شنو عشاكم اليوم ؟

[Miss Cherry]

كل يوم احتار شنو اسوي عشا ملينا من الباستا المكرونه والسبقيتي واللزانيا والعيوش ماناكل بالليل .. ففكرت احط هالموضوع كل وحده تدخل تقولنا شنو سوو على العشا واذا تحط الطريقة يكون أفضل بعد

انا بعد عندي شغلااات شكثر ان شالله بضيفها .. بس بلييز بنات نبي تفاعل لو بدون صور

 

[dnyay_mll]

شوربة دياي بالكريمه والذره
سندويتشات برجر بالجبن
جوانح
وشبس مقلي
هذا عشانا اليوم

 

[MiSS B.K]

سندويشات برجرومرتديلا

 

[جارة القمر]

تفضلي طلبك::

http://www.q8yat.com/t395358.html


http://www.q8yat.com/t97576.html



http://www.q8yat.com/t557614.html



http://www.q8yat.com/t717725.html


http://www.q8yat.com/t9031.html

 

[تكييف]

عيش صيني كله خضره لذيذ وخفيف؟ او بطاط مسلوق وفوقه صوص يتكون من الروب والهرده والجبن لذيذ او او اممممممممم كنتاكي تسوينه مع الكاتشب لذيذ او او بسسسسسس

 

[مجنونة حبه]

والله حلات العشا خفييييف جدا ومبجر يكون علشان لا يثقل المعده
اجبان ولا بيض ولا روب ولا مهلبيه ولا سلطات وشوربه

 

[noo7a]

كلوب ساندويش تحطين فيه مرتديلا وبيض خس طمام مايونيز

صمون فرنسي تحشينه دياي مسحب على طريقتج او اي حشوه تحبينها

بيتزا تسوينها بالبيت

سلطه سيزر و عندج صوص السيزر ماركه mf عجيب

خبز بالثوم - توست تمسحين فيه زبده سايحه مع ثوم و ترشين فوقه موزاريلا و بعد ماتطلعينه من الفرن ترشين عليه زعتر

اممممم شنو بعد شنو بعد امممم

بيض نوعي مرات بيض طمام بيض عيون مخلوط اومليت

هذا الي يا ببالي الحين

 

[درة أهل الطولات]

مقالي

شبس ونجتس

 

[& شرطان الذهب &]

فاصوليا
وشوربه بروكلي

وسلطه خضرا
بس

 

[أحلى همبه كويتية]

كباب
بشاميل
نخي
والعصير
هذا عشانا امس كنت معزومة

 

[Miss Cherry]

عشانا امس :eh_s(22):

من عجينة العشر دقايق

وفتوش

واشكر كل البنات اللي شاركوا :eh_s(17): :eh_s(17):

 

[انا البطه البلديه]

اما عشانا احنا امس كان فول وحمسة مشروم مع بصل جوانح وفلفل بارد جواح وجزر جوانح (ماكان عندي جزر امس بس مشيتها ) عقب ماتحمسين الخضار حطي المشروم المعلب فوقها وحطي عليه مله وشويه بهارات مخلوطه وليمون اسود ناعم وعصير ليمون وقلبيها عاي النار تنشف واكليها بالعافيه لذلذه يطلع الطعم علي حامض
وممكن تسوين بريوش مع خلطه انا اسويها جوانح بصلوفوقها جوانح فلفل بارد لما يذبلون شوي حطي نقانق مقطع دوائر وحمسيه دقائق بس بعدين حطي مشروم مغبلات وزيتون اخضر شرايح اللي بالماي وزيتون شرايح اسود اللي بالماي وكثري شوي الزيتون وبعدين حطي مكعب ماجي معاهم ممكن تحطينه بالاول واخر شي حطي فوقها جبن موزريلا اللي ينحط علي البيتزا وحركيه لما يذوب عدل وحشي فيه البريوش والله لذيذه من اسويها ما يبقي منها شي ما شالله ومرات اسويها غلي الغدا اذا اليهال ما يبون عيوش
وعندج شاورما الدياي تسوينها بالبيت تهببل تسلقين الديايه وتنتفينها وتروحين بالقلاه تحطين زيت و ثوم كثري الثوم شوي وحمسيه ثواني بس وحطي فوقه بقدونس مفروم وبصل اخضر الطويل مفروم مع الجزء الاخضر وحمسيهم وبعدين ضيفي الدياي وفوقهم رشة قلقل اسود اذا حبيتيه حار كثري وملح وبعدين حطي فوقهم جبن كرافت اللي بالغلبه الزرقا قصصيه مربعات وحطي منه كميه راهيه انا غلي الديايه احط غلبه كبيره ووحده وسط وحمسيه مع الدياي لما يذوب ويتجانس مع الخلطه وهاتي خبز لبناني خفيف وفتحيها نصين يعني كل خبزه تصر اثنين ودهنيها بمايونيز مسحه متوسطه وخلطه وخيار مخلل مقطع شرايح رفيعه بالطول ولفيها واكلي بالعافيه

وبعد ان شالله اردلكم بافكار ان شالله ( خبركم ابلة اقتصادمنزلي وقاعده اقرق عليكم )ههههه

 

[انا البطه البلديه]

اسفه الموضوع صار عايم علي بغضه مع انه فيه كم وصفه سامحوني وتعالوا فججوا عاد ههههههه

 

[أم حسون]

حمسات
سلطات
شوربات
شغلات بالفرن
او نطلب من المطاعم
او نقلي ربيان او كبه شبس برجر فيليه دياي فيليه سمج

 

[aloooya]

ريش و بطاط و حمص و تبولة

 

[نجاة80]

احلى شي العشا ...
حمسة نقانق:
قصصي النقانق بشكل مايل .. حمسي بصل .. وثوم وفلفل بارد شرايح .. حطي النقانق ... عقب بشري طماطه وحطيها ... وحطي شوية معجون طماط ... فلفل اسود ... رشة ملح .. اوريغانو ..وبس

بيتزا الخبز :
حطي كل مقادير البيتزا بالخبزه الخفيفه وسكريها وحطيها بالشوايه ... وبس

حمسة تونه :
حمسي بصل ... ثوم ... كزبره فرش ... التونه ... شوية معجون ...رشة ملح

حلقات الباذنجان بالصلصه الحمره :
اقلي الباذنجان بدون قشره ... رشي عليه شوية خل وثوم مدقوق اذا تحبين
حطي بالخلاط 2 طماط لينين بدون ماتحطين ماي ... حمسي بصل شرايح ...وحطي عليه الطماط المفروم ورشي عليه فلفل اسود وملح وشوية معجون طماط خليه يصير صلصه يعني شوي ثقيل عقب حطي الباذنجان وعليكم بالعااافيه

ان شاء الله افكاري تعجبج واذا تبين زياده دزيلي عالخاص ومايصير خاطرج الا طيب

 

[ديانا سبنسر]

بشاميل

 

[مشغوله و محتاسه]

سلطة فتوش ..

فطاير