شنو معني كلمه خبله .. وشنو ردك عليها

[زهره الخليج]

السسلام عليكم
تقههر هذي الكلمة ودايما اسمع ناس يقولونها عن بعض البنات شنو المقصود فيه

ومن الخبله بنضركم ومن اللي عمرها تعرضت لي هالكلمه ويش يكون ردة فعلك لو تعرضتي لها



اليوم تعرضت لها هذي كلمه جارتنا حيل عزيزه علينا ونفس اختنا وبنتها كبري

قالت لي واهي تقول لي سالفه


اسمحي لي اقولك ياخبله :eh_s(*): انا انصدمت ... ماحب هذي كلمه ماعرفت ارد عليها :rgewrg::eh_s(16):

لي اني بوقفي شنو تقولين شنو ردك ...

 

[Tom ♥ Jerry]

,

خبله يعني هبله مينونة مو صآحيه !

و ردي عليها .. بيكون على حسب الشخص و ميانته وياي
هل مطيحه الميانه وياه أو لا ! :/
و على حسب الموقف نفسه


جآرتكم حيل وياكم و ظحك و غشمره و لا بعيده ؟

 

[مـ ع ـزوفة حز*ن]

،،


خبله يعني هبله مينونه بمعنى اصح

إذآ السآلفه قويه وتبي تقولج شي مهم قصدهآ إسمعي يآخبله لآتضيعين الشي او إسمعي الكلآم عددددل كنآيه عن اهمية الموضوع ان إذآ مآسمعتي بتضيعين وبسسسس هذآ اللي فهمته منج


................./

........../

.../

 

[ماكواسم2]

يالخبله يعني فهمي المقصود من الكلام او الموقف عدل ولا اتصيرين على النيه

 

[granted]

^^
صح
وخبله ممكن البعض يستخدمها للطيبة الزايدة
والشخص ذو الغفلة

 

[قصْر شآمخ~]

ممكن تنقال حق شخص اخطأ بقرار أو اختيار
عادي يعني لا تحملين الكلمة أكثر مما تحتمل خاصة إن المرة قريبة منكم
وأكيد ما تقصد تنقص من قدرج

إنتي قيمي الموقف كامل والشخص اللي قالها .. وبعدين فكري بردج فعلج تمشينها عادي أو ما تتقبلينها

 

[عنوده العتيبي]

تصدقين بعد ماشفت كلامك وكلام الاخوات
حسيت انها ماتقصد بمعناها الاصلي وانتي امكن اخذتيها بحساسيه زايده
وانا بعد استعمل هالكلمه مع خواتي وصديقاتي ومن يعز علي ههههههههههههه
من باب كلمة عادي وغشمره على قولتكم
بس امكن هالكلمه لها موقف معك عشان كذا وكذا همتك هالكلمه
وحاطتها ببالك هذا راي وتحياتي

 

[الكاترينا]

كلمه خبله جارتكم تمووون يعني ياقلبي من باب المعزه لك

 

[زوجت الشمري]

اذا ميانه وعارفه تحبي اكيد برضاها

 

[noor salam]

خبله يعني وحدة ما تفهم ولا تعني ما تقول
و اتمنى ان نحن نرتقي في اختيار الالفاظ و المصطلحات التي اصبحت رائجة و دارجة هذه الايام
فنحن نبحث عن الشهادة الجامعية و لا نبحث عن الارتقاء بانفسنا و الفاظنا
اوانا هنا لا اعني الكل ولكن البعض
فنحن يجب ان نتخذ الرسول صلى الله عليه وسلم قدوة لنا حيث الاسلوب و التفاهم والالفاظ
فنبدا بانفسنا ....اسرتنا....مجتمعنا​

 

[العنودبنت علي]

حبيبتي اكيد انها قالتها من باب الميانه بينكم

 

[M!SS.LOBY]

قالت كلمة خبلة واهي تسولف لج سالفه يعني لا تصيرين عالنية انتبهي واحترصي مادام على قولتج طايحه الميانه

 

[سبحآن الله"]

يعني غبيه بس تستخدم بعض الاحيان من الحرص الشديد من باب الميانه

 

[بروريتآ]

جان قلتي لها خبلة ولا خبيثه ههههههههههههههههه
​

 

[Patcholli]

خبله يعني غبيه

 

[Hijazih]

انتي مثلي يمكن بالنت احد يقولي هذي الكلمة عادي, من الممكن اتقبله, هو على حسب الشخص يعني
لكن وجه بوجه غالباً ما تكون صعبه -_- بس ترا عادي يصير بين الأصحاب يعني متخديش فخاطرك منها ^_*

 

[ايمان7]

ساعات تكون من باب الميانة والمزح
أنا عن نفسي دااايم ابوي حبيبي واهلي يقولونها لي بس مااقدر ارد عليهم لأنهم اهلي خصوصا امي وابوي او اخواني الكبير
طبعا ازعل واخذ موقف بس محد يهتم
تنقالي لما امزح واضحك مع احد ولما يقولون لي شي ومااستوعب عليهم بالاخص لما يكون شي اول مرة اسويه
ويمكن اكثر كلمة تجرحني وتربت معاي من كنت صغيرة ليما كبرت لدرجة اني فقدت الثقة بنفسي من كثر مااسمعها
هي وكلمة غبية هالكلمتين حييل يعورون القلب بس الحمد لله محد قالها لي بره البيت ولابالمدرسة

 

[ReD&FoSHia]

جارتكم و بنتها كبرج يعني اهي حسبة امج .. ما قالتها الا للحجي اللي يتبع الكلمة
انتبهي لكلامها عدل وحتى كلمة خبلة اخذيها بالاعتبار انه اكيد كان حكمج غلط و حبت اتصلحه لج
وماكة اوجع من كلمة تنقال القصد منها التنبيه بخطأ حاصل

 

[al-musk]

عادي من باب الميانه والكلمه لها الف معنى وتفسير ..وممكن حتى تنقال عن احد كل الامور معاه سهالات وفالها عالآخر ..

 

[M!SS.LOBY]

من باب الميانه والتنبيه