- إنضم
- 10 يوليو 2011
- المشاركات
- 1,368
- مستوى التفاعل
- 0
- النقاط
- 0
- العمر
- 33
- الإقامة
- بعز أبوي وأمي دلعتني ّ!
بسم الله الرحمن الرحيم
والحمد لله والصلاة والسلام على نبينا محمد وعلى آله وصحبه اجمعين
*اما وبعد : ـ
عزيزاتي خواتي في الله
ما طرى على بالكم التوبه ؟
خاصة وان رمضان شهر الرحمه والمغفره عالابواب ؟
بنات قبل يومين رحت لعزاء رفيجتي ابوها متوفي في ابها
اي يا بنات كانوا مسافرين اعتمروا وراحوا ابها يتمشون فيها ابوهم مافيه شي وموكبير بالعمر
وهم قاعدين وسوالف ومستانسين بالسفره
سكته قلبيه ومات !
من دون سابق انذار
سبحان الله
سبحان اللي هذي حكمته
كنت قاعده افكر وانا بالعزا
يعني سبحان الله ليمتى واحنا جذي
لين متى فينا اللي تكلم شباب
لين متى وملابسنا ملفته للنظر بالاماكن العامه
لين متى واحنا بالكليات سوالفنا مع الاساتذه وضحكنا معاهم للاخر
لين متي واحنا نغتااب بغيرنا والحش عندنا مثل شربة الماي
لين متي واحنا بالعروس اكثر وحده فينا ملابسها عريانه تعتبر احلي وحده عندنا
لين متي نكذب
لين متي مانصل ارحامنا
والاهم من هذا كله
لين متي واحنا مانصلي
يا بنات والله افكر لو انهي هالموضوع واموت
ياربي فعلا موتة هالرجال هزتني وصحتني
والله يا بنات اعرف وحده كانت معاي بالمدرسه
والله يا بنات انها ماتت عالبست مال الرقص
ماتت وهي ترقص
ووحده معاي بالكلية صار عليها حادث الصبح وهي كانت تراجع لامتحانها وماتت
يا بنات محد يدري متى يووووومه
اصحوووا تكفون والله اننا بنعمه نحسد عليها
يا بنات توبوا لله قبل لا يصير شي ونتوب غصب لا حول ولاقوة الا بالله
دامنا متعافين وفي بلد آمين
ليه ما نحمده ونشكره ليه نعصي ربنا
لاحول ولا قوة الا بالله
يارب رحمتك ومغفرتك يارب العالمين
