شورو علي؟

[الحزن مل من حزن]

السلام عليكم حبوبات
:eh_s(22):
باسالكم سوال قاعد يحوس براسي الزوج يقدر يمنع زوجته ماتحضر زواجات خواتها وتدخل بيوت خواتها هل له حق مادري سوال سمعته من رفيجتي بالجامعه عرضته عليكم ..:bbbiu:

​

 

[*peace*]

طقي فره بقوقل وبتعرفين حكم هالشي

 

[ga6wa90]

والله ماعندي فكره بس أتوقع إذا الأخت مأديتها أو تسبب لها مشاكل أكيد يقدر يمنعها منها بس مو عالفاضي يمنعها أكيد ماله حق

 

[وهج الحنين]

أعوذ بالله لا تقطعين رحمج علشان رجال

ماتدرين عن الدنيا والرجال مو مضمون يا رياجيل انكروا حريمهم بعد عشرة سنين ولا لج الا أهلج

الاخت ماتعوووووووض حراام عليه

 

[اعيون عليا]

لا .....موجايز هذاي قطيعت ارحااام

 

[الأميرة الحزينة]

لأ طبعا مو من حقه.. خل يستريح بس :eh_s(8):

 

[سارة ة]

لا طبعا ماله حق يمنعج من خوواتج

 

[{أميرة الورد}]

لآ .. طبعآ مايجووز ..

هذآ قطع رحم ..

 

[.،:"$الـعـوبــــة$":،.]

شوفي يالغالية /
للأمانة حتى لو من حقه ماراح نطيعه !!:eh_s(6):
ومدري هو من حقه من ناحية الحلال والحرام او لأ !
ماأحب افتي صراحه ،
بس والله اذكر مرة كنا نتحلطم على تحكم ازواجنا ومعانا مرة كبيرة ،
قالت سالفة وحدة تعرفها حييييل ،
تقول والله العظيم بيوم عرس اخوها بعد ماكانت متجهزة هي وبناتها وكل شي تمام !
جا الرجال على آآآآآآآآآآآآآآآآآخر لحظه وقال مافيه روحة عندي ضيوف اقعدي وسوي العشا !
تقول والله فصخت عباتها ، وراحت تركب عشا الضيوف وتجهز القهوة وعااااااااااادي ،
انا وانا بس اسمع السالفة احس راسي صكني !!!!:bbbiu:
تقول يوم الرجال شافها عااااادي وتساله تبي كذا والا كذا واطبخه كذا والا كذا !
يقول خذاها ووداها العرس بنفسه ! وعطاها شي وشويات بس تقديرا لأحترامها له ،
بس شوفي شلون ماشاءالله بعض الحريم صبورات وعاقلات ومو على كل شي يطيشون !
<< يعني نفس حالتنا ايالحريم الحين !
كنا والله نتشنج نرفس عند الباب ! هذا اذا ماعضينا شليلنا ورحنا العرس ركضه وصكيناه بالطوفه !​

 

[دمعاتي تونسني]

اذا من وراها اذي من حقة يمنعها

 

[" ام حمود "]

لااء .. ماله اي حق يمنعهآ .. حرام قطع صلة الرحم ...

 

[تعبت اداري...~]

مً عندي فكره...~
هوبآآآآ...

 

[فوفو22]

هو الزوج شرعا وقانونا له الحق

بكل طلعه ودخله لزوجته من والى باب البيت

ولكن

في سنه 2011 وبالكويت وبهذا التفتح والتكنولوجيا

اتوقع الكل يحب التواصل وصلة الرحم

وان حصل ومنع فهذه حالات تنعد بالاصابع

فوفو

 

[يرخصلك كل غالي]

خل يسسسسسسسسسسسستريح بس

الرجال يتعووض بس الاهل مايتعووضون

 

[G!RLooNa]

لا يخسي يمنعني من اهلي هذا اللي ناقص بعد

الا بحاله اذا كانت الاخت مشكلجيه و عندها مشاكل مع الكل وتربط عصاعص و محد سالم منها هني ممكن يمنعها لكن مني والطريج يمنعني لا طبعا

 

[Miss Chanel]

يرضى امنعه من اهلــــــــــه :|

ولا بس حلال علي وحرام عليـــــــــه

العوبه ماشالله عليها خويتج

 

[ترجمة احساس]

شنو اقطع اهلي عشان رجال
واذا باجر تزوج علي او يطلقني مردي لأهلي

 

[Tutti-Frutti]

لا طبعا هذي تعتبر قطيعه رحم
اذا ما فيه سبب وجيه ومني والدرب يستريح احسن له
وحتى لو كان فيه سبب وجيه
ماحد له حق يمنع احد من اهله

اللي مافيه خير لـ اهله مافيه خير لـ الناس

 

[إنسانه وأكثر]

انا اقول لحد يفتي وخلوا البنت تسأل مشايخ فيها وايد احسن لانه احنا ماندري شنو حكم هالشي

موفقه خيتوو

 

[Habibat Abooha]

يمكن عنده الاسباب إلى تخليه يمنع مرته من بيت اختها

يمكن مادياتها غير ومن جذي راح يتآذى من مرته اختى مو احسن مني وجذي

ومن ناحيتي مااسمح له يمنعني عن خواتي الا باسباب قويه غيرها لا