شنو يعني شنه أو اشنه " الشيبه " و هرري

[كراميل]

قوه بنات

كل ما دورت على موضوع قهوه تطلع لي هالاسامي
و لما يسئلون البنات شنو الأشنه يجاوبون الشيبه !!!! أنا خل اعرف الثانيه علشان اعرف الأولى
و من وين اييبها ؟؟

و البن الهرري !! شلون تلفظ ؟ harrary والا Herrary
يازين و انا جني ابلهه عطيات اطلب شي بلفظ غلط

بعدين من وين اطلب اساسا هالهرري

بنات عفيه .. اختكم تكره القهوه و الحمدلله و الشكر فجأه قمت اموت فيها
لوما علي الدوره جان شكيت اني حامل


يالله انقذوني

شكرا مقدما

 

[H.Heavn]

مشاركة: شنو يعني شنه أو اشنه " الشيبه " و هرري

والله يا حبيبتي كنت اتمنى اني اساعدج بس مااعرف بامور القهوة وما حبيت ادش اشوف الموضوع واطلع
انشالله البنات ما يقصرون وياج

 

[s3ad]

مشاركة: شنو يعني شنه أو اشنه " الشيبه " و هرري

اول كلمتين بصراحة ما اعرفهم
بس القهوة هاراري هذه خووووش قهوة
وتلاقينها بالشويخ يم سوق لندن فيه محلات يبيعون رطب الحواس والملكي ... وايد محلات يم بعض تلاقين عندهم كل شي
وعندج القهوة النيبارية والقهوة الحبشية ساليهم وجربيهم راح يعجبونج
واذا تبين قهوتي دزيلي عالخاص وانا اييب لج افا عليج ابلاش ترى
خخخخخخخخخخخخ

 

[Angel]

مشاركة: شنو يعني شنه أو اشنه " الشيبه " و هرري

قهوة هراراي يعني قهوة افريقية وهراري يعني عاصمة زيمبابوي وطبعا في افريقيا

 

[الملكيييية]

مشاركة: شنو يعني شنه أو اشنه " الشيبه " و هرري

حبيبتي انا قهوتي بن هريري
قهوة عربية نوعيتها يمينية وحبتها مو نفس البن العادي كبيرة هذي حبتها صغيرة مرة
وغالية والمكان اللي تنباع فيه عندج بن نسيم الصباح في الفحيحيل والفرع الثاني بجمعية الصباحية


والشنه هذي بهارات تضاف للقهوة وتلقينها عند العطار كل العطارين يبوعنها ومقاربه جدا لنونخة ادري اسامي قريبة بس هذي مو كل الناس يعرفونها ويستخدمونها مايستخدمها الا الفنانين بالقهوة العربية واتمنى اني فدتج ولاتنسيني بدعوة طيبة

 

[jolie_q8]

مشاركة: شنو يعني شنه أو اشنه " الشيبه " و هرري

ومنكم نستفيد

مشكورين على المعلومات

 

[حبنا الله عليه]

مشاركة: شنو يعني شنه أو اشنه " الشيبه " و هرري

كراميل <<< اسمج يهبل ذكرني بمطعم بس تصدقين انا بدوية ولا اعرف هالسوالف اعتقد يحطونها بالدلال واحنا مانستخدمهم اصــلا .. الحين كله مطارات والمطارات ماتحتاج .

المهم انا كاتبه عن القهوه وشلون تسوينها واحسن شيء .. وبشهادة الجميع قهوة امي ترد الروح طبعا نوعها نيباري بس كلها شغل بيت من حمس وطحن وطبخ من جذي طعمه صج مرة اخوي تسويها بالحليب حلوه بس القهوه اساسا بن وهيل وزعفران فقط .

 

[لازورد]

مشاركة: شنو يعني شنه أو اشنه " الشيبه " و هرري

كراميل الاشنه هذي تطلبينها من عند العطارين شكلها مثل الورق المحروق اسود بأبيض يحطونها بعد مع المرق وريحتها حلوه
والبن الهراري تلاقينه عند الي يبيعون قهوه بأي مكان بس انتي طلبيه

 

[خبيرة اعشاب]

مشاركة: شنو يعني شنه أو اشنه " الشيبه " و هرري

الشيبه هي الافسنتين و هو نوع من الاعشاب المهضمه ....
لقيتها في المغرب طازجه عجيييييييبه يحطونها مع الشاي طعمها نفس المريميه او المليسا بس تحسين فيه نفس نكهه البرتقال المر
و الهرري نوع من انواع البن

 

[أوركيد]

مشاركة: شنو يعني شنه أو اشنه " الشيبه " و هرري

وحدة قالتلي انه الشنا يحطونه مع حمسه القهوة ..

يعني مو بس اضافة...

