شوركم وهدايه الله اي غساله أتوماتيك أشترى؟؟

[أم عزة]

السلام عليكم
أبى نصايحكم بأشترى غساله أتوماتيك وابيها سهله ومو معقده عشان اعلم الخدامه تشغيلها
وشرايكم اشترى اللى حجمها 6 كيلو أو12 كيلو لانى محتاره ساعات الغسيل يكون شويه مومعقوله احط قطعتين ملابس فى غساله كبيره وبنفس الوقت ودى اغسل فيها كفرات السراير.
ناطره شوركم.......

 

[أم عزة]

وينكم كويتيات 5 أيام من حطيت الطلب محد رد على
زعلانه منكم

 

[مجنونة نت]

ال جي أم 12 كيلو مآ فيه أحسن منها

 

[كل الطيب]

شوفي حبيبتي انا جربت الغساله الاتوماتيك بصراحه زينه وشينه صج تصلح للكفرات بس تعل القلب في سالفة الملابس القليله وتدريب الخدم فانصحج لا تستغنين عن الغساله العاديه بجانب الاوتوماتيك يعني خليها لاستخدامج انتي بس في الكفرات والخدامه على العادي على حسب كمية الملابس وعلى فكره اسعارهم ماتكلف .

 

[أم عزة]

ال جي أم 12 كيلو مآ فيه أحسن منها

مشكوره يالغاليه على الرد
ان شاءالله اروح ال جى واشوفها

 

[أم عزة]

شوفي حبيبتي انا جربت الغساله الاتوماتيك بصراحه زينه وشينه صج تصلح للكفرات بس تعل القلب في سالفة الملابس القليله وتدريب الخدم فانصحج لا تستغنين عن الغساله العاديه بجانب الاوتوماتيك يعني خليها لاستخدامج انتي بس في الكفرات والخدامه على العادي على حسب كمية الملابس وعلى فكره اسعارهم ماتكلف .

هالا يالغاليه
انا ما راح استغنى عن الغساله العاديه بس الأتوماتيك أبيها حق الشراشف والكفرات واحيانا حق ملابسى
وهذا انا اللى خايفه منه هالخدامه شيبى فهمها تشغيلها واذا ردت على الصراحه ما اعبر كل مره اركب فوق غرفه الغسيل واشغل هالغساله وما عندى مكان ثانى احطها فيه

 

[غلاتي الكويت]

اخذي ام 12 احسن لج حق الكفرااات


حتى لو بتحطين فيها شوية هدوم اهيا تنزل ماي على كثر الهدوم يعني ما تنزل ماي زياده لا تحاتين

وبعدين نصيحه الخدم ما يعرفون وايدهم ثقيله على الاجهزة

خليها حق استخدامج انتي حطي الهدوم وشغليها واهي بس تطلعهم ما يبيلها شي


وخلي الخدم يغسلون بالغساله العاديه


بس نصييييحه وااايد مريحه الاوتوماتيك

 

[ماكنتوشة***]

رد : شوركم وهدايه الله اي غساله أتوماتيك أشترى؟؟

والله حتى انا نفسي اشري غسالة اتوماتيك
مشكورين على التوضيح

 

[يفداك قلبى]

رد : شوركم وهدايه الله اي غساله أتوماتيك أشترى؟؟

اخذى ال جى
انا عندى ال 7 كيلو وايد حلوة
ولا لها صوت وتنظف بس عيبها تصرف ماى واايد
ولا تمسكينها الخدامه نصيحه
انا قبل كانت عندى بوش وركنتها عقب ما لعبت فيها الخدامه لعب

خللى الغساله العاديه للخدامه تغسل الملابس العاديه والعبايات
اما الفوط والكفرات والدشاديش حق الاتوماتيك تتنظف وتتعقم من قلب

وارشح لج ال جى ام 7 كيلو احسن من الكبيره راح تصرف اكثر ماى

 

[^_^ حوراء ^_^]

انا عادي اي جي اللي اتشيل 9 كيلو واااااااااااااااااااااااااااايد زينه

و حدها مو مزعجه

 

[( روعه )]

غسالتي frigidaire
7 كيلو عجيييبه و أخذت منها لأخوي هديه لأنها سهله الاستخدام و مو معقده ....
مميزاتها :
* كل تفاصيل الغسله و درجة حرارة الماي و نوع الملابس اللي راح تنغسل كله مكتوب جدامج ... على الغساله نفسها .... لأن بعض الغسالات يكتبون بس أحرف اختصار و لازم ترجعين للكتالوج عشان تعرفين التفاصيل .. بس هذي الغساله كل شي مكتوب جدامج ما تحتاجين كتالوج.

* فيها غسيل الملابس الرقيقه و الصوف و غسيل يدوي ( حق العبي) و غسلة سريعه مدتها نص ساعه ( و هذي وايد مهمه اذا كنتي مستعجله ) لأن مدة الغسله العاديه للقطن تطول ساعه و نص او ساعتين .

* الموديل اليديد منها حاليا فيه شاشه و يبين لج مدة الغسله و ينقص الوقت جدامج و تعرفين اشكثر باقي على غسلتج ....

* فيها ميزة تأخير الغسله ... يعني ممكن تحطين الملابس فيها و تحطين الصابون و الكمفورت و تضبطينها انها تبدا شغل بعد 4 ساعات مثلا ...

بس انتي استخدميها و لا تخلينها بايد الخدم ترى بسرعه يخربونها ... و بالنسبه لاستخدامها ... اذا تبين للكفرات اخذيها كبيره حيل عشان الكفر ياخذ راحته خصوصا الكفر الكبير اللي حق نفرين ...و اذ تبينها للملابس اخذي 8 أو 7 كيلو .....

بس صعب تجمعين ان غساله وحده للملابس و الكفرات ..... لأن الكفرات تصير ثقيله و تاخذ مكان بالغساله يبيلها غساله كبيره ...

 

[miss-farah]

ال جي أم 12 كيلو مآ فيه أحسن منها

عدل كلامج مافي احسن منها عملية وتقدرين تتحكمين اكتر بدرجة حرارة الماء وفيها مكان خاص للصابون ومكان للمعطر ومكان للكلوركس ومو معقده وانصج اخذي 10 كيلو افضل

 

[وافية*]

رد : شوركم وهدايه الله اي غساله أتوماتيك أشترى؟؟

انا انصحج بسامسونج 12 كيلو فظيييييييييييعه مريحتني الكفرات الكنج اغسلهم فيها وفيها غسيل عالبخار وفيها غسيل يدوي بس انا ماجربتهم والتنشيف 100%
وبالنسبه للملابس لاتحطين قطعتين حرام كل 3 ايام غسلي مرة

 

[فديت قلبه]

Me ToO
ناوية ومترددة.؟؟؟