شورو علي يابنات اخذبنتي معاي ولا لا لاوربا + وين اسكن + جم بتوقعون بتكلفني السفره ..؟

[ام القمرالمطيري]

السلام عليكم

مسافره باذن الله بجوله لاوربا لجم دوله

المانيا + سويسرا + النمسا + واخر محطه ايطاليا

ابي اخذ بنتي عمرها 4 سنوات وزوجي رافض

لان السفره الي قبل اخذتها لتايلند وتعبت علينا

تدرون مشاوير وتمشي تعبت القموره وبجت وشيلوني وردوني

انا قلتله البنت كبرت ولما اخذها السوق ماعاد تقول شيلوني يعني صارت مو متعبه بالطلعات

فاابيها معاي

وهم باخذها لانها متعلقه فيني وانا حيل بفقدها

ولان عندي ثنين غيرها بخليهم عند اختي مابي اخليهم الثلاث عند اختي واثقل عليها خاصة ان خدامتي ماراح اتلحق عليهم لان الثانيين بنت ام سنتين ونص وولد بو سنه

انا اتوقع اوربا مو مثل تايلند يعني مو متعبه ورحلات ومغامرات وتمشي واسواق نفس تايلند ولا ..؟

ثانيا عطوني لو سمحتو اسامي فنادق حلوه ورخيصه بهالدول .. اكيد بنسكن بمناطقهم المشهوره يعني ميونيخ زلمسي وهكذا


ثالثا جم لازم اخذ معاي

جم بتكلفني الاقامه والسكن اهناك وكله كله بحدود 2500 ولا اقل ولا اكثر

لاتحسبون التذاكر انا اقصد لما اروح اهناك جم لازم اخذ معاي فلووس عشان مااتوهق لان بقعد اهناك 20 يوم

وجزاكم الله كل خييررر

 

[<miss botamba>]

انا اقول اخذيها حرام كبيره وتفتهم

واخذي عربانه خام

والفنادق دشي بوكنغ واذا ماتعرفين له عطيني اسامي المناطق مع التواريخ لكل منطقه واطلعلج الارخص

 

[ام القمرالمطيري]

يعني توقعين ماراح تتعب قصدي ان اوربا مو مشاوير ورحلات نفس طريقة تايلند

زوجي يقول انها بتخرب علينا الطلعات بتتعب لي تمشينا او تسوقنا

ان شاالله اتاكد من زوجي عن اسامي المناطق

او ليش اتعبج حبيبتي

بس علميني طريقة الموقع لازم اسجل ولا عادي
والله يوفقج حبيبتي ويبعد عنج كل سوووء

 

[ريانااا]

حبيبتي اخذي بنتج لان اوربا اسواقها من الساعه ٨تسكر يعني انتم الساعه ٩بالفندق وخليها تستانس بالثلج وحجزي الفنادق اللي بالسنتر احسن يعني لو تتعب تردون الفندق والتكلفه ٢٠يوم بحدود ٣٠٠٠اذا بتشتري اغراض اذا بدون تسوق ٢٠٠٠ وزلمسي صغيره ومحلاتها ٦تسكر بس خذي لها ملابس شتويه وادويه حراره ومضاد وتروحون وتردون بالسلامه

 

[ريانااا]

انا بميونخ سكنت فندق مارتيم حلو وكل كويتين وقدامه محطه القطار وقريب من السنتر يعني مشي خمس دقايق وعنده بقاله اللي يبيع فيها عراقي وعندها بقالات ومطاعم عربيه وتراالفندق ٣/٤نجوم بس حلو وقريب والريوق بعد حلو

 

[<miss botamba>]

يعني توقعين ماراح تتعب قصدي ان اوربا مو مشاوير ورحلات نفس طريقة تايلند

زوجي يقول انها بتخرب علينا الطلعات بتتعب لي تمشينا او تسوقنا

ان شاالله اتاكد من زوجي عن اسامي المناطق

او ليش اتعبج حبيبتي

بس علميني طريقة الموقع لازم اسجل ولا عادي
والله يوفقج حبيبتي ويبعد عنج كل سوووء

شوفي الصراحه اهوا يعتمد على بنتج اذا دعله والا لا سوري عالكلمه بس جد

اذا حيل تتعسر وماتحب الا مكانها فكري فيها قبل لا تاخذينها

اما اذا سمحه والله اخذيها وجنه العيد

وروحي بو 100 واشتري لها الوان وهالسوالف


والموقع ماكو حطي اسم المنطقه و التواريخ وشوفي الاسعار وفجي الخرايط وشوفي الاقرب لسنتر وبس

