شور علي...

[هوازن العتيبي]

السلام عليكم حبيابي ....
محتاره من وين ابتتدي بس والله تعبت ومليت
اول شي انا تزوجت من اشهر والحين حامل ولله الحمد
بس المشكله بزوجي ؟
بنات والله لواقولكم تنصدمون
وصخ بمعنى الكلمه
مايتسبح الا وين وين لما اقوله يافلان تسبح بس بطريقه حلوه مثل
شرايك اجهزلك الحمام تتسبح يرد على بكل برود بعد شوي وشوي يمر عيه ايام والايام يمر عليها مشاغل وطلعات وزايارت
والرررررررررررررررررريحه؟؟:0bee2e8d89
ياقلبي لاتحزن
وغير كذا الجنابه مايتسبح الا بعد الالحاح والمقابل الفلسفه اللي ماله داعي من انا افهم وانا اغسل انا ......وانا........
تخيلوا بنات انا مهما عطرت فراشي من عطورات وخلطات قويه ماامدح نفسي بس بتغلب على الريحه
اليوم الثاني الريحه تغلبني
والمصاريف من تزوجت مارحت السوق الا كم مره عن الذمه بس شنو الدفع علي صحيح انا موظفه والله مغنيني عن فلوس بس الوحده تحتاج مهما كان الفلوس من زوجج لها طعم غير وشلون لا كنتي محتاجه
اذكر توني عروس ماصارلي شهر رحت السوق اضيق لعبايتي مالت الدوام
ماعندي الا 13 دينار حدي مقحطه من العرس وتجهيزاته
دخلت المحل اهو وقف بره طالعته بنظره استغراب ليش
دخل بعد المفاصل انا والهنديه توقعت بيدفع كلها 3 دنانير سوا حركته المعتاده يدخل ايده بمخباته يدور بوكه بس خبالي يعني بنت عز انا بدفع
طبعا اهو ماصدق
ودفعت ... رحت بخاطري اشتري اي شي بس احس اني نفس باقي الحريم دخلت محل تكرمون للجواتي
خذيت شحاطه اعجبتني لونها فسفوري
سعرها 10 ونص تخيلوا وقف بعيد ولاكنها واقف عند الكاشير
دفعت العشره ونادته ع نص دينار
ياقلبي لا تحزن:0bee2e8d89:
خبال مني المفروض خليتها ولا ذليت نفسي على نص
وغير وغير السوالف اللي تغث القلب منه
الحين ماني عارفه اشلون اقوله عن ريحته
مو خوف اني مااتكلم ولا حب الصراحه انا ماحبيته بس بعيش علشان اللي بطني
بس اشلون اتكلم ما احب اجرح والمشكله كله ثقه في نفسه
يجلس مع الرياجيل وعند خواته و...
والريحه حيل طالعه




شورا علي شلون اعلمه بدون ماجرحه والله زهقانه من الوضع
لا بصراحه مرات ببطها واللي يصير يصير
طبعا اهو نفسه خايسه وحيل يشيل بقلبه
واهو ماعليه قاصر من العطورات الغاليه بس يتعطر ع نفس الملابس الداخليه اللي صارلها اسبوع ماتتغير







لا تخلوني فديتكم:gr4uu:

 

[انتظر حبه]

رد : شور علي...

الله يعينج
اهم شي النظافه شلون مايتسبح من الجنابه شنو مايصلي

 

[ماني من الناس]

مادري والله مشكلتج صعبه

اهو بعد مو ياهل تكلمي امي تقول له او اخته,,,,,,,,,,
والزواج بهالزمن صاير حظ يا نصيب,,,,,,,

قوليله دش نتسبح مع بعض,,,,,,,,,وعوديه كل يوم بعد شتسوين فيه مثل اليهال,,,,,,,وحطي له عطر ومشطي شعره,,,,,

قوليله ابي اعاملك مثل البيبي امدحيه عشان لايشك بتصرفاتج,,,,,,,,

وعشان الفلوس قوليله حبيبي,,,,,,وليش ما تحط لي مصروف شهري بالبنك ,,,,,,,,حطيه امام الامر الواقع

احسن من كل مره تنادينه تعال ادفع,,,,,,,,تحججي قوليله معاشي ما يكفيني وبتشرى حق البيبي,,,,,,,,,

 

[ريماس77]

لاحول ولاقوة الا بالله العلي العظيم
لاقوليله استغفرالله قطي نغزات بعد حق اتلطلعات والمهايل بسرعه يطلعون وحق النظافه ماكو وقت

