شهر عسل متأخر ^^ .. مدريد و لندن..

[Lulu_Perla]

السلام عليكم و رحمة الله
​

شلونكم كلكم..؟؟​

اول شي ابي اشكركم كلكم لتعاونكم و اللي شفته منكم بالرد على استفسارات البنات
وايد استفدت منكم و واثقة انكم بتفيدوني و تعطوني رايكم
​

لأني ما سفرت شهر عسل.. بنسافر ان شالله شهر 9 شهر عسل متأخر
وجهتنا اسبانيا و تحديدا مدريد
و عقب لندن ​

كنت مخططة على ملقا بعد بس ماحبيت المواصلات و القطار و الحووووسة
فكرت اضيف فرنسا على الرحلة بس حسيت بيضيع الوقت بالتنقل و ما تسوى على 3 ايام بس و خاصة اني خبري عتيييييييييج بأوروبا من التسعينات مارحتلها ><​

ابي رحلة حلوة و تونس و تبرد القلب​

خط الرحلة راح يكون
كويت - الدوحة ترانزيت - مدريد = عالطيران القطري
مدريد - لندن = على طيران BA Cityflyer
لندن - الدوحة - الكويت = عالطيران القطري​

على الطيران القطري
لقيت التذكرتين على 520 دينار للشخصين
كويت - الدوحة - مدريد
لندن - الدوحة - الكويت​

و طيران BA Cityflyer من مدريد - لندن سعر التذكرة = 41 دينار..!!
بس الكراسي محدودة ان شالله الحق احجز​

مدريد​

مخططة نروح لها تاريخ 6-9 لمدة 5 ليالي
محتارة ليلحين بالفنادق..
شفت فندق Eurostars Madrid Tower​

​

هذا الريفيوو مال الفندق​

يقع هذا الفندق المميَّز في برج SyV الذي يبلغ ارتفاعه 235 متراً، ويضم صالة ألعاب رياضية ومنتجعاً صحياً. وتتميَّز كافة الغرف بإطلالة رائعة على مدينة مدريد بالإضافة إلى خدمة واي فاي مجانية وأجهزة تلفاز بشاشة مسطحة.
يقع فندق Eurostars Madrid Tower ضمن منطقة أعمال Cuatro Torres في جادة Paseo de la Castellana. وتبعد محطة مترو Begoña نحو 100 متر، وتوفر محطة Chamartín القريبة إمكانية الوصول بسهولة إلى مركز المدينة.
يقع مطعم فندق Madrid Tower في الطابق 30 ويتميَّز بإطلاله البانورامي على المدينة. وهو يقدِّم أكلات كلاسيكية من منطقة البحر الأبيض المتوسط. وهناك أيضاً بار البيانو.
يوفر الفندق إمكانية الوصول بسهولة إلى طريقي A-1 و M-11 السريعين. ويقع ملعب سانتياغو برنابيو معقل فريق ريال مدريد لكرة القدم على بعد نحو 3 كم.

و عجبني بس غاالي و ليلحين مو راسية على بر​

​

مخططين باذن الله نحضر مباراة لريال مدريد و نروح جولة في الملعب نفسه
طبعا لازم سوق و سياحة على معالم اسبانيا​

لندن​

ان شالله من تاريخ 11-9 لي 16-9
محتارة بعد بالفندق..
في بالي كمبرلاند و اخوي ينصحني في ميلينيوم اللي يم محطة المترو و ارخص وايد من كمبرلاند
طبعا فيها سياحة و تسوق ​

*​

اللي ابيه منكم
طيران BA Cityflyer زين..؟!
اكثر الاماكن السياحية في اسبانيا و لندن
و اكثر الاسواق الحلوة و المحلات و الاوت لت في اسبانيا
لندن اسواقها معروفة بس اسبانيا مالي خبرة فيها بتاتا
مخطط للرحلتين شنو تقترحون..؟؟؟؟؟؟؟​

و اول وحدة تفيدني و تنصحني لها مني صوووووغة < صج مو غشمرة :rerrerek:​

 

[بخـــارى]

شوي وارد عليج ابي الصوغه
بس وحده لاجتني داقه تحش مالي خلقها هههههههههههههههه

موتنسين الصوغه

 

[بخـــارى]

بحدود جم تبين سعر الليله
لانه لندن فنادقها غاليه

 

[Hello_kitty]

ان شاالله تسافرين وتسنانسين بس اذا مارحتي برشلونه جنج مازرتي اسبانيا..برشلونه احلى مدينه بأسبانيا..مدريد عاديه

واهل مدريد تعاملهم سيء ويكرهون اي شي عربي او مسلم تعبنا معاهم لا لغه لاتعامل ومافيها زود مدريد..برشلونه لازم

تروحيلها اقل شي تقعدين اسبوع عجيييبه كل شي فيها مفتوح لي نص الليل مدينه حيويه وسياحيه من الدرجه الأولى...

