شورايكم بزواج النت ؟؟؟

[al-jo0oharh]

مرحباااااااااا الساااااااااااع حبيباتي

اشحالكم


اليوم حبيت اناقشكم بموضوع يا عبالي واجوفه وايد في الواقع وبغي رايكم بصراحه


شو رايكم في زواج النت يعني التعارف ومن بعدها الزواج


شو سلبياته شو ايجابياته


نبي نتناقش بهالموضوع


حياكم الله

 

[تعاال وألبيكـ]

رد : شورايكم بزواج النت ؟؟؟

اممم والله مادري بس ما اتوقع نهائياا بيكون ثقه بينهم <<

 

[كيكه توفي]

والله مادري

 

[al-jo0oharh]

مشكوره عرايج اختي

المشكله ان في تجارب وايد ناجحه سبحان الله


عسب جي نزلت الموضوع

ابا اشوف أرائكم


لا هنتي ياعيوني

 

[Zozαĺiиaђ]

الجوهرة في تجارب وايد ناجحة
بس الأكثر التجارب الي مو ناجحة
شكثر شكثر شكثـــــــــــــر سمعنا بمصايب من النت و التعارف
قليل الي تنجح و يكون بينهم شك

 

[بنت شرق]

والله ما ادرى الموضوع محتاج لدراسه وتانى

 

[دلوعة أبوهآ]

كل طرق الزواج لها سلبياتها وايجابياتها ..
لو الشخصين كانوا مقتنعين بفكرة التعارف والحب قبل الزواج
راح يكون الزواج ناجح مليون بالميه ..

بس اذا دخل الشك بينهم ماراح ينجح
والتوفيق والنجاح بيد رب العالمين مو طريقة الزواج

 

[mr000]

والله مادري هل راح يكون فيه صدق ومصارحه بالمشاعر وثقه متبادله وإلا لأ..أحسها طريقه مو مضمونه ..وأذا نجحت في بعض الحالات فكلشي قسمه ونصيب..

 

[al-jo0oharh]

ما قصرتو خواتي

الصراحه في كل الحالتين الزواج فيه مشاكل سواء تقليدي او عن حب هذي وجهة نظري

في شك مرات يمون بين الازواج مع انهم ماخذين بعض زواج تقليدي

يعني على حسب التفكير

اتريا باقي الاراء

 

[so_what]

اتوقع ان بكل طرق زواج اهم شي القسمه والنصيب

 

[manhattan girl]

والله يا عزيزتي الزين و الشين موجود بكل مكان و نجاح الزواج و استمراره او خرابه راجع لعقلية الاثنين و طريقة التفاهم ما بينهم و على قولتهم حط النقط على الحروف انا اعرف حالة زواج عن طريق النت و الحمدلله داشين بالسنه الرابعه و ربي يوفقهم دوم و عندهم عيال النت و لا غيره ماله شغل و يقولج تعددت الاسباب و النتيجه وحده

 

[عاشقه رويشد]

عادي تري حاله حال اي طريقه صح وانا بعد اعرف بنات تزوجو بهطريقه بس مو معناته انه ممكن كل العلاقات تنجح

اول وتالي نصيب