السلام عليكم ورحمة الله وبركاته ..
بداية تعريف بمشكلتي انا طالبة الطلاق والسبب هو ان زوجي تزوج واحنا ماصار لنا سنة ونص .. عاملني معاملة زفت وبدون سبب بس لانه خاطب قبلي وحدة ( ولاتظنون عن حب لا خطبة عادية ومو شايفها واكبر مني ب 11 سنة بنفس عمره هي وانا احلى منها بعد بفضل الله ) وهي رفضت وعقب لين تزوجنا تحسفت عليه هي واهلها وردوا قالوا له اخذها بتشجيع من اخته وولد عمه ( لان تصير هالمرة اخت مرته ) زوجي الحين تزوجها .. هو مطلق وعنده بنت طول ما انا حامل كله يردد مستحيل يجيني طفل واحبه مثل بنتي وكله يسمعني حجي لان دريت بالسونار اني حامل بولد صار انتقام مو ولد كله يقولي شنو بنت وولد ولد يشرب خمر وبنت تبني مساجد حسبنا الله ونعم الوكيل بنته طبعا مع امها وانا كل ماتجي لنا اعاملها احسن معاملة وربي حتى تجي تقولي امي تكرهج اقولها انا احب امج عشان اكسب البنت آخرتها مو مراعي تقديري له ولبنته ..!!
من ولدت ولدي عند اهلي لاني رحت لاهلي مو بنفس البلد قام اتصل لي وخلا بنته تكلمني تقولي ابوي يحبني وايد واسمعه يقولها قولي لها ابوي يحبني ! عجبي وانا قلت لك اكرهها يعني !!
الحين عقب لين تزوج طبعا بعد هالمعاملة طلبت الطلاق لاني مافرحت بنفسي ولا ولدي معاه وكل شهر يرسل حوالة لولده لكن والله صار خمس شهور يمكن ماسأل الا مرة وحدة عن ولده !!! مايدري عنه حتى يحتاج عملية ماسألنا بتسون له ولا يقول شلون صحته !! شايفين مثل هالابو ؟؟ حتى مايقول ارسلوا لي صورته او ارسلوا فيديو
طبعا انا عرفت انه متزوج من ملج وقالوا له الناس افسخ مرتك وولدك اولى انت شلك بهالزواج ومارضى وعاند واصر يتزوج !! ولا اختارني ولا ولده !!
والله ان ولدي يكسر خاطري كل ماشفته والله مثل القمر ولدي ماشاء الله ولا يسأل عنه ابوه ومحاربه وحاقد عليه بس لأنه ولد وعنده بنت قبله !! حتى قبل لااطلب الطلاق اذا اخذ الولد يشوفه صديق له مثلا اسأله شقالوا عنه حلو ؟ ابي افرح يعني شعور ام يقولي الرجال مايهمهم الشكل اهم شي مخافة الله وبر الوالدين !! قلت له طفل الناس من تشوفه تعلق على شكله وتصرفاته اما بر والدين سمعتوا طفل عمره 4 و 3 شهور يعلقون الناس على خوفه من الله !!!
بس انا اللي مستغربة منه شنو معنى مايسأل عن ولده ولا يقول شلونه !! يعني قصده انه ولدج مايهمني !! بصراحة انا بعد هو مايهمني والله يجازيه لان هذا ظلم اللي يسويه فيني وفي ولدي
وآخر مرة احلى شي سمعته ان المرة الاولى هي اللي تتصل للثانية وتهاوشها اما انا زوجته ذي الثانية متصلة لي وتسالني انتي تبينه ؟ وليش للحين ماطلقج ويعني شكلها محترة بعد مو مكفيها ماخذته من مرته وولده لا بعد تبيه يطلقني ...
