شنو قاعد يصير؟؟ وااااااااااايد خايفة

[miss_whitemocha]

السلام عليكم..بنات ساعدوني والله وااااايد أحاتي..
انا توني بالشهر الخامس..وصارلي 3 أيام أحس إنه فيه شي ينزل مني..يعني أحس عزكم الله كأني قاعدة أبول..بس ماكو شي على ملابسي الداخلية..وحتى لما أروح الحمام تكرمون و أتبول أحس إني بعد محصورة بس ماكو شي ينزل..بس اللي مخرعني إني أحس بإحساس البول لما ينزل..
بنات انا وايد خايفة يكون هذا ماي الجنين قاعد ينزل و انا مو عارفة..أو يمكن يكون سلس بول اللي يصير أثناء الحمل بس المشكلة ماكو شي قاعد ينزل..لا بول عزكم الله ولا إفرازات ولا ماي..
تكفون طمنوني ترى بجرية و غشيمة..​

 

[Princess^Mom]

روحي حق الطبيب خاليشوفج انا بحمالي كان ينزل مني ماي قليل وعبالي افرازات عاديه ولين وصلت التاسع كان ماي البيبي قليل بس الحمدلله ماصار شي انتي روحي كشفي وارتاحي

 

[زين ودلال]

اذا تحسين انج محصوره وتروحين وماكو شي ينزل هذا جنه التهاااب

سوي تحليل افضل

 

[muslima88]

ما اظن انو التهاب، بما انو ما ذكرتي حرقة ولا حكة...

اظن والله اعلم انو البيبي لما يتحرك يضغط على المثانة، فتحسين كانو بدك تروحي للحمام اعزك الله.

بس مشان تقطعي الشك باليقين، اتصلي على الدكتورة. و الله ييسر حملك يا الغالية​

 

[miss_whitemocha]

جزاكم الله خير حبيباتي..بس انا ما أحس بحرقة ولا حكة..ومثل ما قلت مافيه افرازات ولا حتى ماي ينزل..
ممكن يكون الرحم يضغط عالمثانة و يسبب هالإحساس؟؟؟
عندي موعد مع الدكتورة بعد 4 أيام..ما أدري أنطر الموعد ولا أروح بكرة!!​

 

[Eng.Kokoro]

روحي بأجر اذا مستعيله وتبين تتطمنين
وان شاءالله مافيج الا العافيه

 

[shak!shoka]

لا تخافين عادي و راح يزيد هالشعور بالسادس و السابع اووف سأليني
لدرجة والله اخاف اقعد ع العربي تكرمين ! استخدم الافرنجي وخايفه مابي اضغط احس شي ثقيل يضغط تحت يماااا شعور يخرع
بس بالخامس فعلا اطلع من الحمام عزج الله واحس اكو بعد ما ارتحت !


لا تحاتين و ماي البيبي يكون اكثر و تحسين برطوبه قويه و تشوفين اثر ب ملابسج

 

[miss_whitemocha]

لا تخافين عادي و راح يزيد هالشعور بالسادس و السابع اووف سأليني
لدرجة والله اخاف اقعد ع العربي تكرمين ! استخدم الافرنجي وخايفه مابي اضغط احس شي ثقيل يضغط تحت يماااا شعور يخرع
بس بالخامس فعلا اطلع من الحمام عزج الله واحس اكو بعد ما ارتحت !


لا تحاتين و ماي البيبي يكون اكثر و تحسين برطوبه قويه و تشوفين اثر ب ملابسج

لا الحمدلله ماكو ماي ولا رطوبة ولاشي..يارب يكون ماكو شي..ويطلع هذا من ضغط الرحم عالمثانة..باجر أروح الدكتورة و إنشالله خير..​

 

[beauty rose]

هذا من الثقل عادي لان البيبي يضغط عالمثانه

 

[نـعـومـه]

طمنينا عنج وقوليلنا دكتوره شنو قالت عشان نستفيد بعد

 

[tbola]

حبيبتي ان شاء الله مافيج الا العافيا اذا خايفه روحي عند دكتوره بس مابقا شي على موعدج

 

[ام الحلوااات]

عـــــاااادي مــــن ثـــقــــلــــج لا تـــحــــاتـــيــــن​

 

[Angel-Lady]

اذا اتحسين انج محصوره و ما يطلع شي معاج بعدين هذا التهاب.. روحي تاكدي من الدكتوره و دايما شربي ماي واايد

 

[hanadi-77]

ان شاء الله ماكو الا الخير لاتحاتين بس لازم تراجعين الدكتور اما بالنسبه لاحساس بالتبول اعزكم الله هالشي ازيد بالسادس وباقي الاشهر لحد ماتولدين عادي احيانا الحامل لما تضحك تتبول عادي واحيانا لما تكون محصوره ماتلحق توصل للحمام هالشي مضحك ولو اصير عند ناس اكون جدا محرج وعد حركة البيبي تسبب احساس التبول عادي

 

[Loloki]

ان شاءالله ماكو شي بس اول شي حبيبتي كثري من شرب ماااي

وكل ساعتين تشطفي وغيري اندر وير انا كان يصير فيني جذي ان تكونين ٢٤ ساعه حصرانه ولما تروحين ماكوشي او

لما تضفطين ينرل شي خفيف مثل ما قتلج او يمكن دكتوره تعطيج تحاميل وغسول كونددكس. ولا انتي روحي اشتري الغسول

اسمه كونديدكس وجربي واذا مانع روحي

موفقه حبيبتي

 

["*آآآنؤؤؤقهـ*"]

الله يهون عليج

جيكي وطمنينااا

 

[" ام حمود "]

انا اشوف هالشيء عادي لانه ثقل الياهل يضغط وتحسين انه ودج تروحين الحمام
لا تحاتين ماكو شيء مدام مافيج حكه ولا شيء الحمدالله ..
اذا تحاتين وايد روحي عند دكتوره تطمنج اكثر ، الله يسهل عليج يارررب

 

[live life]

اب اب