شنو كانت ردة فعلج..لما دريتي ان ريلج عدد الحيوانات المنوية عندة صفرررررر؟؟؟

[الدااانه]

السلام عليكم ورحمة الله وبركاتة..

اللهم لك الحمد حتى ترضى..
ولك الحمد اذا رضيت..
ولك الحمد بعد الرضا..
لك الحمد على كل حال..

انا خل اقولكم قصتي..انا لما صار لي سنتين من تزوجت رحت انا وريلي المانيا ولا كان هدفنا الفحص لاني كنت حاطة ابالي انة العيب مني لان الوالدة الله يحفظها ودتني من قبل حق وحدة ولما اكشفت علي قالت الرحم مقلوب..
المهم..
رفيج ريلي كان حاجز حق مرتة موعد اهناك بس ماشاءالله مرته حملت قبل لا اتروح..
فقاله اشرايك اتروح تودي مرتك ويكون عندهم علاج..توكلنا على الله ورحت باسم مرتة لان الدكتور يبيلة جم شهر عشان يعطيج موعد..وصراحة كان وايد مريح

لما كشف علي قالي سليمة100%ولافيج شي ابدا وسوالي تحاليل وقالي خصوبتج عالية وااااااااايد
فرحنا وايد وقلنا الحمدلله

قال الدكتور حق ريلي انتة لازم تفحص..ردريلي علية قالة مافيني شي*مع انة ولا مرة فحص بحياتة*
المهم لزم علية ورضا

طرشنا على عيادة ثانية مالت الرياييل..وسوة التحليل

اهني صارت الصدمة

نادانا الدكتور..جان اقولة انتة ماعندك حيوانات منوية ابدا..انتة صفرررررررر
ريلي قام اطالعني من الصدمة وهم انا انصدمت حيييييييييل
هالسنتين وانا عبالي السبب مني لاني مقتنعة انة ريلي مافية شي
وقال اذا تبون الحمل نسويلك خزعة..بس من الخرعة والصدمة قلنا لا مانبي

تصدقون يابنات انة ولا دمعة انزلت مني ابدا اول ماسمعت الخبر
صج ريلي كا ضايق خلقة واااااااااايد بس كان يقول*انا لله وانا الية راجعون*
سبحان اللي الله ثبت قلوبنا ذاك اليوم..ورضينا بالقضاء والقدر
وطلعنا من العيادة رحنا ماكدونالد نتغدا عااااادي كل واحد منا مايبي اضيق خلق الثاني

مسكين ريلي حياتي راح كشف عند ناس وايد عقب مادرا وخذا عسل وهالسوالف..يعني قاعد يبذل الاسباب
وانشاءالله يتشافى

على فكرة..انا الحين صارلي 6سنين متزوجة

الحين..قوليلي شنو شعورج اول ماعرفتي انة ريلج جذي؟؟

 

[أم أفنان]

أخـــتـــي الــــفـــاضـــله الـــــدااانـــــه الأمـــــور عـــــاديـــه وأبــــشــــرج أنـــا زوجـــي نـــفـــس مــشـــكــلت زوجج

بــــس نـــــصـــيحه لا تــــسون عـــمـــلية الـــخــزعه بالابره تــــرا أظلمت نـــاس وااااااااجد مــــثل زوجى

الـــطــــريقه الافــضل يـــفــتـــح الـــخــصيه ويدور عن الحيونات المنويه

واذا حصلو حيونات منويه داخل الخصيه ابشرج انشاءالله الله يرزقج بالذريه الصالحه

واذا بغيتى اى خدمه من عيونى

 

[رماديه]

عسى الله يرزقكم ويرزق الجميييع الذرية الصالحه صفر والا سليم 100% كله نفس الشي لأن وايد ناس سليمين 100% وما يحدث عندهم حمل ولا يدرون شالسبب. وفي ناس وايد تحاليلهم صفرو الله رزقهم بالذرية الصالحه مع العلاج اهي كلها مسألة ارزاق من الله سبحانه.

واذا قالو صفر مو معناته شي مستحيل لأن الطب تطور ومافي شي مستحيل على الله و سبحانه ما أوجد داء الا اوجد له دواء.

 

[الدااانه]

خواتي..
ام افنان ورمادية
مشكورين وايد وماقصرتو على النصايح
الحمدلله..املنا بربنا كبيييييييييير

 

[الدااانه]

ام افنان..
شلون الخزعة اظلمت زوجج؟؟؟

 

[أم أفنان]

هـــلا بأ خـــتـــي الـــعـــزيــزه الـــــدااانــــه بالـــنــســبه الـــخــــزعـــه الـــدكـــتــــور يـــدخـــل الأبــره داخـــل

الـــخـــصــيه ويـــا خــــذ عــيــنــه عــــشــوائــيه مـــن داخـــل الـــخــصيه يـــعـــنــى مــا يــتـــم تـــفـــتيش بالخصيه

هـــذا الــلى صـــار حـــق زوجــي وطــلعت الـــنـــتيجه صـــفــر عــــقيم طـــبعا الكلام هـــذا فـــى ســنة 1996

ثـــم ذهـــبــنـــا الــى السعوديه عـــنــد دكـــتـــور وســوينــا طـفــال الانــابـيـب وزوجــى خــايــف وانــا بــعد كنــت خـايــفـه
ويوم سوه العمليه فتح الخصيه وتم تفتيش على الحيونات المنويه الحمدالله طلعت فى حيونات منويه داخل الخصيه ممتازه

