شنو فحوصات أولية للحمل بعد تحليل دم ؟

[أميرة 22]

السلام عليكم

حبيت اسال انا توه تاخرت دورة اسبوع
شريت جهاز تحليل منزلي وطلع خطين .. يمكن حمل الله اعلم

الحمدلله ماحاشني الام وعوار ولاشى
بس عوار خفيف قبل موعد دورة باسبوع وخف !

المهم رحت مستوصف حكومي تابعه له
حق امراض نساء والولادة

سويت تحليل دم وبكرا تطلع نتيجه .. من المختبر !

حابه اعرف شنو اسوي بعد ما اعرف نتيجة اذا حمل ..؟

يعني اخذ ورقة تحليل وادخل على دكتورة
وشنو راح تسوي لي من فحوصات مثل شنو ...؟
حابه اعرف فحوصات اولية للحمل شنو هي بالحكومي ؟

ومتى اروح اراجع للخاص ...؟
حق سونار ومتى اسمع نبص بيبي ...؟

اي صح اذا بعرف متى بدأ حمل معاي شلون اعرف
بخاص او حكومة ..؟

اتمنى تساعدوني انا بجر ..

والحمدلله مافيني اعراص وقريت
انه ممكن في حمل بدون اعراص بدايه الاشهر والله اعلم

 

[M!SS.LOBY]

الله يرزقج بالحمل

 

[M!Ss Smart]

اذا اول حمل لج فتحي ملف عند مستوصفكم او اذا حابه عند عياده خاصه المهم تراجعين اول بأول وارتاحي ولاتجهدين نفسج والف مبروك والله يتمم عليج وتفرحين فيه يارب

 

[أميرة 22]

شكرا عالردود ..

اتمنى للي تعرف ترد على أسئلتي ..

 

[قنــــــــــوت]

في عيادات الحكومة ... تحليل الحمل بالمستوصف ما ياخذ نص ساعه .... اللي هو تحليل البول عزج الله .... وعلى طول يبين فيه اذا في حمل او لا ...

عموما .... اذا طلع تحليلج ايجابي وثبت الحمل ...

تفتحين ملف مراجعة دورية .... يطلبون بطاقتج وبطاقة ريلج وعقد الزواج ..

وبيسوون لج فحوصات وتحاليل شامله ... هذي تطول جم يوم ...

علشان اذا معاج انيميا لا سمح الله او مشكله ثانيه يعالجونها ...

ويتطمنون عالحمل ...


على نص الشهر الثاني او نهايته .... يبين نبض الجنين بسونار النبض ...



عسى الله يرزقج بالذريه الصالحة ويتمم عليج ان شالله ...

 

[عسل حدي]

انصحج اول ٣ شهور تابعي بالمستوصف ولما تدشين الرابع روحي خاص

 

[ام الحلوااات]

مـــبـــرووووك اللـــه يــثــبـــت حــمـــلـــج ويـــتــمــم عــلــيــج

 

[أميرة 22]

قنوت
عسل حدي
أم الحلوات

شكرا عالردود ومساعدة


الحمدلله .. طلعت نتيجتي وانا حامل بإذن الله ..

بسوي فحوصاتي اولية بحكومة .. مستوصف زين ونظيف
وبكمل نصها بالخاص .. حق سونار وغيره ..

------------------

حابه اعرف مثل شنو فحوصات اولى شاملة
ابي اعرف شنو ...؟. بالضبط ؟
وتطول يعني اجي من صبح مبجر. .. ؟
اطلع من دوامي او اغيب ..؟


اتمنى تساعدوني ..

 

[قـــمـــرهم]

انا اول ماعرفت اني حامل

اسبوعين تقريبا او اكثر ما اذكر والله جم بالضبط !!

رحت لمستشفى خاص ودكتورتي عطتني ورقه بالتحاليل المطلوبه

بس نصييييحه سوي التحاليل بالمستوصف لانها بالخاص غاليه

ما اذكر جم بس فوق ال٥٠ دك جنه ويمكن بال ٦٠

التحاليل المطلوبه فوق ال٤ .. مشكلتي ما احفظ انسى بسرعه

في تحاليل موجوده بالمستوصف سويها وفي جم واحد يمكن اثنين

انا سويتها بالخاص لانها مو موجوده بالمستوصف ..

ومن الحييييييين اكلي حبوب فوليك اسيد حتا بدون ماتستشيرين الدكتوره

هالحبوب لازم لازم تاخذينها اول ثلاث شهور عشان ماتصير تشوهات بالجنين

وتساعد ع نمو البيبي وعظامه ..

وشنووو بعددد

امممممم

وبس اذا طلعوا النتايج اخذيها وروحي لدكتورتج سواء خاص او حكومه

واهي تشوف النتايج وتعطيج ع حسب حاجتج الفيتامينات المطلوبه ..



وفي شغله مهمممممممه

يمكن دكتورتج تغفل عنها

لازم لازم بالاسبوع ال١٣ من الحمل دكتورتج اتجيك ع طوول عنق الرحم

اذا طلع قصير لازم ربط

لانه انا تعرضت لهالموقف طلع عندي قصر بعنق الرحم وصارلي اجهاض

وسوووووووري قرقت عليك @@

بس حبيت افيدج من خبرتي

والله يثب حملج وتولدين بالسلامه يارب

 

[أميرة 22]

قمرهم

يعطيج عافيه عالرد استفدت منج

 

[<<الأميره>>]

اول مراجعه بالمستوصف تروحين صايمه 10 ساعات ويسوون لج تحليل سكر
وتفطرين وتعيدين التحليل بعد ساعتين
ويسوون لج تحاليل عندهم او يحولج عالمستشفى تسوينها
وبنص حملج يعطونج تطعيم
وبس هذا اللي اذكره

 

[أميرة 22]

الاميرة

شكرا عالرد ..

بانتطار باقي للي تعرف تفاصيل فحوصات
شنو هي ..؟

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[أميرة 22]

سويت موعد للحكومة وقالت بعد شهرين
فتح ملف وفحوصات !!!!!!

يعني اكمل شهرين وبس اكل حبوب فوليك اسيد

عادي جذي ?؟ !!!!!!!

وانا بروح خاص حق اسمع نبض بيبي
وبسالها متى بدأ حملي
وبقول لها شنو فحوضات اساسية عشان بسويها
بحكومة !

 

[Galb.sh]

اخذي بس فوليك اسيد لان توج وتسوين تحليل ل فقر الدم
والنبض اذا خاص يسمعونج بال٣ اما مستوصف ٤
انا بس بالاخير راجعت بخاص وولدت بخاص
والحمل ع حسب اخر دوره يتلج اضبط لان بالسونار ممكن يكون حجم البييي امتن ف يعطي عمر اكبر او حجمه اصغر ف يعطي عمر اصغر
والتحاليل انا سويت مال الالتهاب وسويت فقر الدم و الزلال والسكر

 

[امـ خــزامـى]

مبروووك حبيبتي

عسى ربي يثبته ويسر خاطرك بشوفته كامل

والبنات ماقصروا