شهر العسل في شهر يناير او فبراير

[حره على كف صقار]

صباح الخيرات




حبيت استشيركم بقضاء شهر العسل بشهر 1 او 2 ميلادي انا ادري في برد

بس حابه اعرف ايش افضل الدول الاوربيه من ناحية الطقس

نفسي بسويسرا او ايطاليا

ايش رايكم؟ جداا محتاره؟

انتم خواتي وحبيت اخذ ارائكم وشكراا لكل الي بيردون علي

وربي يسعدهم..​

 

[عيوني حلوه]

ايطاليااا انا اقول احلى بوااجد عن سويسراا

سويسراا الطبيعه تغلب ..

مادري شوفي تقارير البنات وان شاءالله يفيدونج

 

[سندس 90]

ممممم ماادري شوفي اوروبا كلها يكووون برررررد باول السنه ثلوووج وجذي احنا اهني بالخليييج ميتيين برررد اللله يرفقج

 

[عشقي فرنسا]

سويسرا خيااااال الطبيعه وتقدرين تطلعين منها ع مدينة أنسي
الفرنسيه ومايحتااج معروفه بجمالها وسحرها
طيب ليش ماتفكرين بفرنسا حلوه وتقدرين تروحين منها لسويسرا يعني عصفورين بحجر انا
ان شاء الله بسافر بنفس توقيتك تقريبا لفرنسا وسويسرا

 

[Om_Ksha]

شهر 1 و 2 برررررررررررررد
فانصحج اب المالديف وماليزيا

او بوكيت ,,


اوروبا حلاتها بالصيف !!

 

[حره على كف صقار]

شكرا ع الردود

ادري برررررد بس ماابي الا اوروبا يسلمو ماقصرتوا
بانتظار البقيه

 

[ماحب اتدلع]

مادري بس اذا استقريتي على مكان قوليلي

 

[رتو الكيوت]

اسبانيا صح برد بس ادفى من غيرها وتهبل

 

[حره على كف صقار]

شكرا حبيبتي اسبانيا حلوه بس ودي اروح لدوله ثانيه معها باذن الله

 

[شيهانه بلا صقار]

انا انصحج بجزر المالديف "طبيعه وااايد حلوه"
بس اذا انتي ودج بسويسرا او ايطاليا ؟!؟!
ايطآآآآآآآآآآآليا احلى ..
​

 

[حره على كف صقار]

تسلمين شيهانه ع الرد

ايطاليا تنفع حيل وخاصه بالشتاء

 

[يآحوبني لي]

حبيبتي ايطاليا تنفع بالشتا لانها ماتكون بارده مثل سويسرا والنمسا بصراحه احنا كنا ناوين على سويسرا والنمسا بس شفت صور تخوف
مافي احد والدنيا بيضا من الثلوج وانتم معاريس وتبون تستانسون
وبعد عندك اليونان واسبانيا وحلو الواحد يشوف الشتا والكريسماس عندهم لاتشيلين هم الجو
انا مثلك شهر عسل بنهاية يناير وبداية فبراير وحاجزين على باريس برشلونه لندن اذا الله راد
والف مبروك حبيبتي

 

[حره على كف صقار]

ربي يتمم لك على خير يااااااااارب وييسر امورك
تسلمين حبيبتي ع الرد ربي يسعدك ويوفقك

باريس حبيت الفطره بس لندن للحين بقرا عنها اكثر وبرد لك

 

[<miss botamba>]

لندن مو مالت شهر عسل

وسويسرا و ايطاليا

امم الاختيار صعب

كلهم حلوين

انزين ليش ماتروحين الاثنين

قراب من بعض

اجروا سياره وافتروا


من ميلان لي جنيف ٣ ساعات بالسياره

واذا تحبون القطار تقريبا ٥ ساعات

 

[يآحوبني لي]

حبيبتي مس بوتمبا الخيارات بفترة الشتا قليله حيل
خصوصا سويسرا والنمسا ميزتها الخضره والطبيعه الحلوه وهذي مو موجوده بالشتا
انا شفت صورها بفتره الشتا تخوف تحسين مافي حياه ولا خضره ولا اي شي ومعظم الاماكن السياحيه مسكره
والخيارات المطروحه فرنسا واسبانيا ولندن واليونان وايطاليا هذي شارو علينا فيه كذا مكتب سياحي
يقولون جوها حلو وبردها قابل للتحمل عكس سويسرا والنمسا
ولندن احنا مخلينها تسوق ووناسه بنفس الوقت عشان كذا حاطينها باخر الرحله
حبيبتي حره تقدرين تخلين جدولك اذا حابه كذا دوله بين فرنسا واسبانيا وايطاليا >>جدولنا القديم ^_^
وبالتوفيق مره ثانيه

 

[حره على كف صقار]

يسلمو حبيباتي ربي يوفقكم ماتقصرووون
تعبتكم معاي وعن جد الخيارات قلّــــــــــــــــــــــــــه في الشتاء

ربي يسهلها

 

[BBTOYO]

انا بعد ودي أروح اوروبا في فبراير الجاي

محتارين ودنا تروح ألمانيا-ايطاليا-اسبانيا شرايكم بس خايفه يكون برد حيل ومانستانس لا في بحيرات ولا مكان ولا كبيعه شرايكم شتقترحون علي ؟​

 

[BBTOYO]

شدعوووووووووووووة محد يرد ؟

 

[بكيزة هانم]

صحيح