شورو علي...نام وهو زعلان

[غلاك]

السلام عليكم ورحمة الله بركاته ...
صباحكم رضاء ورحمة ....تيسير و بركة ...
بنات شورو علي .....
لي 4 سنوات متزوجة .... والحمدلله على كل حااال ماعندي اطفال
مو هذي المشلكة ...
من بدات رحلت العلاج زوجي رافض الفكرة .... خناق زعل يالله نروح
مره المشكله فيني و مره فية
اخر شي زعلت وبكيت الشهر اللي فات
وقلت دني لاهلي
قال خلاص وعد الشهر الجاي
واللحين يقوول ماعندي اجازة ....وسنة ماراح اقدر اخذ اجازة :eh_s(14):
بالله شلووون اتصرف معه
قالت اناعمري حول 30
وفرصتي تقل لا حياة لمن تنادي ...ونام زعلان
ابي حل

 

[مناير ...!]

حق من حقوقج وتصرف ريلج اناني
قعدي معاه قعده هاديه وتحجي بدون انفعال وفهميه انج تحبينه وتبين منه بيبي
والله يسخره لج ويرزقج

 

[بنت النور 88]

كل شي بالهداوة. تكلمي معاه واستغفري دائم ترا الاستغفار يجيب الرزق والعيال بإذن الله

 

[رورو 88]

مو من حقه يحرمج من هالشي لازم اتناقشين معاه لانه قعد يفكر بنفسه وبس

قعدي وكلميه كوني جاده وقوليله ابي وقت معين انروح قولي متى لازم نسعى عشان

الله يرزقنا

ماانصحج اتنازلين عن هالشي العيال سند بصراحه ومحد ضامن اقرب الناس له الحين

انتي سالي نفسج لو تقدرين اتضحين هالتضحيه والا لا اذا تم يماطل

واذا كنتي اتحبينه بينون خلاص تنازلي معني مو مع هالشي فحاولي فيه

 

[الأميرة جوري]

الله يهديها

 

[فوفو22]

سؤالي انتي ضامنه تلقين الزوج وراه على طول

وسوؤالي الثاني عرفتي اسباب العقم من منو ؟؟؟؟

وسؤالي الاخير حق من حقوقج طلب الانفصال بس رايي 4 سنوات مش مثال للعقم كثير حملوا بعد السنه 5 او 6 او7

المهم الايمان بقضاء الله وقدره

لا تعذبين الرجال بالكلام الجارح لانه ممكن الله يعوضه بزوجه احلى واصغر منك تنجب له البنبن والبنات

فوفو

 

[om 7sony]

والله حبيبتي انا اقول
روحي واضي زوجج وساحليه وخلي النفسيه تتعدل
خليه يحس انه بقمة السعاده معاج
بعدين اذا شفتيه مرتاحه نفسيته ،،، تكلمي معاه وناقشيه بهداااوه
كل شي يي بالهداوه
الله يرزقج حبيبتي بالذريه الصالحه
اذا على زيارة اهلج ،،، راعي ضروفه حبيبتي
والله يسخره لج يا رب

 

[sosowaty]

ااااااااااب الله يهديه

 

[um meshoooo]

الله يرزقج يارب بالذريه الصالحه مابغيت اطلع بدون مارد

 

[ام كوثر2007]

الريال وايد صعبه عليه سالفه علاج عشان الحمل يا اختي ..

يعني مو مثل الحرمه .. صدقيني اهو من داخله ياكل بنفسه اكيد ..


لكن صعبه عليهم ما عليه يا قلبي انتي حاولي اتيينه بالهداوه وبالاسلوب الزين .. لا تحنين وتزنين علي راسه عشان ما تخسرينه بعد

وتركي عنج سالفه وديني عند اهلي كل ما غلط عليج او تضايقتي ..

انا حاسه بشعورج وكل حرمه ودها تصير ام اليوم قبل باجر


كل شي بلخناااق الا هالسالفه يا قلبي يبيلها روااق اشوي ..

وعسى الله يهديه ويسخره لج ويروح معاج وهو راضي ومو زعلان ..

 

[am_kshaa]

ربي يرزقج الذريه الصالحه الى تقر عينج
فرشي سجادتج وقيمى الليل وادعي وبتشوفين الفرج من رب العالمين
وقعدى قعدة حلوه وكلميه بسلوب هادى وانشالله توصلين حق حل

 

[Patcholli]

عزيزتي 4 سنوات من الصبر فعلا مده كافيه والحين لازم يكون وقت التحرك ..
زوجج حساس مثل اي ريال يتحسس من هالموضوع ..
ما ادري شنو ردة فعلج لاكن اهم شي اتحسسينه ان الموضوع بسيط وانكم مو اول اثنين تمرون بهالمشكله وان غيركم وايد ناس عانو مثلكم وبعد العلاج صار عندهم عيال بفضل الله .. لازم تعطينه امثله عن الحالات الي مرت عليج او قريتيها عالاقل ..
ثاني شي لازم تفهمينه ان رب العالمين امرنا بالسعي وان الطب وسيله من الوسائل الي اوجدها لنا رب العالمين وانها نعمه مو نقمه وان العلاج مو عيب ولا حرام ولا شرك .!
ثالث شي خلي اهلج يكلمونه بطريقة عقلانيه طبعا بدون ماتقولين منو فيكم الي يحتاج العلاج ..
لكن خليهم يتكلمون بشكل عام .. ويكلمون ريلج عن العلاج وانكم لازم تخطون هالخطوه ..
رابع شي اذا رحتي للدكتوره بالمرات اليايه وصيها انها تكلم زوجج وتفهمه طبيعة العلاج بطريقه علميه وواضحه وتبسطله المشكله الي تعانون منها عشان يرتاح ويتطمن نفسياً
خامس شي لاتنسين الدعاء ادعي ربج ان يلين راسه ويسهل عليكم مشوار العلاج ويرزقكم بالذريه الصالحه عاجلا غير اجل ..
ونصيحه لاتحسسين زوجج بالنقص وانه يعاني من مشكله كبيره لاتحسسينه انه غير عن باجي الريايل وانه مو قادر يقدملج هالشي بالعكس خلج معاج وخلي ايدج بيده ولاتظايقينه وتخلينه يعاند .. اخذيه بالمسايس والكلمه الحلوه والطيبه

 

[سحايب برنس]

حبيبتي عليج بالرقيه الشرعيه
والصدقه والاستغفار والله يرزقج يارب ويسهل امرج

 

[غلاك]

ياحياتي ...الله يعطيكم الف عافية
وييسرلكم ....يارب
المشكله.. لو افتح الموضوع معه وهو قمة الروقان ...يعصب ويقفل الموضوع
بعدين ..بعدين
والله من الصيف حنا على هالحال
لاحول ولاقوة الابالله
هوطيب ...بس مشكلة هالموضوع اخر اهتمامته
افكر اقلب الموضوع جد..ياربي
انا مااحب ادخل اهلي و اهله في الموضوع
بس الصبر خلاص
دعواتكم لي

 

[املى كبير]

زوجج شكله ماياًمن بالقضاء والقدر فا شكله ماًيس انج ممكن تحملين
لكن خلج على اصرارج والله يرزقكم يارب بالضنى
وان زعل عادى ماعليج بيرضى وهذا من حقج

 

[ابـيـض واسـود]

يمكن يخاف ان منه ومايبي يروح لان تفكير الرجال يحسوون رجولتهم ناقصه اذا منهم وعسى الله يرزقج بدرررزن عياال