وزوجى استغرب من الطريقه اللى سوها الدكتور بالكويت وقلنا الدكتور قال الطريقه اللى سوها الدكور اظلمت ناس واااجد

طبعا فشلت العمليه ورحنا على نفقة وزارة الداخليه بالكويت الى لندن والحمدالله الله رزقنا فى بنت الله يحفظها

 

[عسووله]

انا اول ما دريت صج انصدمت وبجيت وااايد بس بعدين قلت الحمدالله وعلينا انه نسعى وكل تاخيره فيها خيره وربي يفرجها علينا اميييين يارب العالمين ويرزق كل محرومه

 

[ماي الورد]

انا بعد سنة ونص من زواجي رحت سويت فحوصات قالوا لي سليمة ولا فيج شي خلي زوجج يحلل لمن راح يحلل وطلعت النتيجة كنت عند وحدة من رفيجاتي والادة دق علي يقول لي مافي حيوانات منوية انصدمت وتغيرت ملامحي جدام الناس والكل يقول لي ها مافي شي بالطريق تراج طولتي المهم دقيت عليه وجاني على طول وقعد جنبي يقول لي تدرين اني احبج لكن ما ارضى عليج تكملين مشوارج معاي ما ابي اظلمج ودموع عيونه تخر قلت له كنت متوقعة النتيجة من وانا صغيرة توقعت انه ما يكون لي عيال بالدنيا صدقني ماني مصدومة ومن هنا ابتدت رحلة العلااااااج وياهو هالامشوار طويل الله يعين من يخوض فية والله وكاني اليوم 3 سنوات ونص زواج وانا بدون ذرية صالحة

مشكورة حبيبتي على الموضوع والله يرزق الجميع

 

[الدااانه]

الغالية(ام افنان)انا ريلي عقب مارجعنا بفترة راح حق دكتور هم بالسعودية وفتح الخصية ودور ابعشر مواضع فيها, بس ما لقى شي..

عسولة حبيبتي..وشكلج صج انتي عسولة..الله يرزقنا كلنا وياج..آمييييييييييييين

اختي الحبيبة(ماي ورد)
احنا في ابتلاء عظيم..عسى الله اثبتنا
واذا الله مارزقنا بالدنيا..ربي بعوضنا على صبرنا بشي عمرنا ما تصوررنا بالآخرة..

اللة سبحانة كريم..يمهل ولا يهمل:tek:

 

[^noonaa^]

الله يرزقنا بالذريه الصالحه ان شاءالله

ولا تفقدون الامل الله كريم

 

[Swan]

الله يرزقكم بالذرية الصالحه بالقريب العاجل
شوفوا قصه Coffee-Girl
http://www.q8yat.net/showthread.php?t=293913
وخلوا في قلبكم الامل

"تفائلوا بالخير تجدوه"

 

[كويتيه مذهله 87]

لا تفقدون الامل بنات

ربي يكتبلكم الحمل قريب يااارب

 

[الدااانه]

مشكورين..على المرور
بس احنا الحمدللة املنا بربنا كبيييييييير
بس الواحد احب افضفض عن اللي فية خصوصا مع الناس الي نفس حالتة
ونستفيد من تجارب بعض

 

[ودي بطفل احضنه]

انا من دريت عن الخبر

طبعا انصدمت بس تظاهرت جدامه ان هالشي عادي وان شاءالله الله بيرزقنا

بس من داخلي ودي اصرخ

 

[الدااانه]

ام الغلا..
عسى الله يرزقنا جميعا عاجلا غير آجل
وشكرا على المرور

 

[fdeetni]

يارب ارزق كل محروم بالذريه الصالحه

 

[عسووله]

امييييييييين يارب العالمييييييييين

 

[خلوودة]

يعطيكم العافية خواتي وعسى الله يرزقني ويرزق كل محرومة انا صارلي 10 اشهر متزوجة وليمالحين ماحملت سويت كل تحاليل وسونار داخلي وكل شي والحمدلله مافيني شي بس الحين بقى على ريلي انه يسوي تحليل كل مرة يقول انشالله بسوي ويتعذر انه مشغول بس بعدين عرفت انه يحاتي وخايف يكون فيه شي وقعدت معاه قالي انا اذا طلع فيني شي انتحر قلتله ليش ايمانك بالله مو قوي ومن هالحجي وكل مرة يقولي ليش تزوجتيني وليش وافقتي علي ومن هالحجي ساعدوني بنات شسوي كل مرة يحاول يكرهني فيه بس انا احبه وقتله اني ماراح اتركك لو شيصير

 

[((الماسه))]

انا دريت ابزوجي قبل الزواج واهو صارحني بالهشي ووافقت عليه لانه كل شي بيد الله اذا كاتبلي اييب عيال او لا وما تحسفت على هالشي ولو ينعاد فيني الزمن الف مره هم راح اخذ زوجي وحبيبي صج بخاطري عيال واموت فيهم بس انا عندي يقين انه كل شي بيد الله ويمكن لو اتزوجت واحد سليم يمكن هم ما احمل واعرف ناس الزوج والزوجه مافيهم شي بس ماحملو وحاولو يعالجون وحقن مجهري وهم ماكوفايده بس انشاءالله يرزقنا ويرزق كل عقيم يارب

 

[الست اصيله]

الله يرزق كل محرومه ياااااااااااااااارب