شوربه الكوسا بالكويكر لاتطوفكم+ صفايح بخبز الجاهز

[ريمه الكويت]

بســــــــــــــم الله الرحمن الرحيم

__________________________


نبدي بالشوربه

مقاديرها

__________________

من 4 الى 5 حبات كوسا مقطعه+ كوب صغير شوفان كويكر +قفشتين بقدونس مفروم+ اجنحه دجاج+ نص قفشه صغيره نعناع مفروم

بصله مفرومه مع حبه ثوم مفروم


الطريقه

اولا حطي الاجنحه على النار مع نص كوب ماي خمس دقايق الى يتغير لونها وصفيها من الماي علشان الزفره تروح

بعدين حمسي البصل مع الثوم وحطي عليهم الاجنحه مع ملح وفلفل اسود وكمون وشويت كزبره بودره




وحركيهم لما تتشرب الاجنحه البهارات وتحمر شويه


وبعدها حطي الكوسا والبقدونس وحركيهم مع الاجنحه



وبعدين حطي ماي مابين لتر ونص الى لترين تقريبا انتي وتقديرج وخليهم يغلون 10 دقايق




وبعدها حطي الكويكر وخليهم يغلون ربع ساعه بعد مع تظبيط الملح والكمون




ونسكر النار وننطرها تبرد شويه ونخلطها بالخلاط

ونردها على النار مع اضافه النعناع



وخليه يطبخ مجرد مايغلي ويسخن سكري النار



وقدميها مع شرايح الليمون لذييييذه

+++++++++++++++++++

يتبع مع الصفايح

 

[ريمه الكويت]

اسوي هالصفايح مع اي خبز متوفر عندج ايراني او لبناني اوتركي

تسوين معاه هالصلصه



ربع كوب مايونيز مع نص كوب كريمه حامضه( سور كريم) مع فص ثوم مدقوق وملح شويه

تمسحين هالخلطه على الخبز من فوق وتصفينهم في صينيه بايركس مدهونه بزيت الزيتون





وتحطين عليها الحشوه اللي تفضلينها انا حطيت شرايح شورما الدياي طبعا اكون حامستهم من قبل وهم حطيت لحم


وعليهم نوعين من الجبنه مازرولا مع شدر القوالب تكونين باشرتها وتخلطينهم مع بعض





وتدخلينهم فرن حار وفتحي النار فوق وتحت علشان تسيح الجبنه وقدميها حاره






عوافي _03BA:

 

[Q8stylle]

تسلم ايدج

 

[مس اموله]

يسلم ربي هالايادي المبدعه

الصفايح حطمتنييييييييييي

 

[جارة القمر]

تبارك الرحمن


ماشاء الله



روووووووووووووووووووووعه


بسألج الصفائح


إذا بسويه بلغي الدجاج




وبسألج ريومه أخلي مع الخبز الأيراني ولا الخبز اللبناني

 

[معلمة روضه]

يونس الصفايح

بس شنو الخبز اللي مستعملته؟

 

[ريم الصبايا]

تسلم ايدج وعليكم بالعافيه

 

[jolie_q8]

ماشاءالله عليج

تهبل طريقه الصفايح ,, سهله احسن من عباله العيين

عفيه شنو الخبز اللي استخدمتيه؟

 

[futooosh]

 

[ريمه الكويت]

تسلم ايدج

 

[ريمه الكويت]

يسلم ربي هالايادي المبدعه

الصفايح حطمتنييييييييييي

شكراااااااااااااااا عاد اسهل منها مافيه _03BA:

 

[ريمه الكويت]

تبارك الرحمن


ماشاء الله



روووووووووووووووووووووعه


بسألج الصفائح


إذا بسويه بلغي الدجاج




وبسألج ريومه أخلي مع الخبز الأيراني ولا الخبز اللبناني

موظروري الدياي وانا عن نفسي افضل لايراني

 

[ريمه الكويت]

يونس الصفايح

بس شنو الخبز اللي مستعملته؟

انا استخدمت الخبز التركي

 

[ريمه الكويت]

تسلم ايدج وعليكم بالعافيه

 

[ريمه الكويت]

ماشاءالله عليج

تهبل طريقه الصفايح ,, سهله احسن من عباله العيين

عفيه شنو الخبز اللي استخدمتيه؟

وايد اسهل انا استخدمت خبز التركي

 

[ريمه الكويت]

تسلمين غلاتي

 

[طوووطي]

تسلمين ياريمه بس بسال سؤال الاجنحه اللي بالشوربه احطهم بالخلاط

 

[ريمه الكويت]

طوطي لا ماتحطينهم بالخلاط طلعيهم من الجدر قبل لاتحطين الشوربه بالخلاط واخذي الاجنحه وطلعي اللحم الي فيه وقطي الجلد والعظم وبعد ماتخلطين الشوربه رديها بالجدر وحطي عليها لحم الدياي الي طلعتيه من الاجنحه

 

[Featured Lady]

تسلم الايادى

 

[*الهوا الغايب*]

مشـــــــــكوررهـ

تســــــــلم ايـدج