شوروا علي ياكويتيات في خدامتي .......

[لازوردي]

السلام عليكم ...


يا بنات انا ودي اعلم خدامتى الطبخ يعني ودي ادخلها دورات و اخليها تعلم الحلو و المعجنات و السلطات و كل شي يعني ابيها تطلع فلته بالطبخ و خصوصا انها حابه هالشي و قالت انها تبي تعلم الطبخ .... و انا لقيت لها مكان يعلمون فيه الطبخ و كل شي بس الحين اللي رادني ....

انه خدامتى فلبينيه و اخاف تسمع سالفة المعاشات االلي هابين فيها الحين و تقعد تسويلي سوالف ابي معاشي يزيد و من هالحجي و انا مالي خلق هالسوالف و اخاف اعلمها و اتعب عليها و تقوللي بعدين سالفة المعاش شسوي الحين اعلمها ولا انطر اشوف شراح يصير على سالفة المعاشات مالوتهم ..

ملاحظه : انه خدامتى كمخه و غبيه و عله و فوق هذا انا بسنعها وبعلمها الطبخ ....


ها شسوي قولوا لي

 

[الغاليه نونو]

لاتخافين ولاتحاتين اشتري كتب المطاحن فيها الترجمه حق الطبخات جربي معاها وانشالله تنفع باذن الله

 

[لازوردي]

مشكوره يالغاليه على النصيحه انا مفكره بكتب المطاحن و هم ودي اوديها دورة اخليها تعلم الطبخ بس هم خوش فكره فكرتج اخليها تعلم من الكتب و اذا عدت سالفة المعاشات اوديها دورات الطبخ علشان اتعلم ...... خوش فكره :eh_s(15):

 

[شهدQ]

انا اقول انتي علميها على ايدك اذا علمتيها ودخلتيها دورات بتنحاش منك وبتشتغل بمطعم نصيحه

اما عن المعاشات لاتحاتين بس باوربا مو هني زايدينهم

 

[شهدQ]

انا اقول انتي علميها على ايدك اذا علمتيها ودخلتيها دورات بتنحاش منك وبتشتغل بمطعم نصيحه

اما عن المعاشات لاتحاتين بس باوربا مو هني زايدينهم

 

[لازوردي]

انشالله الله يسمع منج يا شهوده بس يقولون السفارة نفت الموضوع وتقول انه يشمل كل الدول وحتى امي طالبه خدامه و المفروض اتيي بس الحين هونت لأنه تبي تنطر سالفة المعاش .......

 

[أغلى حبيبه]

ام برهووم شلونج

ليش ادخلينها دورات ييبيها عندي وانا اعلمها خخخخخ

صج والله ليش ادخلينها دورات

انتي علميها وكتب المطاحن كل شي فيها

والفلبينيه مسرع ماتقلب بتروح بره وفرون راسها وبتنحاش ولا اطنقر


انتي علميها على ايدج احسن​

 

[* LOVE STORY *]

لازوردي ديري بالج اتدخلينها دورة ماتدرين منو اللي معاها ، باجر تتعرف لها على شله تخربها وتقعد تتعنفق عليج ،
روحي مركز سلطان شرق فوق قسم الكتب والمجلات وتنقي من كتب الطبخ اللي اتينن وكلها مترجمه بالانجليزي وعطيها خل تشتغل فيها ، هذي طريقتي مع فلبينيتي .

 

[لازوردي]

هلا اغى حبيبه يا بعد عمري انا بخير انتي اللي شلونج ياعمري انشالله بخير ....

ايه والله بروح انشالله هاليومين بشتري كتاب المطاحن و بجرب معاها و صج اخاف يخربونها الخدم اللي بالدوره عاد بروحي مو ناقصه وهم مالي خلقالمطبخ وانا ما ادخل المطبخ لأني مع حمولتي ساكنه بس ودي خدامتى تعلم الطبخ بس بجرب معاها كتاب المطاحن .... و مشكوره حبيبتي على الرد الحلو

كريستاله ياعمري انتي صج هم ذكرتين بالكتب اللي عند مركز سلطان يبيلي جوله هاليومين على الكتب و انا ودي خدامتى تتتعلم لأنه الفلبينيات شطار بالطبخ و دقيقين بالمعجنات وو الحلو يسوون سوالف حلوه علشان جذي ابي خدامتى تصير فلته .....