اهم الأماكن في مدريد:

اوت لت مدريد سالو عنه الكونسيرج بالفندق وبرايي احسن من اوت لت برشلونه لأن البضاعه متوفره ما تخلص مثل اللي ببرشلونه كونها برشلونه اكثر سياح بسرعه يخلصون البضايع

تزورون ملعب مدريد وبرايي ملعب برشلونه استانسنا فيه اكثر خاصه ان من مشجعين برشلونه

مدينه العابWarner Bros Parkوتزورنها بقطار من مدريد

اكبر مول في اوربااسمهXanad&uacuteبعيد شوي عن مدريد بس يستاهل العنوه خاصه ان مفتوح لي 2 بالليل وفيه حبيب الشعب بريمارك

سوق الأحد حبيته وحديقه الرتيرو عجيبه لا تطوفينها خاصه يوم الأحد كلها فعاليات تووووووونس تشابه فكره الهايد بارك بس احلى وانظف

احسن مكان للسكن تاخذين فندق بشارع قران فيا هذا كله طول بعرض اسواق وشوبينغ كل شي يمج

في باص سياحي ياخذكم تور القصر الملكي/متحف الشمع بعد حلو وفي ببرشلونه بس مارحت اللي ببرشلونه/التلفريك

مصارعه الثيران بمدريد كل يوم احد بس ببرشلونه مافي وقفوها

في شي اسمه مدريد كاردمثل بطاقه توفير تخصم وايد من اسعار الأماكن السياحيه تلقونها بالمحطه الرئيسه محطه اتوشا

وانصحج سوي سيرج عدل على كل شي حابه تزورينه تطلعلج معلومات وايد واذا عزمتي على برشلونه اعطيج احلى الأماكن بس حرام تطوفين برشلونه اهي احلة شي بأسبانيا وبتشوفين الكل يمدحها

 

[Hello_kitty]

وحبيت اقولج ترى سعر تذكرتكم غالي بوقت سبتمبر لأنه مو موسم المفروض تكون ارخص شوفي شركه طيران غيرها اللوفوتهانزا احسن ومواعيدها مضبوطه وكل شي تمام واسعارها احلى

 

[pinK-_-perry]

حبيبتي هذا الموقع يدبرلج الفنادق كلها وارخص الاسعار وتقدرين تقارنين فيه بعد
ويحطلج صور الفندق من داخل وبرا وكل شي موجود عن الفنادق
http://fendeq.com

وانشاءالله اكون فدتج :*

 

[marshmallow-610]

انا رحت اسبااانياا مدريد كلش مو حلوه برشلوونه واايد احلى وسياحيه بس مدريد مو سياحيه مافيها شي

وانشالله تستاانسين وعليج بالعاافيه حبي

 

[نـعـومـه]

رفع لعيونج

 

[Lulu_Perla]

بخاري
وينج رحتي و غطيتي ><


هيلو كيتي
اسمج يهببببببببببل
و انتي تهبلين
مشكووووووووووووووووووووووووووورة يالغلا عالمعلومات وايد افدتيني
و ريلي ما يبي برشلونه لان مدريدي متعصب هههههههههههههه
و من صجه مو راضي يطب برشلونه..!!
عاد انا حاولت اقنعه امس و قلتله كبر عقلك عااااد انت رايح تشجع برشلونه..!!
و بحاول اقنعه شوقتوني عليها
لاهنتي عطيني معلومات عنها

و الصوووغة لج



بنك بيري
حبيبتي مشكووووووورة عالسايت
بطل عليه الحين


مارشميلوو
بحاول اقنعه نروح برشلونه
مشكوووورة حبيبتي لمرورج



نعوم
تسلملي عيونج :*

 

[Hello_kitty]

هههه العفو ولو ماسويت شي اذا زوجج راح مدريد وشاف معاملتهم بيكرههم ويكره ناديهم معاهم احنا جذي تعصبنا حق نادي برشلونه وحبيناهم اكثر لما شفنا معاملتهم تهبل ففرق عن المدريديين بكل شي

هذا ردي كتبته بموضوع سابق بنسخه لج اهني عن برشلونه

برشلونه:
واي عجيبه تينن فظيعه شووويه عليها وراح تذكرين كلامي اذا زرتيها ان شاء الله منطقه كل شي فيها ينبض بالحياة بالوناسه

فيها حركه وناس ولويه مو مثل مدن اوروبا الكئيبه كل شي فيها مفتوح الناس سهرانين باختصار مدينه لاتنام

احلى شي تسكنين بشارع الرامبلا وماراح تحتاجين حق التاكسي كل شي يمكم..يمكم الحي القوطي عجيب لا تطوفينه عباره عن سكك وبيوت قديمه كلها محلات تهبل وفيها كنيسه ومتحف بيكاسو

