bnt_kwt
**مشرفة قسم بيــتك & ركــن تأخـر الانــجاب**
- إنضم
- 8 مايو 2005
- المشاركات
- 12,425
- مستوى التفاعل
- 0
- النقاط
- 0
- العمر
- 47
يعطيكم العافيه يا احلى بنات بأحلى منتدى
اليوم يايه زايرتكم بقسم ( مائدتك ) واول مره انزل موضوع عن شي سويته بهالقسم
واتمنى القى منكم الردود السنعه عشان اطلع ابداعاتي الخفيه هههههههههه ( اسمالله على قلبي )
المهم ما ابي اطول عليكم اليوم يايبه لكم طريقه سهله حيييل ولذيذه حق شوربه البروكلي
وهالشوربه تصلح حق اللي يطبقون نظام دشتي وبوعباس يعني اللي يسوون هالنظام لا يحاتون ماراح يمتنون
بصله صغيره مقطعه قطع صغيره
بروكلي ( مثل ما انتوا شايفين ماكان عندي فرش فاستعنت بالمثلج )
كريمه ( kdd )
فص ثوم
شوربه كريمه الدجاج ( كنور )
ملح حسب الرغبه
القليل من الفلفل الاسود
ناخذ البروكلي ونفوحه الى ان يستوي جيدا
وبعدين يخلط بالخلاط لحد ما يصير عصير بروكلي
خوش تشبيه وبعدين انحط البصل بالجدر ونحمسه مع القليل من زيت الزيتون الى ان يحمر
ونحط فوقه فص الثوم
والفلفل الاسود
نذوب الشوربه في كوب ماء دافي وانحطها فوق البصل والثوم
راح نلاحظ انه الخليط مال الشوربه والبصل والثوم ثقيل خلطيه عدل عشان لا يتكثل
لا تزيدونه ماي ولا شي حطوا عصير البروكلي فوق الخليط الاول وينرش بقليل من الملح
واخر خطوه ناخذ علبه الكريمه ونحط نصها فوق الشوربه ونخلطها عدل مدل
وانتوا شوفوا اذا تبونها ثقيله خلوها تفوح وايد
واذا تبونها خفيفه زيدوها ماي
وبالاخير يتسكر غطا الجدر ونخلي الشوربه تطبخ على راحتها
وهذا الشكل النهائي للشوربه
سامحوني على الطواله والقرقه
