

 

[PinKiSHo]

بنااات انا مالحقت على مسيرات السبعينات بس امي تقوول كان روعه ويسوون عروض حلوة تقوول الواحد كان يروح مع اهله ويستانس وكان صج شغل متعووب عليه

بس صراحة مسيرات الحين مسخرررره لابعد حد خااصه الشباب اذكر سنه 2006 يوم توفى بابا جابر الي سوو مسيرات بس صامته بدون اغاني ولويه والله يابنات ان كنا بالسياره بنات موقصدنا نروح المسيره بس كنا رايحين الشعب بس طلعنا عالخليج يوو شباب شسوو فينا حاولوا يبطلون الباب بس اشوى كنا قافلينه جان يرشون رغوة عالجامات الجانبيه والجامه الاماميه ويرفعون المساحات !!! تكفووون احنا بنات شنو تبونا نسوي ماقدرنا نتحرك واذا نزلنا نبي نمسح بيغرقونا بس اشوى طلع واحد ولد حلال ونزل من سيارته ومسح جاماتنا

وهم شفتوا اليهال الي يوقفون عالشارع يرشون فووم والله ان كنا بلسياره مع امي ولا ياهل ينط جدام السياره يبي يرش علينا وزين ما دعمناه الله ستر وانا امي حيييل عصبت وخافت وانا تنرفزت هذوول وين اهلهم شلوون يخلون عيالهم جذي مايخافون عليهم خطررر والله ياهل عنبو يبي يرش ينط جدام السيارة ولا الي يرشون وينحاشون يركضون وتدعمهم سيارة مو حرام وين اهلهم

ليش صرنا نحتفل جنا همج اذكر وحده من رفيجاتي تقول ناسين نقل الباب نزلونا بالشارع ورشوا علينا يعني تخيلوا المنظر ايي واحد يسحبج من سيارتج ويرش عليج فوم عنبوا احتفال !! يااخي مانبي نحتفل غصب والله قمنا نكره نطلع بهاليوم بسبه الهوايل الي نشوفها

حوادث , هوشات , دهس , موووت , اصابات !!! اووله ليش كل هذا تبون تحتفلون ولا تنتحرون !!!!!!!!!

بس انا ودي اقترح ليش مايمنعون الرغوه بهاليومين ويسكرون شارع الخليج ويسوونه نفس يوم افتتاح هلا فبراير وياخذون طلبه المدارس يسوون عروض وفقرات والداخليه والجيش والحرس الوطني والله يطلع احتفال رااقي وحلو ولا شراايكم

 

[sereen]

بصراحه السبب اهو نوعية الناس " quality" اختلف ولماتختلف النوعيه تظهر معاها اختلافات اخلاقيه , وللاسف لاحظى على الرغم ان فى قوانين تقريبا لكل شى تقريبا لامور الحياة , الا قانون الاخلاق الظاهر الدوله يبيلها تسوى هالقانون عشان تحمى الناس من بعض وتحمى نفسها , المفروض والعالم تقدم وتطور اكثر واكثر والناس طلعت ودرست برا وخلافه مازلنا " احنا العرب او الخليجين " نعانى من قلة الوعى الحضارى والتصرفات النظيفه احنا والمجتمع الامريكى الجنوبى واحد لا يختلف اثنين على ان احنا نتشابه كثيرا حتى بالتصرفات , نعانى من مشكلة صحيه خطيرة فى عقووولنا , والله مرات اقول الظاهر المشاكل الاجتماعيه والعلاقات السلبيه , والضغوط اليوميه خلت اخلاق الناس بالحظيظ ,

 

[㋡..PRINCESS..㋡]

أيام قبل صج كانو على نياتهم والاحتفالات كانت حدها مرتبه والناس صج براااءه مو ألحين استغفر الله .. الله يهديهم ..

