شنو لبستي

[Dalol-7]

السلام عليكم بنات
عندي سؤال اذا في ناس بيوون يشوفون لازم اكشخ حيل ولا عادي ؟؟
لان اهو بس شوف لما الحين ماصار شي حبيت آخذ رايكم لان ان شاء الله في ناس بيون يشوفوني ونا محتاره باللبس ف بليز عطوني اقتراحاتكم
وشكرا

 

[Dalol-7]

اب
اب

 

[3boor-q8]

اي يااقلبي اكيد تكشخين حيل بس مو تحطين مكياج اوفر ميكياج ناعم
وتكشخين حيل
واذا اهو بيجي ويشوفج النظره الشرعيه اذا انتي محجبه وتلبسين عبايتج لبسي عبايه لاتلبسين بدله مو تلبسين بدله خليج بعباايتج والله صج الرجاال لا شاف المره بعبايتهاا يحترمهاا حيل وتكبر بعينه

من تجربتي

 

[Dalol-7]

اي انا متحجبة بس ما البس عبات
واهو بس بيي يشوفني اذا غجبته بتصير قعدة ثانية و يصير القرار قراري

 

[نواتل]

كشخي لان النظرة الاولي اهي اللي تحدد مصيرج اذا عجبتيه بيتم كل شي

الله يتمم لكم بالخير يارب

 

[بنوته ستايل]

اكشخي بس نصيحتي لاتحطين مكياج اوفر..خلج ع طبيعتج اكثر شي مكياج ناعم مايغير الملامح..وكريم نفس بشرتج لاتحطين ابيض حيل ولا برونز
ونفنوف ناعم ع حسب شنو حلو عيج قصير ولا طويل..بس اذا الرجال معاهم اضم صوتي لصوت عبوره البسي عبايه ذربه وناعمه..
اممممممم وبس هذا كل شي
وارد اقول اياني واياج تحطين اوووووفر ولله ماراح يطلع شكلج اوك حتئ لو حلو عليج المكياج الاوفر لان بيقولون شفيها جنها ماصدقت ع الله جت من اقصاها..
خلج نعوووومه قد ماتقدرين..ولبسج بعد ناعم حييييييل..


والله يوفقج ويكتب لج كل خير ياقلبي..

 

[DaShTeYa_Q8]

كشخي اذا كانو الحريم بروحهم لبسي شوي ضيج وشي يبين ريلج من تحت
لان لازم يشوفون جسمج شلون صاير و هم يبي يشوفون بشرتج وبياضج وشعرج عشان يقولون له نفس الي تبيها او لا

واذا أهو يبي إيي لبسي اللبس الي تلبسينه لمن تطلعين مع زياادة كشخة

لا تلبسين عباية شكووو ؟؟

اذا انتي ماتطلعين بعباية وماتبينه يلبسج ياها لا تلبسين
وقوليله هذا لبسي الطبيعي لمن اطلع
عشان باجر لا يتحكم فيج ويقولج بالشوفه لبستي عباية وماقلتيلي شي

 

[اميرة في اخلاقي]

حبيبتي اي وحده بتخطب لولدها اهم شي تكون نااااااااعمه يعني خلج بسيطه مكياج طبيعي لاتحطين شدو اوفر لا حطي بيج اوبني ناعم مع سحبه خفيفه ولبسج ناعم احلى
والله يوفقج ان شا الله وبشرينا ان صار شي

 

[Q 8 Y A t]

الله يوفقج

البنات وفووا وكفووااا

 

[*المــــلكة*]

حبيبتي حطي مكياج ناعم حيل حيل عشان يشوفون جمالج الطبيعي
ولبسي نفنوف ناعم بس لو بيشوفج الريال لبس بدله حلوة مو عباااايه لا اكيد يبي يشوف جسمج ضعيفه متينه بالله شلون بيشوف جسمج بالعبايه !!​

 

[3boor-q8]

اهاا متلبسين عبايه عيل لبسي شي بسيط ناعم بس اهتمي عدل عدل بشكلج ولاترتبكين واذا تكلم معاج لاتردين بسرعه ردي بسلوب حلو وذكي وسووي نفسج بريئه تصنعي عادي وخليج خجووله
ومو اي شي تردين عليه وتكلمينه عادي خليج شوي ثقيله ولاطولين بالقعده اطلعي بسرعه

 

[Janna-q8]

انا عن نفسي كنت اكشخ بطريقه ناعمه يعني مو اوفر عشان لا اصير جني مو مصدقه

 

[Dalol-7]

اي اهو راح ايي مع الوالدة اول شي راح تدخل الام بروحها اسلم عليها و تشوفني بدون حجاب بعدين لما يبي يدخل اروح البس حجابي و ادش اسلم و اقعد ف راح البس طويل بس اول شي بدون حجاب و بعدين لما بيدخل اروح البس حجابي
و مشكورين كل الي ردو شكلي بلبس عادي مثل ما اطلع بس على اكشخ شوي وو مكياج عادي فاونديشن نفس لون بشرتي و بلشر و حمرة بيبي بينك و مسكرة و اي لاينر وبس شرايكم

 

[al39laa]

لووووووووول خل اقولج

ام خطيبي استانست لمن شافتني لاني مو مكثره مكياج وهالتخربط وبالصراحه لمن دش الصبي كنت بلبس عبايه بس رفيجتي حنجت علي وخذيت منها بدله وسيعه يعني البنطرون الوسيع

عاد واحنا قاعدين جان تتكلم عن وحده خطبتها حق ولدها الكبيره مكثره ميك اب وعدسات ويايه بعبايه والصبي توهق فيها عباله ضعيفه وطلعت كرش وفخوذ

اهوا الستر زين بس مو تخشين كل شي وبعدين ينصدم الصبي وطلاق على طول

الزبده من هالقرقه لاتلبسين ضيج ولا عبايه لبسي اللبس اللي تطلعين فيه بس على رزه والميك اب لا تكثرين ولا تلبسين عدسات بعد حلات البنت بنعومتها


وسوري عالقرقه

 

[يآلبهـ قلبي]

ايــــووووووآا مثل ماقلتـــي ,,


وتوكلي على اللــه واللــه يتمم لـج على خير يـآرب

 

[Dalol-7]

حبايبي بنات مشكورين
خلاص انا طلعتلي بدله بحيث يبين شكل جسمي الطبيعي يعني ما تمتني ولا تضعفني و ناعمة لاهي خبة ولاهي سبورت شي سمبل وحلو مع كعب وميك اب خفيف ماراح اغير ملامحي لان اصلا ما تلوق لي الخبة
وبس

 

[hanan green]

أنا لما يو شافوني ما يا ريلي معاهم فكنت لابسه نفنوف لي تحت الركبه وفاله شعري وميكب سمبل ما يبين

بس دام بيكون موجود لبسي نفنوف طويل ستايل طلعه مع تونز وهالسوالف بس مو كاجوال وبعد فلي شعرج اذا بيشوفج لبسي شيلتج بطريقتج العاديه وشي عادي مال كل يوم عشان مايقولج انا أبي شي ثاني والله يوفقج

 

[نـــــــــــونه]

كشخي بس بنعوومه عاارفه شلوون​

 

[انسانه بلا حدود]

الله يوفقك

 

[قلبهـ 86]

مووووووووفقه