ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
لذيذه وتدفي
_03BA:اول شي الطريقه مع المقادير
تنقعين كوب كبير عدس بعد ماتنظفينه وتغسلينه
تاخذين اجنحه دياي اوصدر دياي وتحطينه بالجدر مع كوب ماي وتغلينه 5 دقايق وتصفينه
تحمسين راس بصل مع فصين ثوم مقصصين وتحطين معاهم الاجنحه وتقلبينهم مع الملح والفلفل الاسود
وحطي عليهم لترين ماي وخليهم يغلون 10 دقايق وبعدها حطي العدس عليهم وخليهم ثلث ساعه مع اضافه الملح والكمون
بعد الثلث ساعه حطي حبتين كوسا مقصصه وخليها تطبخ مع العدس 10 دقايق وزيدي الماي حسب الحاجه
بعدها سكري النار وحطي الشوربه بالخلاطه (( وشيلي الاجنحه او الصدر وقصصيه قطع صغيره وخليه على جنب))
بجدر ثاني سوي هالحمسه
بصل حمريه بشويه زيت مع حبتين طماط مقصصين مع بروكلي مقصص قطع صغيره ونص شده كرفس وحمريهم
مع اضافه مكعب الماجي الطبيعي
الي بالعلبه هذا بودره الشوربه الطبيعيه ممكن بدال المكعب حطي قفشه وحده
حطي الشوربه المهروسه على الحمسه
خليها تغلي 10 دقايق
بعدها سكري النار وهم هرسي الشوربه بالخلاطه
وقدمي الشوربه مزينه بالبقدونس ولحم الدياي المقصص
بالعافيه
