شورواااا علي ياا امهات

[جاكلين فيصل]

السلام عليكم
شلوونكم يااااا امهات
اليوووم جاايتكم بمشكله وابي خبرتكم ومشووورتكم
قبلل ماتجي بنووتي الله يخليها لي كنت كل ماااااا جا ع بالي اسااافر رتبت شنطتي وسااافرت
بس بعد بنووتي لا صارت عندي مسؤليه وفيه سفراااات تكووون تسووووق يوم يومين وارجع وابي اكوون خفيفه وبنتي توها صغيره عمرها بالاشهررر لوووو بخليها عند اهلي مااكووو احد بيرااعيها لان بيت اهلي فااضي مافيه الا امي الله يطوول بعمرها واهي كبيره بالعمرر يعني موووو حمل مسؤلية بيبي حتي لوووو خدامتي وياها
شوروا علي شنوووو اسوي انااا اقول اخليها عند امي هي وخدااامتي بس اخاف عليها بالليل
فيه احد جرب يخلي ولده اوو بنته عند الخدامه وتنام معاه بالليل وترااعيه وشلووون اعوود شغالتي عليه واعلمهااا شلووون تداريه وتصير حريصه عليه اهي سيلانيه وتوها يايه
ادري بتقوولون غلط تخلينها وياها عارفه هالشي بس احيانا الواحد يضطر
انتظررررر ردووودكم​

 

[جاكلين فيصل]

المشاهدات 12 ولااااااااااااااا احد رد :bbbiu:​

 

[Ms.lool]

والله اختي مادري ماخبري ان ضروري سفر عشان التسوق
بس اذا وضعج جذي لاتخلينها عند خدامه اجري لها سستر احسن

 

[PuPa^^SWeeT]

مادري


انا صرااحة بناتي عمرهم ما نامو بحضن خداامة


يمكن بس لما كنت نفاااس نومت بنتي الكبيرة



بس بعد شهرين من ولادتي انا انومهم



احس السفرات من هالنوع مو ضروورية


اجليها لين بنتج اتصير سنة عالاقل

 

[فـراوله]

مادري اذا عادي عندج تنام بحضن خدامه كيفج أنا عن نفسي لا مستحيل
عيالي ينامون بحضن الخدامه نهائي وجربت الخدامه 6 شهور عندي بالبيت حتى اذا
طلعت أخذ ولدي معاي ما يقعد معاها بصراحه ما أمن عليها كلش

وانتي بيت أهلج ما فيه أحد شلون تأمنين على ولدج مع الخدامه صدقيني بالسفره ما راح
ترتاحين خير شر واذا كلش كلش معزمه خلي الخدامه تنام بالدار عند امج بالارض وبنتج
تنام عند أمج واذا احتاجت شيء الخدامه موجوده ويكون قدام عينها كل شيء

أنا سافرت عمره 3 أيام خليت عيالي بيت أهلي وكانوا ينامون مع أختي بالغرفه ​

 

[ام الحلوااات]

اخـــــذي بــنــتــج مـــعــــاج وش الــمــشــكـــلــه
واخـــذي عــربــانـــتــهـــا وجــنــطـــه صــغـــيــره فــيــهــا
اغــرااض بـســيــطـــه لــهـــا وقــت الــتــســـووووق
واذا هــي عــلــى قــولــتــج عــمـــرهـــا اشــهــــر يــعــنــي
غــــالـــب الــوقــت نــايــمـــه خــاصـــه مــع الـفــرفـــره​

 

[دلال و غلا]

انا من بنتي عمرها ٣ شهور انسافر مع بعض و مافيه الا العافيه

اذكر سافرنا بسياره و بعدها ركبنا طياره و كانت الدعوه سهالات وانا بستطاعتي اخليها عند اهلي و فيه من يهتم فيها بس كلش ما حبيت اكون بعيده عنها و كثير سافرنا و عااادي

 

[Om eLkakawiya]

لي هالدرجه السفر مهم!!!

نخلي عيالنا عشانه!!!


الام بعد ما اتييب عيال تخلي كل الدنيا عشانهم.. والله اذا عقوكم لما يكبرون ما ينلامون!!!!!!

 

[لميس نفسي]

شوفي بيني وبينج السيلانيات رحومات


بس مادري انا عني اخلي الدنيا وولا اخليه بروحه خصوصا بيبي يعني حرام بهالفتره حيل محتااااااج لج ومايعرف يشكي وولا شي


انا مااجذب عليج واقولج محد ينوم عياله عند الخدامه بالعكس ياكثرهم بس هذي مسأله شخصيه وان كثرتي تنومينه عندها راح يقسي قلبك حيييييل



اذا سفرات يومين شالمشكله تاخذين بنتج ؟ او اجلي السفر !!؟


او خلي الخدامه تنام مع امج والبييييبي



والله يكون بالعون


انا دوام ٦ ساعات بعيده عنه احس قلبي مقبوض

 

[mannawy]

يمه اذا ماحطه يمي واشمشم فيه ماتييني النومه شلون اخليه يشم ريحة ام الخياس؟! دامها صغيره زخيها معاج كل مكان يعني الاجانب شلون يسافرون؟ والله تلاقينه رضيع بو شهر طالعه فيه تتمشى ومن مكان لي الثاني خنصير نفسهم وبلا حكره وعوار قلب. لاتثقلين على احد خدامتج لو شنو برفيشونال ماراح تفهم له كثرج وان سخن شبتسويله؟! مير بتعطيه حق الوالده وبتشيل عمرها من السالفه ولاكديتي خير. يا انج تقعدين يا انج تاخذينها. والوناسه تصير حتى لو انتي بالبيت.

 

[أم يزيد &سديم&]

خذيها معاك نصيحة
أحسن لك من الخدامة والوالدة اللي تقولين إنها كبيرة بالسن
خصوصا عمر بنتك صغيير