و انشالله انشالله تبرد جبدي يارب


مشكورين يا بنات على الردود الحلوه و عساني ما انحرم منكم ياعمري

 

[bnt q8 in usa]

اقولج شغله حلوه خلي يكون عندها دفتر وتكتب بالفلبيني كل شي
يعني قوليلها الدياي بلغتهم شنووو والبصل وكتبي مجبوس دياي

ونفس الشي السلطات الشغله مايبلها دورات ولا شي باجر تتشيحط عليج
وتعنفص

 

[Harmony]

حبيبتى يبيلها كتب المطاحن و فكى عمرج و راقبيها و علميها على ايدج عشان تعرف طريقتج و طبخج احسن

 

[ورده بنفسجيه]

خت ولي عمن يعميهم والله ان اللي كانو عندي مدللتهم وعلمتهم وحده انحاشت

والثانيه تعنفقت والسوريات هلي يفتحون هالصوالين فاتحين لهم الباب ليش

منحاشه وبدون اقامه والسفاره يا حبيبتي تأيدهم على هالشي ويطلعونج
انتي الغلطانه سمعي كلام البنات لا تخسرين عليها وايد حذفي عليها كتاب المطاحن

لا تقولين اكمخه كل شي يعرفون انا تفاجئت لما انحاشت خدامتي شوفي شنو عندها

وتقولي ما اعرف

دورة ممرضه دورة فنادق دورة منكير وبدكير والله انها تقولي ما اعرف شي

ديري بالج لا ومشتغله بمصنع ملابس اتسفط ملابس واهن انا علمتها التسفط

ادري طولت عليج جني ما صدقت بس والله من الحره احذرج وديري بالج

الجواز لا تخلينا بالبيت تري تموت وتعرف الجواز وينه

 

[ms_royality]

انا اقول تعبي معاها بالبدايه و ترتاحين بالنهايه... اما على سالفة انها تقولج زيدي معاشي مالها اي حق لان القرار موعليها بس على العقود اللي تمت بعد 15.12.2006 و على حسب علمي ان تم هالقرار ولكن في احتمالية الرجوع فيه

 

[*ستايل*]

لازورى انا ما راح ازيد على الكلام اللى قالوه البنات
احسن شى تشترين لها كتب مترجمه ووتعلم جدام عينج
وبعدين حاولى انها ما تعرف سالفة زيادة المعاشات
لانى حاسه انهم بغيرون القرار .....والله يعينج​

 

[moors]

انتي علميها احسن علي ايدج او خالتج او اختج ناس يعرفون عدل بالطبخ

 

[قمر ضاوي33]

لا تودينها دورة تتعنفج عليك مثل خدامات اختي اول وحدة ودتها دورة تعرفت على وحدة تشتغل في بيت يسون حلويات وراحت لهم ....
والثانية ما يازت اختي هم ودتها دورة وبعد الدورة انحاشت وشافها ريلها تشتغل بمطعم مشهور ....
وديها عند احد من اهلك خبير بالطباخ امج ولا اختك .... بس لا يكون تودينها حق خالتك ولا حماتك يمكن يعجبهم شغلها وتغريها وتاخذها ..هههههههههه
صارت هم مع اختي المقرودة .... بعد ما ودتها حق خالتها وخالتها عندها طباخة اساساً بس اعجتها خدامة اختي واغرتها .... تغيرت الخدامة عليها وايد جان تقول اختي بوديها المكتب جان تقول خالتها لا عطيني اياها .... وعرفت اختي ان السالفة مطبوخة والحين اهي عند خالتها من 3 سنين ...

خرعتك لازوردي بس والله اذا خدامتك زينة ... انتي واهلك علموها .... ومثل ما قالو لك البنات.... اشتري لها كتب طبخ...

 

[لازوردي]

مشكورين و ماقصرتوا يا بنات و صح كلامكم انا بخليها تتعلم عند امي الطبخ لأنه ماشالله امي طبخها لذيذ و هم بعلمها انا و بشتري لها كتاب المطاحن و قبل يومين رحت جمعية اليرموك و شريت اغراض و عطوني شريط كي دي دي حق منال العالم تسوي فيه طبخات حلوه و هم قلت لها لا تقعدين مع البيبي ولما البيبي ينام شوفي هالشريط و تعلمي الطبخ و استانست لما درت انها راح تتعلم الطبخ .... انشالله ربي يسخرها لي و تصير زينه و ماتأذيني ويسخر لكم خدمكم و ما يأذونكم انشالله يارب ......

و الله لا يحرمني منكم يا احلى كويتيات