رحنا اولت لت في برشلونه مكان الباص اللي ينقلكم الآوت لت في ساحه الكتالونيا


رحنا التلفريك وقريب منها القريه الأولمبيه وبعدها رحنا القريه الأسبانيه عباره عن مكان كله بيوت التراثيه الأسبانيه وكفيهات ومحلات انتيكات واعمال يدويه

رحنا نادي برشلووووونه حيل ممتع انصحكم تزورنه والأحلى ان كله كويتين وخليجين وقريب من نادي برشلونه يعني مشي عشر دقايق

محطه مترو maria cristina منطه تسوق تبدأ من Elcorte Ingles وهذا مجمع بعده طوابق كله للتسوق لا تطوفينه اشهر شي عندهم

وتلاحظين الناس كلها شايله اكياسهم واهو متتشر بمدريد وبرشلوونه وبعدها مولLllla Digonalوعند هالمول يتوقف باص ينقلج مباشره

الى مول ثاني اسمهِ Avinguda Diagonalوفيه فرع بريمارك


رحنا مول على اطراف برشلونهla maquinista كبير وحبيته

رحنا مول Gran Via2 عشان تروحيله تنزلين في محطه Espanya وتاخذين قطار يوقف بثاني محطه ومحطه Espanya اهي نفسها فيها النافوره الساحره واي عجيبه لا تفوتينها اوقات العرض بالشتا كل سبت وجمعه من الساعه 7 الى ثمان ونص مساءا

شارع passeig de Graciaمرتبط بشاعر الرمبلا هذا كله فيه بوتيكات الماركات الراقيه

نهايه شارع الرامبلا مول Maremagnum يصير عالبحر ومقابل الأكواريوم وفي البحر تستاجرين يخت وايد حلوووو

وبنفس شارع الرامبلا تقدرين تاجرين حنطووووور او تك تك

في وسط شارع الرامبلا سوق الخضار والفواكه حلو يبيعون الزعفران الأسباني والأورغانوا الأصلي واجبان وعسل وسوالف تشوق
اسمه La Boqueria

في متحف الشمع بعد في برشلونه بوسط شارع الرامبلا


برشلونه الناس فيها وايد حليوين حبوبين يتكلمون انجليزي اذا تحبين التسوق والحياة والحركه بتعشقينها اذا تحبين الطبيعه واسترخاء وهدووء ما تنفع

هذا باختصار واللي ربي قدرني عليه واذا تبين تستفسرين عن اي شي حاضر

 

[Lulu_Perla]

هيلو كيتي
بعد قلبي مشكوووووووووووووووووووووووووووووووورة
وايد استفدت من ردج و ان شالله بكتب لسته بكل الاماكن اللي قلتي عنها
انا بخاطري تسووووووق و فنادق حلوة و شرحة مو شرط طبيعه و هدوء و صخة احس الاماكن هذي احلى مع قروبات مو بروحي انا و زوجي يضيق خلقنا لوووووووول


الف شكر لج مرة ثانية

و الصوغة بتوصلج لبيتكم ان شالله

 

[Lulu_Perla]

و بالنسبة للتنقل من مدريد لبرشلونه
شتنصحين فيه..؟؟؟
قطار ولا طيران داخلي..؟؟؟
و شنو القطارات اللي موجودة عندهم جني سمعت ان في اكثر من شبكة قطار و مو متأكدة من هالشي

 

[نـعـومـه]

واخيرا لقيته

دورتلج تقرير عن اسبانيا اذكر شفته وشاركت بس ناسيه وين ادور بالصفحات اخر شي لقيته مثبت ههههههه وين اذنك ياجحى ههههه

راح يفيدج حيل عن مدريد وبرشلونه

http://www.q8yat.com/t794081.html

 

[Lulu_Perla]

حطيته bookmark و بقراه على رواااااااااااااااااااااااقة
مشكورة حبيبتي و يعطيج مليون عافية

 

[Hello_kitty]

حبيبتي العفو ولو لاتكلفين على عمرج اهم شي ترتبين رحلتج صح عشان تستمعين بكل شي بالسفره..التنقل بين مدريد وبرشلونه بالطياره بس نسيت اسم شركه الطيران..المواصلات كلها بالاندر قراوند عجيب وممتع ومنظم جدا وسريع يختصر الوقت..

نسيت اقولج مدريد فيها وايد متاحف اذا تحبين احنا مو من ربع المتاحف ممله بس رحنا متحف الشمع..بتحصلون عروض الفلامنغو الرقص الإسباني بكل مكان حتى عند الفندق

 

[ووطن النهار]

رفع

 

[Q8_QT]

up up

 

[Lulu_Perla]

مشكورين على الرفع


وينكم بنات ولا وحدة عندها خبرة باسبانيا..؟؟؟

 

[نياره]

اب اب