هلا وغلا انا عندي طريقة حلوه وسهلة
المقادير :
بطاط مبشور
جزر مبشور
طماطه مفرومه
بصل مفروم
ثوم مفروم
كزبره طريه مفرومه
مكعبات ماجي
كويكر ( الشايب )
الطريقة :
1- تحمسين البصل والثوم في شوية زيت
2- تحطين عليهم الجزر والبطاط وتحمسينهم شوي وبعدين تحطين الطماط وتحمسين
3- تحطين مكعب ماجي وتحمسن وبعدين تحطين عليهم ماي واذا غلى الماي تحطين شوية كويكر عليهم
4- تخلينه يغلي على نار هادية الى متوسطه شوي لين يقرض شوي ويصير ثقيل تقريبا نص ساعة على حسب الكمية والمقدار
وانا مقاديري بالنظر وبدون قياس
5- قبل لاتطفين النار بدقيقة حطي الكزبره وبعدين طفي عليه علشان ما تروح نكهتها
6- اذا حبيتي تسوينها بدجاج تقدرين تحطين قبل حمس الخضرة دجاج مقطع قطع صغيرة مع شوية فلفل اسود وطماطه مفرومه
وتستغنين عن مكعب الماجي
وعليكم بالعافية
