شورو علي الشرهان ولا العنزي ايهم الاكفئ

[ام عيالي]

خواتي مثل ما عرفتو من العنوان الموضوع واضح انه محتاجه اسوي التكميم موعدي بالعسكري امطول عند العجمي دقيت على عيادة الدكتور العنزي قالت السكرتيره المواعيد فللل مافي الا تاريخ 27 الشهر حطيت موعد ودقيت على عييادة الدكتور الشرهان قالت السكرتيره عادي مو لازم موعد الدكتور على طول تدخلين عليه اتيين العصر وتاخذين رقمج واذا فحوصاتج كامله ايسويلج العمليه بنفس الاسبوع شورو علي اي دكتور اروح بذمتكم وظميركم عاد انه حظي ردي بكل شي ما ابي اسوي العمليه واتخسبق انه قلت الدكتور العنزي مادري جنه اسمه خالد قريت عنه بتلمنتدى ويمدحونه حيل والمواعيد عنده ماشالله فللل هاليومين والكتور الشرهان قريت ويد مواضيع تمدح شغله ساعدوني الله يوجهلكم الخير وين مارحتو

 

[ام عيالي]

يله شدو حيلكم انه امجابله النت وناطرتكم والي ترد علي الله يرزقها وين ماراحت

 

[تيناا]

الدكتورين كفاءة وممتازين بشغلهم ونفسياتهم حلوه توكلي على الله عند اي واحد منهم

 

[ام عيالي]

مشكوره اختي بس انه قلت ليش الدكتور العنزي ماعنده مواعيد قريبه ولشرهان عادي باي وقت تبين تيين قلت اكيد العنزي عنده عدد البيشن اكثر

 

[ام عيالي]

خواتي ناطره ردودكم

 

[fabulous-]

اثنينهم ممتازين انا مسوية عند الشرهان والله جنه ابوج مشالله عليه

 

[ام عيالي]

مشكوره اختي ياليت البنات ينوروني بتجاربهم

 

[*°Art Glows*°]

السلام عليكم
حبيبتي لا تحتارييييييين
أنصحج بلدكتور أحمدالشرهان
لإن بحكم سنه وخبرته دكتور واثق من نفسه ويسوي من 20-25
عمليه بالإسبوع روحي وتوكلي على الله
وإدعيلي
​

 

[أم صالح]

الشرهان والله ماعرفه. بس العنزي راجعته مريح جداً وخلوق وبنت خالتي مسويه عنده تكميم. ملشاالله جنها البخت ماتعبت وخياطه اينن الغرز كلش ما تبين

 

[krkosha]

اثنينهم ممتازين وبالاساس الشرهان اهوه اللي مدرب العنزي

والشرهان مو زحمه لان اساسا ماكو مواعيد تروحين وعالدور فعشان جذي ماتنطرين موعدج

 

[ام عيالي]

مشكورين خواتي شاكره لكم تفاعلكم ماقصرتو

 

[ام عيالي]

شكلي يقول لزوجي نروح الشرهان واشوف اذا مانغزني قلبي وخفت من العمليه بتوكل على الله واذا العكس اروح على موعدي يوم ٢٧حق العنزي والي فيه الخير ربي يجدمه

 

[ii DareeN ii]

اسامة الصانع باسل السميط خالد العنزي وليد بستكي كلهم شطار استخيري اهم شي

 

[ام عيالي]

اكيد قبل كل شي الاستخاره مشكورين ياكويتيات عساكم ذخر يارب

 

[بتبوتااا]

توه ريلي مسوي عند الشرهان اقول لج روحي وانتي مغمضة حبيبتي

 

[SHEEKO]

خالد العنززي طبعااا ..

 

[L a w y e R]

الشرهان

 

[ام عيالي]

ليمن الحين شايفه انه الشرهان متقدم طبعا ولا قصور بالدكتور العنزي يزاكم الله خير خواتي

 

[Miss nerd]

انا توني طالعه من المستشفاً عند خالد العنزي روعه والله ماحسً بالخياط بس الشرهان يسوي السر وخطره ترا وتعورً كانت معاي وحدة اتالمً من سرها بس خالد لا بعيد عن السر

 

[ام عيالي]

انه شفت طريقة العمليه بصباح الوطن الوسم الي فات والي شفته انها آله يدخلونه بفتحة السر ويدخلون فيها الادوات