 

[عهود الحب]

لأنه قبل ماكان في ناس تروح تستعرض ملابسها وسياراتها
الناس الي تروح تحب الكويت صج ويحبونها نظيفة ويحبون بعضهم البعض
الحين الناس تروح عشان ترش وتلعب وتقل ادبها والبعض يروح يتطمش على المناظر الي هناك
لأنه قبل كان في التزام بالقانون
اللحين تروحين للبحر عقب المسيرات تنصدمين من كمية القذارة بالشوارع
وكأنه الي راحوا رايحين يوصخون الشوارع ويمشون
ليش ؟
طيب هذي ديرتكم
اذا انتم توصخونها منو بيحافظ على نظافتها

لو صج تحب الكويت عمرك ماتقط شي يوصخ الشوارع
مثل ما انت تبي بيتك نظيف
هم ترى الكويت بيتك !

 

[**أوراد**]

الله..

اي والله الأول تحــــول..

,,

 

[.:!:. ونس .:!:.]

حسافه ≈

 

[بنت الحساوي]

اسمحولي اقول انه المسيرات الحين صارت للهيلق والعقد بس

وللأسف بعض الأمهات تشجع عيالها وتشتري لهم هالفومات يعني يبونهم يستانسون ما يدرون انهم قاعدين يشجعون على هالظاهرة المزعجة والخطرة

 

[CUTE ENGINEER]

الناس تغيرت الفرق الوحيد

أهو الناس نفسهم قبل كلهم مهذبين وراقين وسنعين

مافيهم هلاقة الناس الحين

شبابنا للأسف وايد تددهور

 

[فجر الغلا]

اخييييييييه على ايام قبل

 

[أم حمادين]

اي والله انا مع البنات قبل غيير صج مالحقت على ايام السبعينات بس فرق حتى الابوريتات قبل لها ميزة مو نفس الحين
الحين الي يبي يتبهذل يروح المسيرة عقد ولا الحين ياينج من قطر والسعوديه والاماراتيين وغيرهم

 

[بنت بابا جابر]

اي والله انا مع البنات قبل غيير صج مالحقت على ايام السبعينات بس فرق حتى الابوريتات قبل لها ميزة مو نفس الحين
الحين الي يبي يتبهذل يروح المسيرة عقد ولا الحين ياينج من قطر والسعوديه والاماراتيين وغيرهم

لايااا أم حمادين ماااانبي اساااءه حق اي دوله خليجيه... ومثل مااا شبابهم يووون يحتفلووون بأعيادنا الوطنيه ... ترا حتى شبابنا يحتفلون ويشاااركونهم اعيااادهم الوطنيه ... وكل دوله فيها الشين والزين ...​

 

[عقارية]

الله يعين

 

[أم حمودي**MALL**]

بصراحه السبب اهو نوعية الناس " quality" اختلف ولماتختلف النوعيه تظهر معاها اختلافات اخلاقيه , وللاسف لاحظى على الرغم ان كلشى انحطله قانون , الا قانون الاخلاق الظاهر الدوله يبيلها تسوى هالقانون عشان تحمى الناس من بعض وتحمى نفسها , المفروض والعالم تقدم وتطور اكثر واكثر والناس طلعت ودرست برا وخلافه مازلنا " احنا العرب او الخليجين " نعانى من قلة الوعى الحضارى والتصرفات النظيفه احنا والمجتمع الامريكى الجنوبى واحد لا يختلف اثنين على ان احنا نتشابه كثيرا حتى بالتصرفات , نعانى من مشكلة صحيه خطيرة فى عقووولنا , والله مرات اقول الظاهر المشاكل الاجتماعيه والعلاقات السلبيه , والضغوط اليوميه خلت اخلاق الناس بالحظيظ ,

معاج 100%
على الطاري ذكرت قبل جم يوم كنا واقفين عند الاشاره بسيارة انا وريلي بين حطين والسلام يعني مو صوب المسيره كلللللللش
ما وعيت الا جيب يمنا ورشوا علينا هذاك الفوم من اول السياره لاخرها ريلي عصب بيطالع منو ولا الجيب فيه بنت صغيره مع السايق:rgewrg:
اتخيلوا حتى اهلها مو معاها؟!!!!!!!!
يعني شنو اهلها موصينها؟!!!!! هاج الفوم وبس تشوفين سياره رشي عليها وصخيها؟؟؟؟
لا حول ولا قوة الا بالله
صج الديره خراب بخراب وكله من الاهل​