شنو يعني عند البنات المراهقات يجرحون ايدهم ويشققونها بشي حاد خطوط كانها

[Ga6wa_7elwa]

السلام عليكم


بنات عندي استفسار ومامر علي جذي من قبل بنت اخوي مشققه ايدها كانه زيبرا تقريبا خطوط من ناحيه المرفق ،،،احنا ماشفنا ايدها بس اختها صادتها مصوره ايدها وحاطته بالبي بي ،،انا اختها قالت لي،،،
لاتقولون تنتتحر مو انتحار لما تزورنا واهي نادرا تزورنا ماتبين ايدها مجرحه ومخدشه، بس من الصوره تخرع بالبي بي ،،،
اختها ساكنه في بيتنا واهي اللي مشققه ايدها في بيت امها ،،سالت اختها ليش سويتي جذي قاالت مادري بس جذي قلدت وحده،سالتها اذا كانت متضايقه لما تسوي بعمرها جذي قالت لا مو متضايقه بس سويتها وبس عادي


انا اول مره اشوف جذي عمري 27 ماشفت احااول افهم اصلا ورتني اختها صوره ايدها غمضت عيني ماقدرت اشوف ايدها مشخطه كانها زييبرا ،،يعني شنو يارب جيل ماكو مخ والا احنا مانفهم شي هل يعني هالحركه عند البنات شي معين تكفون جاوبوني

 

[ملاكـ السعوديه]

والله ياقلبي الي اعرف ان اللي يسوي كذا من الايمو بس انتي شوفي طريقت لبسها كله اسود وعالمها اسود
بس هذا اللي اعرفه لاني اشوفه بالمدرسه بنات كذا ويسمون بنات الايمو وبص
وانششاء الله البنات يفيدونك

 

[فدوووو]

اذكر هاذي كانت موضه عند الاجانب بس من زماان يمكن الايمو كذا
يشققون ايديهم زي اللي يحسون بذنب

 

[فلنتينو]

هذا ضعف ايمان وقلة التربيه واهمال الوالدين
اللي يخليهم يسوون جذي

 

[Ga6wa_7elwa]

ماتلبس اسود باسود ،،،بعدين شنو يعني الايمو ،،نفس عبده شيطان والا غير فاهمه بعض صورهم مكياجهم وشكلهم يخرع بس مادري شنو يعني نفس عبده الشيطان والا غير

 

[~{Danon}~]

حبوبة هذي لا اهي ايمو و لا شي ,,, اللي يسوون جذي عندهم مشاعر سلبية مكبوتة يعني حزن او غضب او حقد ,, هـ الشعور يكثر عند البنات اللي اهلهم منفصلين ,, و تلقينهم عادي عندهم يسوون هـ الحركات و يطلعونها بكل فخر بسبت اهمال الوالدين و تشتت الاسرة ,,, باختصار هـ الشي بوابة حق الامراض النفسية(بعيد الشر) اذا ما لقت احد يحتويها و يفهمها ,,,

 

[شذى2007]

اكيد فيها شي لازم اختها تتقرب منها تعرف شسالفتها

 

[اصيله بنت البدو]

انا اذكر يوم كنت بالمدرسه اشوف هالشي كثير بمعنى اكثر فئة المراهقات
اما المرهقين توني سالت اخوي ذكر حاله واحده مرت عليه وزاد باانهم مرضى نفسيين
وقال كل مااقوله هلا والله رد عليه بهلا والله يعني مثل اللي يرداد الكلام اما البورة المهمه
هي وسيله تستخدم عن طريق الاله حاده بجرح النفس وظهور الدم البعض يتلذذ
والاخر يستخدمه كتفريغ وعموما كله ناتجه عن كبت ضغط اكتئاب وهي ضاره
جدا ولها عوقب وخيمه وللاسف يجي دور الاسرة التي ماتفقه بهالشي
ولا المجتمع قدر يسلط على هالشي ولا المتخصصين الي مسؤليتهم توعيه
الناس بهالشي واخير هذا بعد عن الله لقوله الكريم {ومن اعرض عن ذكري فاانه له معيشه ضنكه }والايه التاليه {الا بذكر الله تطمئن القلوب} سبحانك يارب

 

[دلوعة أبوهآ]

الله يهديهم ..
مره شفت وحده مسويه بيدها خرايط من كثر التشقق والله مناظر تقرف

 

[أميره الدوسري]

آحتويهآ و آفهمي منهآ

 

[PuPa^^SWeeT]

هذي صرعة يدييدة عندي بالمدرسة بعد


عدد الخطووط = عدد الشلة


مادري بناتي اللي ادرسهم قالولي جذي اذا اللي اببالي

 

[aṕriliå]

حركات الايمو هذي

 

[.. ღ همس ღ ..]

مااقول غير الله يهدينآ ويآهم

 

[F A R A W L A]

حركااات ايموووز
والله يهديهم
في بنت اعرفها سووت حرف حبيبها ع ايديها
مادري شيحسوون فيه لمن يجرحوون نفسهم
ويطلع دمهم ،، واذا التهب الجرح!!!
تخلف وضعف الايمان

 

[dj.RomanCe]

آي هم آنا اللي اعرفه وآشوفه بالسكوول

آنهم ايــمــوو

وترى موشرط الآيمو يلبسون آسود × أسود

عاادي اشكثر مغنيات ايمو لبسهم كله وردي .. مثل آفريل لآفيــن

بس آنا اقول بما ان اللي تصيرلج بس سوته تقليــد لرفيجتها

قعدي معاها قعده بنات وقولي شنو هذا اللي بإيدج >> مو بهواش بس جنه بتسألين

قوولي لها شنو مضرته ان ممكن يسوي التهابات ويمكن ما يلتأم وجذي خوفيها

والله يهديها ويهدينا ويهدي الجميــع

 

[ســتارز]

مافي وحدة تتحمل تشقق ايدها بالموس الا اذا عندها مشكلة كبيرة

الظاهر انها حساسة وماتقدر تعبر عن نفسها واللي يضايقها الا بطريقة معاقبة نفسها

الله يكون بعونها

 

[marmaid]

3 بصفي شققو ايدهم بدبوس بالصف مادري شسالفتهم
وحدة منهم ايمو والباحي قلدوها -.-

 

[روانتي 12]

عاد تدرين

في بنات بصفي معاهم مراياء و اكسروهاا و كل وحده فيهم اخذت زجاجه

و يشقوون ايدينهم و بنص الحصه بعد ..انا قلت شنو قاعدين تسوون بصدمه قالوا احنا نحب فلانه و قاعدين نتحدا

قلت شنو انتو دلووخ خبوول اي تحدي ..و اخذت الزجاجه منهم و قطيتهاا الله يكرمج بالزباله

يعني عن حب ومدري شنو

 

[منو انت]

جــيـــل يـخـرع اللـه يـسـتـر علـينـا وعـليـهـم يارب

بس نصيحه ضروري تعلمين امها علشان تكون بالصوره مع ان بعض امها مايدرون عن هوا دارهم سترك يارب كل يوم موضه غير عن اللي قبل

 

[3war glb]

الصراحه انا مرت علي جم بنت شفتها وايدهم مشققه شكلها صاااارت مووضه وخصوصا بنات المتوسطه والتشقق احرف وجذي المشكله وياخذونه من رفيجاتهم او المدرسه وجذي عرفتي الله يهديييهم