انا الحين كتبت هالموضوع مجرد فضفضة وهذا اللي كتبته فيض من غيض من اللي سواه فيني .. لكن صج اتضايق بعض الاحيان لكن اللي يصبرني ان ربي برحمته يعوضني خير لان املي بالله والله المستعان وعليه التكلان
بداية تعريف بمشكلتي انا طالبة الطلاق والسبب هو ان زوجي تزوج واحنا ماصار لنا سنة ونص .. عاملني معاملة زفت وبدون سبب بس لانه خاطب قبلي وحدة ( ولاتظنون عن حب لا خطبة عادية ومو شايفها واكبر مني ب 11 سنة بنفس عمره هي وانا احلى منها بعد بفضل الله ) وهي رفضت وعقب لين تزوجنا تحسفت عليه هي واهلها وردوا قالوا له اخذها بتشجيع من اخته وولد عمه ( لان تصير هالمرة اخت مرته ) زوجي الحين تزوجها .. هو مطلق وعنده بنت طول ما انا حامل كله يردد مستحيل يجيني طفل واحبه مثل بنتي وكله يسمعني حجي لان دريت بالسونار اني حامل بولد صار انتقام مو ولد كله يقولي شنو بنت وولد ولد يشرب خمر وبنت تبني مساجد حسبنا الله ونعم الوكيل بنته طبعا مع امها وانا كل ماتجي لنا اعاملها احسن معاملة وربي حتى تجي تقولي امي تكرهج اقولها انا احب امج عشان اكسب البنت آخرتها مو مراعي تقديري له ولبنته ..!!
من ولدت ولدي عند اهلي لاني رحت لاهلي مو بنفس البلد قام اتصل لي وخلا بنته تكلمني تقولي ابوي يحبني وايد واسمعه يقولها قولي لها ابوي يحبني ! عجبي وانا قلت لك اكرهها يعني !!
الحين عقب لين تزوج طبعا بعد هالمعاملة طلبت الطلاق لاني مافرحت بنفسي ولا ولدي معاه وكل شهر يرسل حوالة لولده لكن والله صار خمس شهور يمكن ماسأل الا مرة وحدة عن ولده !!! مايدري عنه حتى يحتاج عملية ماسألنا بتسون له ولا يقول شلون صحته !! شايفين مثل هالابو ؟؟ حتى مايقول ارسلوا لي صورته او ارسلوا فيديو
طبعا انا عرفت انه متزوج من ملج وقالوا له الناس افسخ مرتك وولدك اولى انت شلك بهالزواج ومارضى وعاند واصر يتزوج !! ولا اختارني ولا ولده !!
والله ان ولدي يكسر خاطري كل ماشفته والله مثل القمر ولدي ماشاء الله ولا يسأل عنه ابوه ومحاربه وحاقد عليه بس لأنه ولد وعنده بنت قبله !! حتى قبل لااطلب الطلاق اذا اخذ الولد يشوفه صديق له مثلا اسأله شقالوا عنه حلو ؟ ابي افرح يعني شعور ام يقولي الرجال مايهمهم الشكل اهم شي مخافة الله وبر الوالدين !! قلت له طفل الناس من تشوفه تعلق على شكله وتصرفاته اما بر والدين سمعتوا طفل عمره 4 و 3 شهور يعلقون الناس على خوفه من الله !!!
بس انا اللي مستغربة منه شنو معنى مايسأل عن ولده ولا يقول شلونه !! يعني قصده انه ولدج مايهمني !! بصراحة انا بعد هو مايهمني والله يجازيه لان هذا ظلم اللي يسويه فيني وفي ولدي
وآخر مرة احلى شي سمعته ان المرة الاولى هي اللي تتصل للثانية وتهاوشها اما انا زوجته ذي الثانية متصلة لي وتسالني انتي تبينه ؟ وليش للحين ماطلقج ويعني شكلها محترة بعد مو مكفيها ماخذته من مرته وولده لا بعد تبيه يطلقني ...
انا الحين كتبت هالموضوع مجرد فضفضة وهذا اللي كتبته فيض من غيض من اللي سواه فيني .. لكن صج اتضايق بعض الاحيان لكن اللي يصبرني ان ربي برحمته يعوضني خير لان املي بالله والله المستعان وعليه التكلان
