شوبادر والا رولكس

[sa7ab]

من جم يوم وانا بالفنار دشيت الطرف الاغر عجبتني ساعه شوبارد بس انا حابه ذهبي قاللي اشوفلج واذا مافي اطلبها لج مع خاتمها

حاولت بالنت اشوف صورتها عشان اوريها لكم بس مالقيت اذا لقيت بحطها

بس محتاره وابي شوركم تقريبا طلعت قريب ال 4 الاف مع الخاتم

اخذها والا تنصحوني بالرولكس او ماركه ثانيه ياليت تساعدوني

اخذها من عندهم والا اشوف كادو فرح

 

[قمه النعومه و الأنوثه]

روحي بوتيك الصالحيه شوبارد احسن ومري كارتييه ايصير اجباله امنزلين ساعات عجيبه وفي خواتم حيل مميزه وان شاء الله تلقين الصور عشان تتشاورين مع البنات في المنتدى شنو احلى شي وبالعافيه ان شاء الله.(كادوا فرح مو الماس تركيب لبنان)​

 

[الالماس واللولو]

في كذا ساعة لشوبارد وما اقدر اعطيج راي لما اشوفها لانه في كذا موديل

انتي حابة تشترين ذهبي ولا فضي ولا يلد

 

[انا كويتية]

اذا تبين صورتها اخذي اسمها من شوبارد وسوي سيرج عليه مو على شوبارد لأن في ساعات وايد ماتنحط بالموقع الرسمي للماركة .... وقبل لا تستعجلين فيه ساعة جديدة وحلوة وايد من كوروم اللي يسمونها ساعة اليسا رووووووعة كلها شفافة من داخل والمكينة بس خط ضعييييييف بالطول روووعة في منها ذهبى وفضى

 

[كـلا كـلا]

ايييييييييي ساعة اليسا تهبلللل

متى بتنزل ؟؟ وجم سعرها؟؟؟؟

 

[na6a6eya]

wain tenba3 sa3at elisa?

 

[supermarket]

حرام تقطين هالمبلغ بكادو فرح ( وع )

اخذيلج من البوتيك شبرد او رولكس جيمتهم فيهم

 

[الجــادل]

الرولكس قديمه حيييل من ايام عرس امي


الشوبارد ولو انها داااارجه حيل بس تبقا احلا من الرولكس


وكادو فرح صحيح الماس بس ديزاين لبنان وما تسوى تقطين عليها اربع الااف

 

[sa7ab]

لا انا ابي ذهبيه وبدون الماس

عشان جذذي سالت عن كادو فرح مادري ليش ماحبه بس قلت اسالكم

واللي ابيها على مربعات والساعه مربعه اعرض من السير وبارزه

 

[Alia]

شوبارد واخذيها من الصالحية احسن محلهم

 

[غيوووض*]

شوبارد ورولكس قديمات دورى ماركات احلى

 

[sa7ab]

الساعه اسمها ice cube
وهذي صورتها " الذهبيه "
http://www.lussori.com/womens-chopard-ice-cube-models.html

بلييز شوفوها وقولولي رايكم

واذا في ساعه يديده قولولي ، وممكن اشوف ساعه اليسا بس انا ابيها ذهبيه

 

[انا كويتية]

لا حرام تاخذين آيس كيوب حدها قديمة ... الحين ادور لج ساعة اليسا

 

[زيـنـه]

الرولكس .. ستايلها كلاسيك .. هذه موديلاتها و ما فيها تجديد بس هم تبقى رولكس و قيمتها فيها ..و الشوبارد روعه و موديلاتها حلوه بعد و بصراحه كل وحده و لها لبستها .. انتي شوفي شنو اللي خاطرج فيها .. و ان شاء الله بكون خيارج موفق لان الساعتين و الماركتين روعه و قيمتهم فيهم ..و بالعافيه مقدما

 

[انا كويتية]

واسمها golden bridge

 

[Om.Fisal]

اتهبل ساعه الياسه هذى الماس وين انحصلها بالصالحيه بعد

 

[Pink GirL]

Chopard احلى

واخذيها من الشوبارد نفسهم احسن واضمن

البوتيك الاساسي بالصالحية في تشكيله اكبر وعندج باجي الفروع بالسالمية والثرية والكوت والفنار وسوق شرق والمارينا

بس الساعه اللي انتي مختارتها قديمة شوي اكو موديلات يديده احلى


وعليج بالعافية مقدماً

 

[New Mum]

انا عن نفسي احب الشوبارد بس ما يمنع تاخذين لفه عن الحسافه

 

[الزيـــــن]

بصراحه حلوه بس حراااااام الموديل قديم وايد

اخذي كارتيه الجديده الذهبيه اللي يحطونهااا بالجرايد وايد حلوه

 

[انا كويتية]

اتهبل ساعه الياسه هذى الماس وين انحصلها بالصالحيه بعد

هذي تحصلينها بمجوهرات غادة بس بالإنترنت ارخص واااااااااااااااااااااايد