شنو لابره التفجيريه؟ ووابي اعرف

[q23ew1]

شنو لابره التفجيريه؟ وووشنو تسوي الان اخذتها

 

[أمونة الحلوة]

انا اللي اعرفه ان الابره التفجيريه تهيا البويضه الحين انها تستقبل الحيوان المنوي للتلقيح
وان شاء الله البنات يفيدونج اكثر

ربي يرزقج بالذريه الصالحه يارب

 

[q23ew1]

مشكوره حبيبتي ووواتمنى احد يوضحلي اكثر

 

[الفنانه79]

حبيبتي

الابرة التفجيريه ياخذونها بعد ماتوصل البويضه الحجم المناسب للتلقيح
يعني اذا اوصلت البويضه لحجم 18 تقريبا فما فوق

يعطونج الابره التفجيريه (لانها تقوم بتمزيق وتفجير الغشاء المحيط بالبويضه وذلك لتساعد الحيوان المنوي لاختراق البويضه بشكل اسرع واسهل )

هذي وضيفة الابره التفجيريه واتمنى اكون وضحتلج السؤال ​

 

[كويتيه مذهله 87]

مثل ماقالوا البنات


بس اي يوم من الدوره جنه 12 او 13 يوم من الدروه

انشالله البنات يفيدونه

 

[q23ew1]

13 من الدوره بس انا اخذتها

 

[كويتيه مذهله 87]

:dddds:

13 من الدوره بس انا اخذتها

انا دكتورتي الي بمصر قالتلي خذيها 12 يوم من الدوره

ودكتورتي الي بالكويت ريم صافي اتذكر شهر 4 السنه الي طافت عطتني الابره بيوم 18 من الدوره

:cxxxp: احترت
لان الحين عندي ابره التفجيريه واليوم لي 9 يوم من الدوره فما ادري متى اخذها
لان دكتورتي بمصر وصفتلي العلاج والابر وانا اطقهم هنييييه وتوهقت بوقت ابره التفجيريه ومالي خلق اروح الطبيب ياخذولي سونار علشان يحددولي شكلي ما ابي اخذها

 

[TeAcHeR_BeZaRiN]

اهي ما لها يوم محدد المهم لما اتسوي لج سونار اتشوف اشكثر صار حجم البويضة وعلى هالاساس تعطيج الابرة

يعني اذا انتي باليوم ال13 حجمها كانت 16 مثلا ما راح تعطيج الابرة راح اتقولج تعالي عقب يومين مثلا واتقيسها مرة ثانية وتعطيج اابرة

لازم يكون حجمها من 20 لي 18

 

[q23ew1]

مشكورين حبايبي على المعلومات ووومروركم الحلو

 

[لمة طفل]

حبيبتي الابر تاخذينها بأي يوم تحدده لج الدكتوره على حسب كبر حجم البويضه