شنو يعني حمل ضعيف

[kenda]

السلام عليكم

بغيت اسالكم شنو يعني حمل ضعيف انا امس رحت حللت والدوره متاخره 22 يوم

قالولي حمل ضعيف وعطوني فوليك اسد وحبوب تنزل الدوره والمشكله احس باعراض الحمل لوعه

وظهري وغثيان وعوار بالمبايض وخصوصا وبالليل حزت النوم وكله صداع وبنام

فا مادري هل الحمل الضعيف اني حامل بس ضعيف ولا ماكو حمل

ويعطيكم العافيه *

 

[kenda]

اي نسيت اقولكم قالتلي اذا ما انزلت الدوره تعالي حللي مره ثانيه

 

[عجمانيه]

والله انا اول مره اسمع بهالحمل ...

بعمري ماسمعت ان في حمل ضعيف..

انزين انتي حللتي بالجهاز مال الحمل؟؟؟

وليش ماتروحين عياده ثانيه ؟؟ يمكن تكونين صج حامل..\

ونصيحه لاتاخذين شي عشان تنزلين الدوره يمكن حامل وعقب ينزل الجنين (بعد الشر عنج)

ويارب ان شاء الله تكونين حامل... وربي يرزقني ويرزق كل محرومه الذريه الصالحه يارب

 

[iLLuMinaTion]

شنو يعني

 

[ام بوحنة]

اذا ماخذة الدوفاستون هذول الحبوب تثبيت واذا مافي بيبي نزل الدورة

سواء حمل ضعيف او قوي اذا الله كاتب له يعيش بيعيش

نصيحة سوي تحليل الدم الهرموني وعيديه عقب 24 ساعه

 

[kenda]

اي عطوني دوفاستون اخذهم عادي وناويه اورح احلل بمكان ثاني

ادعولي*

 

["*آآآنؤؤؤقهـ*"]

نفسي اللي صارلي الشهر اللي طاااااف


حمل ضعيف. وعطوني الفوليك اسيد. والدقاستوون


بس مالله كاتبه يتم ونزل الحمدلله علئ كل حاااال





حبوب الدفاستون ان شاااااءالله ترفع الحمل وتقوي جدار الرحم والمشيمه

واذا ماتم الحمل تنزل عليج الدوره


والله يرزقج

 

[kenda]

ان شاءلله يارب يرزقني ويرزقج وكل المتزوجات *

 

[درة أهل الطولات]

شكو تعطيج حبوب تنزل الدورة

انتي حامل لا تاخذين شي ينزلها اخذي مثبت علشان يرتفع الهرمووووون

 

[kenda]

شكو تعطيج حبوب تنزل الدورة

انتي حامل لا تاخذين شي ينزلها اخذي مثبت علشان يرتفع الهرمووووون

صج اخذ بس فوليك اسد ما اخذ الدافستون مادري شسمه اهو مو يقولون يثبت اذا في حمل *

 

[درة أهل الطولات]

الله كريم

ربي يثبته ويفرحج بشوفتــه

 

[منااووي]

سويتي تحليل حمل هرموني ؟ جم طلعت النسبه ؟

 

[* ملكني الخوف *]

عسى الله يثبته غيري عيادتج وسوي اختبار حمل

 

[حمرة الورد]

حبيبتي صار معاي بالضبط مو معناته انه ضعيف لا يعني حللتي مبجر والحمل توه في بدايته لا تحاتين وروحي لدكتوره شاطره

 

[كلاسيكال]

عسى الله يثبته لج ويرزق كل محرووومة

 

[mooma]

حبيبتي انا قالولي نفس الشي
انا تاخرت دورتي و لما حللت قالتلي حامل طبعن انا من الوناسه اهي قالتلي ضعيف انا طنشتها و مشيت قالتلي اخذي هرمون الحمل مادري شنو مادري شخربطت على راسي انا سحبت عليها
و قلت اللي الله كاتبه بيصييير
و عادي يكون ضعيف يمكن يكون باخر ايام تم التلقيح نطري فتره و حللي
و بعدين ليش تعطيج حبوب تنزل الدوره ؟؟!!
حق شنو
يبا فولك اسيد و عرفنا بس حبوب تنزل الدوره غريبه
انا قالتلي حملج ضعيف و مو اكييد لا و كانت عافسه ويها بس انا نفسيا كنت مستانسه بمجرد كلمه اي في حمل
تخيلي اهي تقولي ضعيف و انا اقولها يعني في ولا ما في !! تقولي في بس ضعييف قتلها خلاص !!
ما عليج منهم و ارتاحي و رفعي ريلج و نامي على ظهرج و الله يكتب اللي فيه الخير