شوروا علي شالحل ؟!!!!!!

[ام يوسف2011]

السلام عليكم ..

بدخل بالموضوع سيده ..

بنات احس نفسيتي تعبانه حيييييييل انا تقريبا توني متزوجه صاري جم شهر المهم ان ريلي من تزوجنا

وهو كان قايلي ان بيكمل دراسته بالاردن وعلي فكره ريلي مايشتغل توه متخرج المهم ان راح الاردن وانا رحت بعده

وقعدت معاه اهناك شهر لاقلته طلعني ولا قتله متملله ولا حتي زاد مصروفنا وكنت اكرف بالشقه بدووون تحلطم ولانكد

المهم وحنا بالاردن قعد يلمحلي ان بعد عيد الاضحى ماراح ارجع معاه الاردن وانا حيييل تضايقت يعني ليش !؟؟

انا ماسويت شي .. المهم ان قبل جم يوم رجع الاردن وانا الحين النفسيه صفففر مالي خلق احد ولااا حد

قتله اخذني معاك الاردن بييك قالي لا برد عليج وانتي حامل موزين الطياره قتله اوكي حامل بس انا توني بالشهر ال5

قالي ميخالف ابيلج الراحه وقعدي بالكويت احسن لج وعشان الي ببطنج ويقولي انا بحاول ايي كل فتره اذا قدرت

بنات احس بس مو قاااادره مابي نكون بعاد عن بعض وحنا تونا متزوجين وخاصتا نفسيتي لاراح تصير كلش لاتطاق

شوروا علي شسوي ؟!!!

 

[توتا حمرا]

روحي قعدي عند اهلج
زوجج يبي مصلحتج خايف عليج وعلى اللي ابطنج يبيج ترتاحين

 

[Lost]

انتي تبينه قريب منج وهالشي طبيعي وعشان بعد انتي حامل اتوقع

استهدي بالله وذكري ربج

واذا االامور تمشي

بليز مشيها ولا تخلين اي عائق امام طريجكم

بالتوفيق

 

[ضايعة بدنيتي]

مادري حبيبتي بس انا اشوف ان اكبر غلط الزوج يسافر من غير زوجته خاصة اذا بيطول . طبعا هذا من نصايح الحريم صاحبات الخبره . وانا اوافقهم الراي

بس انتي شبيدج تسوين يعني دام هو ما يبيج تسافرين معاه ؟ الله يهديه ويسخره لج العمر كله يارب وربي يهون عليج وتولدين بالسلامة يارب

 

[أم ميميتو]

قوليله فهميه بطريقج بس يمكن هو خايف عليج وهم عشان مراجعاتج بالمستشفى يمكن شاف وجودج بالكويت احسن بس انتي كلميه قوليله انا ماقدر اقعد بالكويت بيي عندك و ان بس تولدين ان شاءالله مارح تقدرين تروحين عنده عشان جذي انتي حابه تكونين معاه هالفتره

 

[مياسه الحساسه]

بسلامته حبيبتي ..درب السلامه
روحي لاهلك وفرفشي مع اخواتك واخوانك والوالده والوالد
ووسعي صدرك
بس نصيحه لك لا تتصلي دايم عليه واثقلي
خل هو يشتاق ويتصل ..ويوم يتصل اعطيه من الكلام الحلوو وحشتني ومشتاقتلك والدنيا من غيرك ما تسوى ومنهالكلام
وصدقيني بيشتاقلك ولمن يزورك كل فتره بتحسي كنكم توكم معاريس
ربي يهنيكم ... وكبري راسك ياحلووه

 

[3aSaL Q8]

حيبيتي خوفه عليج ويبيج يم اهلج يدارونج علشان لا تتعبين معاه بالغربة والحمدالله التكنولوجيا ماخلت الشي البعيد صار قريب
الايفون متروس برامج صوت وصوره تشوفين ريلج كل ماولهتي عليه وتكلمينه والانترنت بعد ريحي بالج واذا ولدتي بالسلامه روحيله
والاردن مو بعيده ساعتين طياره وانتي عنده واهو عندج

 

[q8ya222]

لا تلومينه خايف عليج من التعب
وانتي حامل لا تنسين هالشغله مو زين عليج السفر والتعب
مصيره بيرجع وتستانسين
موفقه

 

[شادن33]