 

[هيه دنيا]

مشاركة: شنو يعني شنه أو اشنه " الشيبه " و هرري

مرحبا ... انا احب الكراميل علشان جذيه برد عليج وخصوصا قهوة ستار بكس لاتيه بالكراميل
الشنه هذي تنحط مع القوة بداخل المطارة مقدار ملعقه صغيرة مالت السكانه
وفي ناس يحمسونها مع القهوة واحنا بصراحه مانستعمل الا الكوفي ميت والزعفران واما الشنه والزنجبيل او المسمار او ماء الورد هذا كله يكون حسب الرغبه
والهراري تنطق نفس كلمة فيراري
واحنا طريقتنا بشراء القهوة الميه ميه اهي

تاخذين كيلوين رقم واحد
وكيلو من رقم اثنين ويطحنهم لج صاحب المطحنه مع بعض وتسوين قهوتج على الطريقة المعتادة واتمنى اني افدتج

 

[كراميل]

مشاركة: شنو يعني شنه أو اشنه " الشيبه " و هرري

H.Heavn تسلمين عالمحاوله يا رب

s3ad : حبيبتي و الله مشكووووره عالمعلومه و ما تقصرين يا رب ... و لا تعزميني ترا ما انعطا ويه

آنجل .. تسلمين عالمعلومه ... ومنكم نستفيد يا الغاليه

الملكيييية : الله يعطيج العافيه ياااااااارب و يوفقج بكل أمورج ... فعلا كفيتي و وفيتي بس سؤال .. تنحمس الأشنه مع القهوه و الا بالمطاره ؟؟ و شكثر الكميه ؟

jolie_q8 : ابي عمولتي .. انا اطرح الموضوع و انتي تستفيدين ببلاش ؟ حياج الله حبوبه

حبنا الله عليه : الله عليج تصدقين اني طابعه طريقة امج عندي مع جم طريقه قلت بجربهم... الله يخلي لج اياها و تسلمين عالرد

لازورد : الله يخليج يا رب والله زين وصفتيها لي .. طيب سؤال سخيف اغسلها قبل لا استخدمها ؟

seule12 : تسلمين يا الغاليه .. بس شلون عرفتي ترجمتها ماشاء الله عليج " الافسنتين " !! انا زين حفظت الأولى و عليج بالعافيه يا رب .. و بسأل اللي يروحون للمغرب عنها .. مشكوووره

أوركيد : تسلمين يا الغاليه

 

[كراميل]

مشاركة: شنو يعني شنه أو اشنه " الشيبه " و هرري

هيه دنيا : حبتج العافيه يا رب اي هذا انا اللي بستاربكس .. عليييييييييييج نور
مشكوره عالمعلومات .. و التوضيح .. حتى طريقه لفظ الكلمه ما قصرتي و كتبتيه
بس انتي جنيتي على نفسج .. شنو رقم واحد و رقم اثنين ؟؟ هالارقام يعرفونها كل ملوت المطاحن و الا بمطاحن معينه ؟ اقول لهم هيراري 1 و هيراري 2 و الا بس واحد و اثنين و اسكت
والله ادري دوختكم .. بس غشيييييييييمه حدي

 

[هيه دنيا]

مشاركة: شنو يعني شنه أو اشنه " الشيبه " و هرري

هلا والله
رقم واحد ورقم اثنين هذا انواع القهوة وكل المطاحن يعرفونهم لان القهوة مرقمه عندهم فيه خفيفة وفي ثقيله وفيه محموسه حيل وانا قلت لج طريقتنا بشراء القهوة وبعدين تخلطينهم مع بعض وتسوين قهوتج على الطريقة العادية
واي سؤال انا حاضرة

 

[الملكيييية]

مشاركة: شنو يعني شنه أو اشنه " الشيبه " و هرري

كراميل اسفه على التاخير بالرد
لا ياقلبي بالشنة تسوين خلطة بهارات للقهوة

بحط طريقتها معنها سر مهنة امي

بس كل واحد ونفسه بشغله

المهم
الخلطة تتكون من:
دارسين -مسمار-هيل-كوفي ميت-اشنه او نونخة-زعفران

تخلط مع بعض بس الدارسين والمسمار والنونخة تكون مقدار الربع والهيل والكوفي ميت مقدار الثلاث ارباع الخلطة

تحطينها بقرشة

وعند الاستخدام تاخذين منها ملعقة صغيرة وتحطينها بالدلة وتصبين فوقها القهوة يعني ماتنطبخ معها

تعبت

يالله في امان الله

لاتنسون تدعولي ربي يرزقني الوظيفة

 

[كراميل]

مشاركة: شنو يعني شنه أو اشنه " الشيبه " و هرري

هيه دنيا .. ربي يوفقج على ردودج الحلو و الواضحه .. عسى ربي يسهل لج أمورج كلها يا رب

الملكية : حبيبتي و الله .. الله يخليلج امج انشاء الله و يوفقج و تلاقين الوظيفه اللي ترتاحين لها انشاء الله


مشكوورين