شهادة البكالريووس

[DYooMA]

صبحكم الله يا بنات ديرتي


بغييت منكم مساعده
انا الحين مخلصه دبلوم من معهد تكنولوجياا و مسمااي مساعد مهندس
و بقيت اكمل دراستي و اخذ البكالريووس بحساابي واصير مهندسه بأذن الله
بس ابي منكم مسااعده اللي تعرف جامعه بالكويت او برا الكويت فيها تخصصات الهندسه و انتساااب لاني موظفه
بليييز لا تبخلووون علي ودي اكمل دراستي دام اني توني صغيره

ناطره وقفتكم معاي

 

[غلا دنيتي جابر]

حبيبتي انا الي سمعته اذا كانت نسبتج لما تخرجتي 3.50<<اعتقد

تقدرين تكملين بكلية الهندسه

 

[فجر الشوق]

انا سعت عن جامعات البحرين

بس تروحيين كل اسبوع

الله يوفقج و يسهل امرج

 

[DYooMA]

حبيبتي انا الي سمعته اذا كانت نسبتج لما تخرجتي 3.50<<اعتقد

تقدرين تكملين بكلية الهندسه

المشكله نسبتي اقل من 3 نقاااط
عشان جذي فكرت ادرس بحساابي و انتسااب بعد
تسلمييين بعد عمري على مساعدتج

 

[DYooMA]

انا سعت عن جامعات البحرين

بس تروحيين كل اسبوع

الله يوفقج و يسهل امرج

والله زين بحرين قريبه حدها
بس المشكله كل اسبووع مو جنه واايد
انا علبالي الانتسااب اروح فتره الامتحانات و التسجيل بس
حبيبتي تسلمين عالدعووة الحلوة و على مرورج

 

[DYooMA]

محد سمع بجامعه قطر ؟
يقولون قطر مسويه مدينه جامعيه عجييبه
بليز اللي سامع عنها او احد من اهله يدرس فيها خل يفيدنا

 

[q8_ToOoOtah 3L]

حيااااتى البحرين صكروها وتبين نصيحتى مصر تروحين مرتين بسنه شهر 1 وشهر 5 بس تمتحنين وبس

واالحين سمعت عن الرياض كليات خاااصه بس مصر انا سمعت عن ناس جذى بس انتى اسالى عن الكليات الى هناك واذا عرفتى عفيه فيدينى لان انا تكنولوحيه..

وانا هم بسال لج حبي......

 

[PinkY Dreams]

انا شهادتي دبلووووووووم من معهد الاتصلات ومعدلي نقطتيين
وحاليا في امريكا أكمل دراستي بكالريوس دزيتلج رساله خاصه ان شاءالله استفدتي منها

امبيه اهني بأمريكا جامعاتهم سهالات مو مثل جامعة الكويت اخرطي

تدرين قريت لسته اهني بجامعتي عن أصعب جامعات العالم و ترتيبات الجامعات العالم من الأصعب و الأقوى ليه الأسوأ

تدرين جم ترتيب جامعة الكويت بالنسبه لجامعات العالم ؟

ترتيبها 4000بالنسبه للعالم

اخرطييييييييييييييييييييييييييييي لا والمشكله امصعبين على طلبة ورافعين نسب الجامعه جنه مايبون احد يدش الجامعه مع انه جامعة الكويت ترتيبها 4000 لا والمشكله يتفلسفون علينا احنا الي شهادتنا دبلوم والله قررت ادرس بأمريكا وفعلا سويت أوراقي و انا بامريكا ألحين و برز شهادتي حق الي يتفلسف فوق راسي وأوريهم اني متخرجه بجامعة امريكا موجامعة الكويت ودكاترة الكويت بالجامعه يتفلسفون فوق راسنا جنه اهم الوحيدين الدكاتره الجامعيين بالدنيا و يصعبون على الطلبه أخرطي والللللله

تعالي يبه امريكا والله سهالاااااااااااااااااااااااااااااااااااااااااااااااااااااااااااااااات ومافي تعقيدااااااات جامعة الكويت اقسم بالله ماني ضد جامعة لكويت ههه بس والله كلام الصج ينقال جامعة لكويت ودكاترة جامعة لكويت أم التعقيدات على الطلبه على شنو مادري !

 

[طالبة1990]

حبيبتي انتبهي من جامعات الانتساب


الكويت ماتعترف فيها وقاع تصير مشاكل على خريجينها


مساجين مو قادرين يتوظفون فيها


خصوصا الهندسة استحالة انتساب

وجامعات اللي معترف فيها بالبحرين همن وقفوا الاعتراف واساسا مو انتساب لا دوااام نفسها نفس باجي الجامعات



الاردن تقدرين تكملين بكالوريوس هندسة

وتكاليفها اقل بوايد من االبحرين

ومعترف فيها

اتوقع اسمها فيلاديلفيا

 

[PinkY Dreams]

اذا تبين ادزلج رابط موقع جامعتي فيها تخصص هندسه بكالريوس تقدرين تكملين بكالريوس هندسه بجامعتي وفيها تخصص لغه عربيه بكالريوس وماستر بعد وفيها تخصصات قويييييه ورووعه

 

[عرموشة]

الله يوفقج ان شاء الله

 

[DYooMA]

واااااي حبايبي تسلممم ايدكم كلكم
وايد فدتوني بهالمعلوومات
ان شاااء الله بشوف جامعه الاردن و التخصصات اللي فيها و هم بشوف امريكا و يارب تصيييير و اكمل دراستي
و صاااجه جامعه الكويت مينووووونه انا اشوف اختي كل يوم تبجي من دكاتره كليه الهندسه و شلون معقدين