شنو يعني ماي الجنين قليل

[Om_3ali]

السلام عليكم

حبيباتي اول شي ادعولي الله يثبت جنيني ويكمل يارب

اول فرحتي ونفسيتي تعبانه :eh_s(2):

انا الحين منومه بالمستشفي ليش لان الدكتور قالي ماي الجنين قليل

وبعدها اليوم نزل علي ماي ويت المستشفي سولي دخول

باجر بي الطبيب يطمني

بس شنو يعني وشنو اضراره وشنو بيصير

بليز ادعولي بنات هذي اول فرحتي


​

 

[Om zayd]

حبيبتي الله يثتج ويحفظه لج اعتقد مو زين لانهالماي اهوا اللي يحافظ علي البيبي
ونزول الماي دليل علي الولادة هاذا اللي اعرفه
عموما انتي هدي بالج وكثري من الاستغفار والله يقومج بالسلامه ويخفظ البيبي من كل شر

 

[LiL MaMa]

الله يثبته انشالله
و لاتحاتين ترى اهم شي النفسيه
خللي ذكر الله دوم على لسانج
و ادعي ان الله يحفضج و يحفض البيبي

 

[Om_3ali]

بنات الحين سولي سونار وقالولي مافي ماي عند الجنين

ولازم تفكرين عشان تطيحينه شنو

اسوي نفسيتي وايد تعبانه

وماني عارفه افكر مابي انزل البيبي

مادري شسوي


​

 

[روحي82]

حبيبتي اذا ماافي مااي الله يعوضج خير انشالله لان الجنين مااعيش الا بالمااي وانتي باي شهر الحين عشان ينزل الجنين

 

[Om_3ali]

10 ايام من الخامس
​

 

[روحي82]

ياااحيااتي الله يعيينج مداام انج بالخاامس وماافي مااي يعني لاتعبين عمرج واسمحيلي علي هالكلمه لان مراح يعيش

لو بدايت السادس موو مشكله ينحط بالشيشه بس بالخاامس ماايصير وانشالله انه من طيور الجنه ويشفعلج لان نفخت فيه الروح

وانتي استخيري وتوكلي علي الله

والله يعووضج خير ياارب وسهل علييج يااقلبي

 

[Bedor-al.3taiby]

الله يقومج بالسلامه ان شالله

 

[Om_3ali]

لاحول ولاقوة الله بالله

استغفر الله العظيم واتوب اليه

يارب انك تفرج همي وتثبته لي يارب

طلبتك لاتحرمني شوفته
​

 

[روحي82]

اللهم آميين الله قاادر علي كل شي والله يااحيااتي بصلي بدعيلج ياارب


وانتي ادعي اذا في خير ياارب تثبته واذا في شراً لي اللهم بعدني عنه

 

[روحي82]

اختي قالج كلش ماافي مااي ولا قالج المااي شويه

 

[english muffin]

ليش جذي تفاولون عالبنية
حبيبتي الدكتور قالج ماي قليل ماقال مافي ماي
ان شاء الله مافيه الا العافية

 

[Meeesh]

ادعيله

انا اعرف وحده ولدت وهي بالخامس وخلو ولدها بالشيشيه والحمدالله الحين عمره 3 سنين

ادعي ولا توقفين دعااااااء يااااااااااااااااارب يفرج عنك

 

[غنج بدويـه]

لاحبيبتي قوي قلبج لاتيأسيييين
توكلي ع ربج واذكريه وادعيييييه
وماخاب من توكل عليه

 

[امواج الكويت]

حبيبتي انا صارلي نفسج باخر اسبوع بالخامس وحطولي طلق صناعي وولدته وتوفى على طول كنت ٢١ اسبوع

اذا قالولج لازم تنزلينه توكلي على الله وربي يعوضج لان اذا ماكو ماي يلتهب الرحم واحتمال يصبح عقيم اسم الله عليج والبيبي ماراح تنمو عنده الرئه بدون ماي

ولازم اذا حملتي مره ثانيه تسوين ربط لان عنق الرحم عندج يا قصير يا مفتوح من داخل نفسي

 

[زين ودلال]

الله يثبته ان شاء الله وتفرحين فيه يارب

 

[ام فوااز]

لاحول ولاقوة الا بالله العلي العظيم
الله يصبرج ويطمن قلبج واذا فيه خير الله يثبته لج يارب وخلي ايمانج بالله كبير

 

[مشتطـه]

عورتي قلبي

انا نقص بالتاسع بغيت اموت من الضيقة ف ما بالج انتي

ما اقول الا عسى الله يطمن قلبج ويريحج ياااا رب

 

[LiL MaMa]

الله يعوضج خير انشالله

 

[marshmelo0o]

انا نقص عندي الماي اخر السابع وولدت اول سبوع بالتاسع