شوروا علي بالستارة...الجدار كركمي ..والكنب جلد اسود مع ظهر مخمل مشجر سماوي وكركمي

[لاتهجري القرآن]

السلام عليكم..
خواتي ربي يخليكم ابي اشاوركم بستارة صالتي ...لون الصالة عندي كركمي سادة لون الجدار اللي في الوجه فقط والباقي سادة اف وايت (بيج لؤلؤي)

والكنب جلد اسود الارضية والظهراي الخداديات العريضة حقت الظهر (خوش تعبير ) مشجرة سماوي + كركمي +حناوي فاتك (لون الحنا الفاتحة)
عاد ابي منككم يا كويتياتنا الذواقات تقولون لي بما ان الجدار كركمي والكنب مودرن جلد اسود مع خداديات مشجرة مخمل نااااعم شنو الستارة المناسبة للصالة ؟؟؟
والجدار اللي في واجهة الصالة الكركمي طوييييييل نازل من الدور الثاني...
ابغاها بسيطة ومودرن نفس الكنب؟؟
واللي تتعب نفسها عشاني اقولها يارب تسخر لها عبيدك وتحبب فيها عبادك وترزقها من حيث لاتحتسب ..لاني بصراحة لي سنة ونصف ساكنة وما بقى الا الصالة محيرتني واااايد ....وانتم اهل الخير والفزعة ونشميات دوم ...

 

[بنت السليل]

حبيبتي اذا الطوفه مثل ما قلتي فاتحه احد الوان الكوشيات الغامج وسوي الستاره نفسه عليج بالعافيه

 

[لاتهجري القرآن]

ينات وينكم كسرتوا بخاطري وحدة بس اللي ردت طيب وين مشرفات الديكور نبي راايهم وذوقهم ؟

 

[لاتهجري القرآن]

ليش الصد وعدم الرد
ما هقيتها منكم والله

 

[ام فارس و محمد]

لا تزعلين حبيبتي

بما انه الصاله مودرن فالستاره احلي تكون لونين فقط

قماش خلفي شيفون سماوي بكركمي و قماش اتقل شوي من الامام بلون حناوي بس يكون غامق

وهذا الموديل راقي بحيث انك لما تفتحي الستاره الاماميه بيظهر القماش المشجر من تحت

دي بعض الصور لتوصيل فكرتي

​

 

[لاتهجري القرآن]

ألف شكر أختي ام فارس ومحمد عقبال يارب ما تشوفينهم رافعين راسك باعلى الشهادت وقر الله عيونج فيهم يارب
والوشاح على الستارة اللي في الصورة ما ادري احس انه يناسب الكلاسيك اكثر هاه شنو رايكم ؟

 

[ام فارس و محمد]

آمين يا رب .. تسلمي

بالنسبه للوشاح هو الاستايل مودرن .. بس ممكن تستغني عنه​

 

[ضوى الليل]

شوفى اختى من راى الشيفون لؤلؤ والستارة خام الستارة لونين سماوى وحناوى وباذن اللة تطلع شى اللة يهنيج