شوربه للشتا وتصلح للنفاس

[xxx]

السلام عليكم

هذي الشوربه توني تعلمتها بس حلوه وتدفي وتصلح للنفساء لانها غذاء متكامل وتشبع وتقدرين تحطين عليها ادوية النفاس

المقادير :

- نص دجاجه مقطعه قطع صغيره مع العظم وبدون جلد
- تقريبا مكعبين ماجي او حسب الرغبه
- تقريبا 2 ملعقه كبيره كزبره خضره مفرومه
- تقريبا 2 ملعقه كبيره بقدونس مفروم
- بصله وسط مفرومه ناعم
- فلفل اسود ناعم او فلفل حب غير مطحون وشوية بهارات او كاري
- زيت ذره
- فص ثوم او فصين حسب الرغبه
- ربع كوب رز مصري حبه صغيره او رز صنوايت منقوع ومصفى
- نص كوب عدس مغسول ومصفى
- طماطه وسط او كبيره مبروشه

الطريقه:

- نحمس البصل والثوم مع الزيت
- نضيف الماجي والدجاج والكزبره الخضرا والطماطه والفلفل الناعم والبهارات ونحمسه لين تطلع ريحته ويتغير لونه
- نضيف الرز والعدس والماي والبقدونس والفلفل الحب
- نضيف الماي حسب الرغبه وحسب الكمية ( تقريبا لتر ونص )
- نقصر على النار عشان ينضج الدجاج والرز والعدس


ممكن استبدال الرز بالماش للنفساء لاني قريت ان الماش مفيد لظهر النفساء

منقول للفائدة

 

[*حبيبة زوجها*]

رد : شوربه للشتا وتصلح للنفاس

يعطيك العافيه
والله يقومك بالسلامه

 

[xxx]

رد : شوربه للشتا وتصلح للنفاس

الله يعافيج

وتسلمين على الدعوه

 

[لبيه لكن!]

رد : شوربه للشتا وتصلح للنفاس

تسلم ايدج

 

[xxx]

الله يسلمج

 

[كويتيه]

رد : شوربه للشتا وتصلح للنفاس

ههههههههههههههههههههههههه

يعني بدبين منها دب لما تولدين ان شاء الله


تسلم ايدج

 

[xxx]

الله يسلمج

ماحب هالسوالف