بعد عمري خلاص انت خليه على رايه لين ما تولدين بالسلامه وهي اشهر بسيطه بس بينيله انج متضايقه من هالشي علشان مايتعود واتفقي معاه انج بعد الولادة خلاص لازم تكونين معاه وخليه ياخذ فكره عن قرارج

 

[سحـورة]

حاسه فيج !
الله يعينج بصراحه ،
خلاص دام سافر ربي يوفقه ويرجعله لج ب السلامه ..
هدّي بالج و سوي أي شي عسب ما تحسين إنج محتاجتنه ،
ممم لا تتضايجين

 

[قلبي القرآن]

لو مايحبج وخايف عليج جان قالج أمشي وكرفي بالشقه
وانتي قلتي بعظمة لسانج انج قاعده تكرفين هناك
فهو شاري راحتج ولو صدقيني الزوج لو يبي يخربط
بيخربط وانتي عنده فلا.يروح تفكيرج بعيد اشتري
راحتج واستانسي وعيشي حياتج وطلعي جهزي للبيبي

 

[قل علها خيره]

لاتكبرين السااالفه وتعطينهآ أكبر من حجمهاا^
بالعكس فرصه تبتعدين عنه خااصه هالفتره انتي حامل والنفسيه ع قوولتج موشي ,’
ابعدي شوي اهتمي لرووحج وجهزي لولادتج وطلاااعتج ان شالله *

 

[ام يوسف2011]

مشكووورين بنات وكلامكم صح اهو بعد عمري خايف علي

بس خلاص انا كلمته وشرحتله اشلون نفسيتي تصير لما يسافر

واني دشيت بحالة كآبه فهو تفهم الوضع وبيطرشلي تذكتي

اروحله الاردن وهذا انسب حل ..

 

[amami al-kuwai]

شوفي انا مريت بتجربة لو كان زوجي عندي كنت مت بس الحمدلله كنت عندي هلي يوم طيحن اللي ببطني الله يبعد الشر عنج لا انا اعرف اتصرف حتى زوجي قال الحمدلله انج عند اهلج تخيلي لو يصير معاج شي

وعاد انتي حامل ويبيلج مقابل

الله يقومج بالسلامة ويرزقج الذرية الصالحه ويسهلج

 

[Queenleo]

شوفي انا مجربه السفر حق مؤتمرات
ودايما احاتي الي بيكون معاي
لان بفكر مستانس متضايق قاعد برووحه
من هالتفكير
فبالي مشغول دايما
وماله علاقه بالفلوس او الطلعات اهوا شيء بالبال
ووانتي حامل بعد يخاف يصير فيج شيء هناك يتوهق فيج
عالاقل انتي اهني عندج الي يباريج
وان شاء الله كلها مسئلة ووقت ووبيخلص
وبتحابلون طول العمر

 

[Queenleo]

مشكووورين بنات وكلامكم صح اهو بعد عمري خايف علي

بس خلاص انا كلمته وشرحتله اشلون نفسيتي تصير لما يسافر

واني دشيت بحالة كآبه فهو تفهم الوضع وبيطرشلي تذكتي

اروحله الاردن وهذا انسب حل ..

الله لايفرقكم
وموفقين ان شاء الله

 

[بيباا]

صااادق زوجك حبيبتي شااايل همك لأنك حااااامل ولا تخافي عليه من شي وادعي بصلاتك واستودعيه الله وستودعي قلبه ربناااا انه يحببه فيكي وبعدين مافيهااا شي انا صاحبتي عروس زوجهااا يدرس بالاردن وهي تدرس هنااااا اربع سننين بعاااد عن بعض بس بالعطلات يشوفو بعض ويموتو فبعض وخلصلت كليه وراحت معاااه الاردن بس انتي استودعيه الله هو وقلبه قولي (اللهم اني استودعتك قلب زوجي فلا تجعل فيه غيري من البشر ) (اللهم اني استودعتك زوجي فحفظه بما تحفظ عبادك المؤمنين حفظه من كل شر)

 

[ام يوسف2011]

مشكوره بيبا وان شاءالله دايما استودعه الله ..

حبيبتي في ناس يستحملون في لا انا حيل تعبت نفسيني هذيك الفتره ..

 

[al-musk]

يالله مدام سوالج الي تبين زين وتدرين جد هو خايف عليج .. ترا بردهم يذبح وماشفتي شي..باجر تبجين من البرد لي دش الشتا عدل

الله يوفقكم ويسهل

 

[ريمي اميري]

بالعكسسسس احلا خليكم تشتاااقون لبعض ...