السلام عليكم .. شلونكم بنات !
الصراحه اول مره اكتب بهالقسم وحيل محتاجةلنصيحتكم لاني محتارة شلون اساعد رفيجتي وماني عارفه بشنو انصحها
فه بعرض عليكم مشكلتها وابي نصيحتكم ومن غيرتذكير " بدون تجريح" الي بتنصح تتفضل تقول الي عندها الي تبي تلوم وتكتب كلام يجرح ماله داعي ترد ..
البنت الله يسلمكم تحب واحد صارلها فوق ال4سنوات وحيل مع بعض و24 ساعه لدرجة ان تكلمه اكثر ما تكلم اهلها
والولد يحبها ومايرضا عليها اهي بس خل تأشر وايلها اليتبيه مومخليها محتاجه شي ومن غير لاتطلب حيل يحبون بعض بدرجه ماتتخيلونها .. الله يسلمكم اهو من اول ماارتبط معاها واهوقايل لها نيته زواج وكان يحن عليها على الزواج .. اول ماتعرفو على بعض كانت اهي تقريبا ب ثالثةثنوي .. اول ماكلمت امها عن الزواج رفضت بخصوص انه توها صغيره بالثنوية ودراستها .. الخ
وبعد ماتخرجت من الثنوية وبأول سنه بالجامعه همن ظل يحن ودقو اخطبوها بسهمن رفضو اهلها لانها صغيره وماراح تقدرتوفق بين زواج ودراسة , وبعد ما البنت كلمت امها وحاولت تقنعها وافقت على سالفةالزواج واهي تدرس بس بشرط اول ماتخلص سنةثالثة يملجون ع الاقل يبقالها سنة امرها هين .. مرت الايام ودشت البنت سنة ثالثةودقت ام الولد على ام رفيجتي عشان تخطبها لولدها وتفقت مع ام البنت بس ام البنتقالت اول شي لازم نسأل عن الولد وطبعا خذو اسمه ومكان دوامه .. الخ
اهل البنت دورو وسألو تخيلو الكل يقول مانعرفاحد بهالاسم ! وراحو دوام الولد وسألو عنه همن قالو مانعرف احد بهالاسم ! شي يحيرالمهم رفيجتي طلبت من حبيبها اوراقهالرسمية يعني صورة البطاقه المدنية او الجنسية بحيث يقدرون يسألون .. كل يوم كان يقول لها بعطيج ياهم ملت واهيتنطر ومايابهم .. وقال بخلي ابوي يكلمابوج وماادق ابوه ..
ورفيجتي تعرف اهلحبيبها يعني تكلم خواته واهو يعرف اهلها مكلم امها واختها المهم رفيجتي عندها رقم امه خلت بنت خالتها ادقعلى رقم امه المهم سألتها قالت لها انتي " ام فلان" اسم حبيبها ؟ قالت لا!!! المهم رفيجتي يومها تهاوشت مع حبيبها وقالتله انته جذاب ومجذب علي بدوامك واسمكورقم امك قعد يحلف لها والله اني موجذاب بس ارجع من الدورة راح ايبلج اوراقي وثاني شي لو انا جذاب ليش اكلمج واقولج ابيج زواج بالاخيرراح انكشف اذا قاعد اجذب اكيد في غلط وسوءتفاهم بالموضوع بس ارجع اشوف شسالفه ومستعد اكلم ابوج !..
للعلم قبل لاادق امه وتخطب رفيجتي اهو كان قايل لها انه عنده دوره مع الدوام بيسافر المهم سافروقال لها اول ما ارجع راح اعطيج الاوراق الرسمية عشان تسألون .. لمن سافر بعد جميوم من سفرته طاح مريض وراح الطبيب واهنيصج الصدمة طلع فيه سرطان بالدم ورفيجتي الله يعلم بحالها من لمن درت بسالفة المرض .. المشكله وين المشكله البنت محتاره مراتتقولي اخاف اهو مجذب علي وطلع سالفة المرض عشان يرقع الي صار خصوصا انها انصدمتلمن اهلها سألو عنه ومحد عرف عنه شي حتا الدوام يقولون مانعرف احد بهالاسم ! ورقمامه لمن دقو عليه قالت انا ماعندي ولد بهالاسم !
ومشكله ماتقدر تهده واهو بهالمرض وقاعديتعالج وانتو تدرون هالمرض اهم شي النفسية موزين له الضيقه , وبنفس الوقت تقول مومعقوله مافي احد يتبلى على نفسه بهالمرض الخبيث
, بنات تكفون ساعدوني محتاره معاها ماني عارفة شلون اساعدهاوالله حالتها ما يعلم فيها الا الله كلهضايق خلقها وحتا لمن تضحك ماحسها تضحك من قلبها من كثر ماهي حاطه بالها انه اهم حق بعض من بعدكل هالمشاكل الي صارت تحس فقدت الامل انهم يكونون لبعض وحتا طاري الزواج اكرهته من تسمع سيرة فلانه ملجت ولاعرسها بتاريخ لفلاني يضيق خلقها وتقعد تبجي وحتا عروس ماقامت تحب تروح تقول لمناشوف المعاريس مادري شيصير فيني اتخيل روحي انا معاه مكانهم ويضيق خلقي على حظنا
