شنو مواد الصف العاشر ؟

[Hope Soon]

السلام عليكم ورحمة الله وبركاته
قوة بنات اشلونكم عيدكم مبارك :eh_s(8):
بنات انا بس حبيت اعرف هل طالبات الصف العاشر بالثانوية يختارون ادبي وعلمي وكل تخصص له مواد معينة اقصد الي تخصصها ادبي تاخذ المواد الادبية والي تخصصها علمي تاخذ المواد العلمية ... ولا راح ياخذون مواد مشتركة يدرسونها مع بعض بالصف العاشر ؟؟؟:bbbiu:

انا بإنتظار اجابتكم

 

[سارونه الامورة]

لا حبيبتي عاشر ياخذون كل المواد علمي وادبي يعني تدرسين كل المواد العلمية والمواد الادبية

و11 اهو اللي تدرسين فيه ياعلممي ياادبي ونصيحة شدي حيلش بعاشر لان يبي له والبنات يدخلون الثانوية يتوقعون لعب ووناسه مرحلة جديدة وثانوية

لا حبيبتي يبي لش تراجعين وتحفظين اول باول وتحددين الدرس وتحلين واجباتش ودفاترش كامله وتجلسين قدام احسن شيء الاول اذا مو الاول الثاني

واي مواد صعععبه مع الدراسه راح تسهل عليش بسس اهم شيء تدرسين اول باول اذا رديتي من المدرسة صلي وتغدي وتروشي عشان تصحصحين وعلى طول

درسي الساعه 3العصر واحفظي كل شيء كان بكرة عليش امتحان وحددي الدرس وحلي واجباتش والساعه مراح تصيرر 7 الا وانتي مخلصه وبعدين سولفي او

ادخلي النت او المنتدى ورتبي شنطتش وتعشي ونامي. وايام الويك اند استانسي فيها طلعي وردي وسوي اللي تبين بسس خصصي لش يوم واحد تصحين

فيه الفجر الساعه5 الفجر هذا احسن وقت للمذاكرة وادرسي وادرسي وراجعي كل شيء خذيتيه طول الاسبوع الى العصر او المغرب مع بريكات اكيد الصلاة

والاكل والعصر او المغرب طلعي وانتي مستانسه. وبكذا اضمن لش التفووووووق مب بسس النجاح والله يوفقشش


دعواتش ربي يوفقني في الجامعه واجيب معدل عااالي وربي يسسسهل دروسي وموفقه حبيبتي

 

[كويتيه سبيشل]

عاشر مع بعض تجمع بين علمي وادبي
ومن صف حادي عشر تختارين علمي او ادبي

مواد صف عاشر

لغه عربيه
لغه انجليزيه
رياضيات
اجتماعيات
فيزياء
كيمياء
احياء
تربيه اسلاميه
قران كريم
العاب

 

[كويتيه سبيشل]

والله يوفقج يارب
وشدي حيلج

 

[(عسل وقشطة)]

لا مافي علمي وادبي
عاشر ترى سهلة وخفيفة تحسفت اني ماجبت اعلى شدي حيلج
والمواد
عربي
انكليزي
رياضيات
كيميا
فيزيا
احياء
اجتماعيات
اسلامية
قران
حاسوب
والعاب
واي سؤال انا حاضر
بالتوفيييق

 

[عاشقة العالم]

قالوا انه هدي السنه اختار علمي و ادبي
قالوا في قرار حق الثانويه يوم الاحد 7حصص ومن يوم الاثنين الى الخميس 6حصص
هدا يلي سمعته
الله يوفق الجميع وادعولي اجيب نسبه حلوه وترفع الراس ..

 

[(عسل وقشطة)]

قالوا انه هدي السنه اختار علمي و ادبي
قالوا في قرار حق الثانويه يوم الاحد 7حصص ومن يوم الاثنين الى الخميس 6حصص
هدا يلي سمعته
الله يوفق الجميع وادعولي اجيب نسبه حلوه وترفع الراس ..

صج وناااسة بس يو الاحد 7حصص
انا بعد سمعت لكن مافي شيء مؤكد
وعاشر ما اتوقع خلوها علمي او ادبي
اتاكد واقولكم بالتوفييق

 

[(عسل وقشطة)]

بنات صج من عاشر علمي او ادبي وهذا الخبر


التربية تحدد العام الدراسي المقبل التشعب (العلمي والأدبي) من الصف العاشر وليس الحادي عشر | الصباح