 

[نـعـومـه]

اول استخيري

وانا رايي اخذيها كبيره شايله عمرها حتى لو راح اتعبج يكفي انها بين عيونج يعني تعب جسدي
يهون عن تعب نفسي

وهم فشله تودينهم كلهم عند اختج

مع الاسف معلومات ماعندي خبره فيها

 

[حبيت طيفه]

تبين شوري والله بنتج صغيره وراح تتأذى وايد ومارح تستانسين خليها مع اخوانها وماعليها شر ان شاءالله بأمان عند اختج والله خذيت عيالي معاي ماليزيا والصغير نفس عمر بنتج لعبت فيني لعب وبعدين لما أكبرت ماتذكر ولا شي بس تشوف الصور ومستانسه فيهم بس ماتذكر احلي عمر لسفر الطفل بو8 سنوات وطالع وتقدرين تسيطرين عليه ويكون فاهم فروحي استانسي مع زوجج وخليها شهر عسل

 

[zqertya]

ما انصحج تاخذين بنتج لان بتاذيج احنا كان معانا بنات بو 8 سنين وكل شوي يبون حمام ولا يوعانه ويتعبون من المشي ولا يخلون امهم تتسوق ولا ابوهم عرفتي لان هناك كله مشي فخليج خفيفه احسن ولا تاخذينها والله ترتاحين

شوفي انا رحت مع ابوي مع قروب طبعا اخذت معاي بس مصروف حق شخصين 1200دك والحمدالله كفتنا مع كل الرحلات بكل المناطق اللي هي فيينا وكابرون وميونخ ومع الاكل والشرب وحتى من الجمعية كنا نشتري وهم شرينا خطوط تيليفون وكنا نعبي بفيينا وميونخ ومع سوق خفيف يعني ماقصرت على نفسي وكله نروح مطاعم غدا وعشى بعد

بعدين حولت من الكويت 700دك يطلع يمكن 2000يورو حق السوووق بس
وشريت واايد اشياء وفوق هذا زاد عندي 400 يورو هم تسوقت بالمطار فيهم شريت خرابيط

يعني اجمالي المصرف كله مع سوووق 1900دك بس انا ماشريت اجناط ماركه كله اغراضي هدووم وشوية جواتي وهدايه وعطور عشان اوضحلج الصوره

اما بالنسبه للتذاكر والفنادق انا دافعه حق السفريات 1670دك حق شخصين لان كنت رايحه بقروب بس انتو بيطلع عليكم ارخص بوااايد لان من غير قروب

 

[Daisy flower]

الله يتمم سفرتكم على خير ..

اذا حاسه ان بنتج ان شاء الله بتكون بأمان بالكويت .. واذا رحلتج مو حيل طويله يعني أقل من 15 يوم خليها أحسنلها ..

لأن اغلب اللي ياخذون عيالهم بهالسن يا يزعجونهم بالبجي والحنه .. يمه تعبانه يمه ابيماي يمه ابي الحمام .. يمه زهقت ابي اروح البيت .. واغلبية اليهال يصير فيهم حرارة بسبب تغيير الجو ..

فانتي شوفي وضعج اذا اوكي وعارفه بنتج ماراح تتعبج اخذيها معاج ..

 

[bent-alqsoor]

أنا اقول خليها لان توها صغيره ويمكن تأذيج كل شوي ابي وابي
وماراح ترتاحين بالتسوق والتشري
ويمكن تمل قاعده بروحها تبي ياهل بعمرها تلعب وياااه
وانا ماا اايد هالعمر يسافر لان وايد صغير
واهم شي انتي استخيري وشووفي اللي يريحج ؟
والله يخليهاااا لــــــج :**

 

[بخـــارى]

استخيري ربج

وانا افضل انج تاخذينها

 

[*peace*]

مثل اللي فوقي

استخيري اول شي

مادري انا افضل اروح بروحي مع زوجي بدون ازعاج نرتاح نستانس نغير جو الفسيات تتعدل

 

[!amorra!]

راح تكرهين اليوم اللي انولدتي فيييييييييييييييييييييييه

اوروبا يبيلها بال رايق والا تكرهينها

عادي خليها عند اختج والا الخوات ليش انولدوا الا عشان يساعدون بعض :d