 

[أم عبد العزيز]

أبييييييييييييييييه والله مصدقتج لأن وحده من فتره قالت لي نفس المشكله تقول والله ان كفر السرير كنت اغيره كل اسبوعين الحين كل اسبوع والود ودي كل يوم ,,,,,, وييييييييييييييييييييييييييييععععععععععععع قطيعه ليش جذيه
الله يعينج حاولي تقعدين معاه وتفهمينه
دخلي عليه من باب انج حامل وما تتحملين الروايح اللي مو حلوه
تعالـــــــــــــــــــــــــــــــــــــــــي تعالــــــــــــــــــــــــــــــــي
شنو سالفة الجنابة يعني ما يتسبح من وراها
ابييه يبي له كتيبات عن هلشي

الله يهديه

 

[G!RLooNa]

eeeewwww :/// الله يعينج

 

[حدى عنيده]

استغفرالله مايتسبح من بعد الجنابه شنو هذا الحمدالله الذي عافانا مما ابتلاهم بهم وفضلنا على خلقه احسن تفضيلا

 

[جوري 2007]

ول ول ول والله مشكلة

شوفي حبيبتي ريلج مايفيد معاه الذرابة يعني اكثر من انج تقوليله بزهب الحمام روح تسبح ! حتى الياهل يفهم !

كلما يقرب منج حطي ايدج على خشمج وتكلمي لما يقولج اشفيج ؟ قوليله ريحتك بصراحة موحلوة وانا عيزت المحلك :lkmnkl:

اذا ماتقدرين تسوينها وانا ادري انها صعبة لاتسوينها

تحملي والله يعينج :tongue22:

 

[chanel N22]

حياتي الله يعينج
لا ترى شي جايد اذا مايغتسل من الجنابه يعني مايصلي @@ الله يهديه يارب العالمين ويفرج همج

 

[أم حمادين]

الله يعينج حتى من بعد الجنابه استغفر الله هذا ما ينفع وياه الا المواجهه اشكره كلميه باسلوب حلو مو اصراخ قوليله انا مرتك واقرب الناس حقك واذا صارحتك احسن من غيري يكلمك ويجرحك وانا ابي لك الزين مابي احد ينقد عليك وقوليله ان الله نظيف يحب النظافه واذا على المصروف قولي له اشكره انا الحين حامل والي ببطني انت مسؤول عنه من الحين ويبي مصاريف وحتى انا
المواجهه احسن حل والله يعينج ياعمري ويهديه

 

[المـــــها]

الله يعينج

شلون ما تبين عليج اللوعه قدامه ؟؟؟

بعدين شلون أسبووووووع ما يغير ملابسه الداخليه ؟؟؟؟


صج صج الله يعينج





حبيبتي مافي إلا انتي بنفسج تطلعين له ملابسه الداخليه و تجهزين له الحمام كل يووووووم
و إذا قالج لأ ولا مالي خلق
قولي أبيك فرش النظافه من الإيمان



و إذا ما نفع ماادري شقول
مافي إلا تبطينها بوجهه شدعوا مايحس
شالوصاخه اللي حتى ملابسه الداخليه ما يغيرها



أو شوفي دام إنج حامل
قولي له إذا شميتي فيه ريحه أف ماتحمل حياتي قوم تسبح ما عليه قاع أتوحم ع الريحه هههههههه
يمكن تنفع بس خاف يقول روحي بيت اهلج ليما تولدين

أتوقع يسويها لأن ماله خلق ع السباحه



شوفي حاولي ولا تيأسين
بس أهم شي بدون تجريح
و لا تقولين لأحد من أهله ولا أهلج
تحرجين حرام خلي بينج و بينه




و إن شاء الله تفتكين من هالمشكله
و بعد يحس على نفسه و يصرف عليج ولا يخلي بخاطرج شي




:friends:​

 

[*loveli-noni*]

وااااااااااااااااي بصراااحه الله يعينج...

