شنو نعلم عيالنا في بداية اشهر حياتهم

[؛؛حلاوه؛؛]

قوه امهات

هل نتبادل افكار شلون نبدا نعلم عيالنا

أسامي الاشياء او حتى الحركات

شوفوا الرااااابط عفيه

وعطوني افكاركم ومعقوله ممكن عيالنا يصيرون مثلها

 

[؛؛حلاوه؛؛]

http://s660.vuclip.com/1a/ab/1aab4d..._1aab_w_2.3gp?c=1775270&u=1157777011&s=BM6x5j

 

[بحةة آلشۈق]

مممممآششالله عليه
والله انابعدودي اعرف شنسسوي لعيالنا
يسسسلمو

 

[ام الحلوااات]

مـــــاشــــــأء اللــــــــــه عـــلـــيــــهــــا
بـــنــــت عــــبــــــااااقــــــــــره اللــــه لا يــــضـــــرهـــــا​

 

[بحرينيه كوول21]

جفته هالبرودكاست وصلني
حتى قعدت ادور فالنت طرق تعليم الاطفال في سن مبكره
مااااشاءالله علييهاا

 

[رووح ابووها]

ماشاءالله عليها

 

[بربيره]

ماشاءالله تونسسسسسسسس يحليلها شفته للاخر ودي ابوسها شطوره لووول الله يحفظها*

 

[توتاتوتا]

ما شاء الله الله يحفظها

اي شي تبين تعلمينه الطفل بالتكرار ... على قولتهم التكرار يعلم الشطار

و المهم فالموضوع تستمرين و ما تملين ترا تعليم الطفل يحتاج وقت بالذات فالاشهر الاولى

و الاهم تعلمينه سلوكيات صح زي طريقة الاكل و النظافه

 

[Winter Q8]

قاعده اعلم ولدي حركات يس و نو و أم " اكل " و مابي .. بس مو قاعد يعطيني ويه .. حبيبي فديته

 

[؛؛حلاوه؛؛]

جم اعمار اعيالكم ومتى تبدون تعلمونهم

 

[Melazlaza]

ولدي عمره سنتين ونص وماشالله يتكلم عدل ويشرح ويفهم الحمدلله كله ثمرة المجابل

وجهة نطري في التعليم لازم نحدد المعلم يعني بتعلمينه انتي خلج معاه اكبر وقت عشان يلقط منج مو تيين ساعة ساعتين وتقولين ماتعلم
انا مجابلة ولدي من ااصبح لي بالليل وطبعا مافي خدامة ولا مربية

اتكلم معاه جنه كبير حاله من حالي
بديت معاه وانا حامل فيه
ولما ولدته بالنفاس اسولف معاه
ماكانت تهمني ردة فعلي ولا انطر انه يتعلم وهذي اهم نقطة عشان لا امل واتهاون اذا ماشفت ردة فعل متوقعتها

والحمدلله كبر جدامي وكل يوم عنده شي يديد
الحين علمته يعد بالانجليزي لي عشرة وبالعربي لي خمسه
الاحرف الانجليزية يعددها a to z
تسإلينه عن اسمه وعمره بالانجليزي يجاوبج
مممممم
مو ذاكرة بعد شنو علمته
بس مساعدات التعلم
دي في ديز
كتب باحرف كبيرة
العاب تعليمية
مكافآت ملموسة
الي يبي يحصد لازم يزرع

مشكوووووورة عالموضوع المفيد

 

[؛؛حلاوه؛؛]

يعطيج الف عافيه حبيبتي

استفدت منج

ولدي عمره 5 شهور وقاعده اكلمه واسولف معاه

وخدامتي مربيه تجابله أهي بعد وتسولف معاه

بس شنو ممكن اعلمه ومتى بديتي تعلمينه الأحرف

وبغيت اعرف الياهل متى يبدى يتكلم

 

[؛؛حلاوه؛؛]

ويييينكم

 

[دنيا ثانيه]

ااااااااممممم
ماطلع معي شي

 

[Mednight Rain]

ماشاء الله

 

[؛؛حلاوه؛؛]

وينكم بنات

ولدي عمره الحين سنة وشهر

قاعدة اعلمه يعطيني اللي بيده وياخذ اللي بيدي

ودي اعلمه بعد

شنو تعلمون عيالكم في هالعمر

 

[حلاتي بندرة وجودي]

هلا حبيبتي خوووش موضووع انا ولدي عمره سنتين ونص وقااعده اعلمه الفاتحه الاذان وبعد الاعداد بس شوي شوي ومع التعود والتكرار اكيد يفهم وبالعمر هذا يقلدون بكل شي فلازم احرص عل كلامي وتصرفاتي ممممم وبس
ومنكم نستفيد

 

[ناصر حياتي]

أنا ولدي عمره ثلاث سنوات
علمته قل سوره الإخلاص احس انه ذكي بس دلوع شوي
بس على فكره الجاهل بهذا العمر ماشاءالله يحفظ بسرعه
يعني نفس العجين انتي تشكلينه بنفسج

 

[-فلانة-]

انا بنتي توها صغيرة..و بجري فما مو عارفة شنو الطريقة الصح عشان تتعلم..
أهم شي عندي واللي انا أعتبره إنجاز صراحة..إني نظمت لها نومتها و عودتها على روتين معين..
أسبحها و أرضعها و تنام من غير مشاكل ربي لك الحمد..
اللي قاعدة أركز عليه أكثر شي معاها هو الكلام..
وايد أسولف معاها كأنها شخص بالغ..
لاحظت إنها اسم الله عليها تركز على حركة شفايفي و تحاول تقلدني بس طبعا للحين ماكو شي..
أحاول أعلمها كلمة ماما..أكررها وايد عليها و تستانس لما أقولها..
أحاول أعلمها اسمها وصايرة لما أناديها ساعات تتلفت علي..
أحاول أقرالها قصة يوميا..
و طبعا ضروري ألعب معاها و أحطها عالأرض عشان تتقلب و تقوى عظامها..
مممممم..شنو بعد؟؟
بس تقريبا هذا اللي أسويه كل يوم..
أحس عمرها محير مو عارفة شلون ألعبها و شنو الأشياء اللي تنمي إدراكها و حواسها.​

 

[Ms.electric]

انا بنتي اسبوع و تكمل 7 شهور ...

اسمالله تحاول تقوم بس بعد يبيلها ... الحين قامت تعرف الحليب يعني اذا شافتها تحرك بيدها جنها تقول ييبولي اياه لووووول

قامت تكتشف وايد شغلات و تعرف الريمونت يعني ثبتت ان هذا ريمونت التلفزيون و خلاص تبي تبي تاخذه ...

قاعدة اعيد عليها كلمة ماما و بابا اللي وصلت له بس كلمة ابو ...

تعرف اسمها يعني اذا قلت شيخة تلتفت لي ... الله يحفظها

لمن اقولها وين شيخة وين شيخة تقوم تغطي ويها و تشيل الغطا يعني فاهمة ان الحين اهيا قاعدة تنخش لووووول

ودي اعلمها ان اذا ياعت شنو تقولي علشان افهم ..

قاعدة اذكر الله جدامها واااايد و اصلي جدامها واااايد لان الحين تستوعب و ابي الصورة تتخزن عندها ..

و قاعدة احطلها قرآن وااااايد لان شمعت معلومة ان الياهل يخزن بعقله الباطن

و مادري بعد شنو اقدر اعلمها