 

[ام دودو المزيونه]

البنات ما قصروا كفوا ووفوا انا يوم تزوجت كنت استحي اطلب منه افلوس ومراعيه ظروفه كان عليه قرض وما يصفي من معاشه شيئ الا 60 دينار تخيلي فكنت انا اعزمه علي السينما والمطاعم بين فتره والثانيه علشان ابي اطلع واستانس لما مره التفت علي واحنا بمطعم وقال منو بيدفع من يومها عرفتي الي طاقه اصطار والله وانصدمت بس ما تعدلت الا بعد 9 سنوات زواج بديت اقط المصرف عليه والأجار ما قمت اساعده فيه مثل اول وماجلت البيت عليه وقللت روحاتي للجمعية بس اصرف علي اعيالي والبيت بالمعقول يعني تعدلت 20 بالميه بس لأن معاشه الحمدالله تعدل يقدر يصرف ويتحمل مسئوليه
وتوني من اسبوع صاكتها زعل يومين بوز ممدود وما اكلمه كلش ملش ليش الحلو يذلني علي افلوس العيد لعياله ويوم دري انا طالب لبنتي نفنوف العيد واشحلاته عليها قال خلاص بخصم من الفلوس كلهم 150 دينار وبيخصم بعد وما ذكرني بهدوم العيد والله بس علي هالكلمه خليت يمشي يكلم عمره ورفعت الضغط عنده ( اعرفه عدل مدل ) تدرين قلت له مو كل عيد نفس السالف كل ناسيني شنو حتي بالشرع انتي ملزوم فيني والمصيبه انا اداريه ومعاش العطله كله طلب من النت لعيالي ودافعه 430 دينار رسوم تسجيل مدرسه خاصة لولدي وكل شهر انا الي ادفع لهم شيبى بعد وامصلحه سيارتي فوق 500 مو طار المعاش الا تبخر بس خلاص بصير من الحريم الي يطلبون علي ابو ان عندي كرامه
خواته حسبالهم اخذ منه كل شهر للعيال وان معاشي صاك الألف اخته قالت لي جذي الله وكيلج ما سكت مثل اول جدام جنتهم صلحت لهم المعلومات وهو قاعد ما تكلم وبينت لهم ان الكبت ثلاث ارباعه مني والربع الثاني من اختي مو من ولدهم خالتي قامت تبلع بريجها ولو صج اخذ من ولدهم جان الذهب تارس ايدي والساعات الماركات مو حتي الشبكه بايعتها
تدرين اول لبينت له انه امقصر يزعل مني جني سابته وما يكلمني بس خلاص بتغير من 20 % لي 50 % علي الأقل بحاول
تدرين علي كل هذا بس للأمانه امحافظ علي صلاته واكيد حريص اكثر مني علي الجنابه لأن وراه صلاة علشان جذي احبه لو ازعل منه بس هم بتغير واغيره معاي للأفضل طبعا
اشتري لزوجج عطورات ماركات بحدود العقول دخليه الحمام وانتي دلعيه والله بيركض قبلج عرفي مفاتيح زوجج علي فكره 70 % من الرياييل الكويتيين ما يحبون السبوح وقليلين النظافه بس ما توصل انهم ما يتنظفون عن الجنابه حرام
انتي غيريه بدون لا تجرحينه تري يحطون ابقلبهم

 

[وتلومني فيك يوم اغليك]

الحــــــل الوحيـــــد ...



اعصــري على راســـــه (( شـــامبووو )) وشوفي ..قولي بالغلط .. اوف زهقه وصاخه الله يعينج

 

[fatomy]

مستحيل الله يعينج...............

 

[ماني من الناس]

الحــــــل الوحيـــــد ...



اعصــري على راســـــه (( شـــامبووو )) وشوفي ..قولي بالغلط .. اوف زهقه وصاخه الله يعينج

هههههههههههههه هم يضحك وهم يبكي

 

[SUCARA]

انتي الحين الكره بملعبج سووي نفسج تتنسين عليه وقوليله ما اشتهي ريحتك واحب ريحه الشامبو
واذااااااااااا مانفع
بطيها بوييه اذا اهو مايستحي انتي لاتستحين واذا زعل قوليله انا ابي الشي الزين لك لو ماتهمني جان ماكلمتك
بس ما ارضى الغرب يتكلمون عليك وانت الحمدلله موقاصرك شي يعني الماي والصابون عندك ومتوفر وعطيه من هالكلام حتى لو يتضايق بس ينتبه

 

[*سحآبة*]

رد : شور علي...

يعع !من صجج يالعتيبيه ..ومتحملة رمته ؟عاد كلش ولا صنان الرجال اففففففف تصك الراس ..!

 

[عاشقه القيصر]

الله يكون بعونج ..
سويله اشتراكات حمامات مغربيه وقوليله هذي هديه من لك .
واذا مارضى قولي اشلون اتردني وسوي روحج زعلانه واكيد بيروح ويتنظف ومالج الا الدعااااء يالغاليه

 

[المستغفرة 74]

رد : شور علي...

اللة يعينج الا الريحة ويع مصيبة