شنو طريقتج مع خداماتج

[ليمووونه]

حبيباتي حبيت اخذ من خبرتكم في اسلوبج مع خدمج.عندج بيت ويهااااااال وتشتغلين وعندج خدامتين. اشلون اسلوبج معاهم اقصد متى يقعدون ومتى ينامون ومتى اتخلينهم يقيلوووون ويبدلون وجذي الان انا الي عندي اذا خليتهم يقيلون اختبص مع اليهال وطلباتهم واحيان احد يجيني غفله. وهم بغرفتهم. لرجووووووو الافاااااده

 

[ام كوثر2007]

خدامتين يا ليمونه ويقيلون مع بعض ؟؟؟ صراحه اوووفر


انا بالنسبه لي قبل كانو عندي خدامتين حاليا وحده


واسلوبي اهو اهو ما تغير

ايام المدارس تقعد الساعه 6 الصبح وتنام تسع ونص

اكيد ما تكون تكرف طول اليوم لانه حزه العصاري يكون البيت مرتب واليهال توهم رادين من المدارس يذاكرون

يعني ما يكون عندها شي مافيها شي لا قعدت بالغرفه من غير ما تنام طبعا اللهم ترتاح من الوقفه والشغل لا اكثر

ويكفي انج تنومينها امبجر هذا اهم شي عشان ترتاح

اما سالفه الظهاري ونووم صراحه ما ايييدج فيها

 

[chatterbox]

بما ان عندج ثنتين قسمي الشغل بينهم واذا عيالج صغار اكيد ينامون امبجر فخلي نومتهم بعد نومة اليعال بساعة والعصر بس يريحون ماله داعي ينامون
انا عن نفسي عيالي صغار ولما كان عندي خدامة كنت اخليها تقعد الصبح الساعة ست وتجهز معاي الريوق وتساعدني بلبس اليهال حق المدرسة ولما نطلع كلنا من البيت اكون قافلة غرفتي بالمفتاح عشان ماتدخل وتقعد تنظف الصالة وغرفة اليهال والحمامات والمطبخ ومحددة لها ايام تدز فيهم الاثاث وتنظف تنظيف عميق, يعني مثلا يوم الاحد تنظف البيت كله عادي بس تركز على غرفة اليهال تدز الاثاث وتمسح الدرايش وتبدل الشراشف وتنفض الزولية يعني كل شي ويوم الاثنين الصالة تسوي فيها نفس الشي ولما نرجع ونتغدا وتغسل الصحون وكل شي تروح دارها ولا تدش عندنا الا الساعة اربع ونص عاد كيفها تبي تنام تبي تسوي اوتي تبي تغسل ملابس كيفها واكلها عندها وقتها انا اجابل اليهال وادرسهم او اخليهم يدرسون او اخذلي قيلولة بالصالة يمهم
ولما اتيي العصر لازم تكون امبدلة ملابسها بعد شغل الصبح ومغسلة وتقعد ترتب شوي وتغسل اي شي وصخ واذا برتب مخزني او كبت اليهال اخليها تساعدني وتجهز بعدين العشا وياكلون اليهال وبعد ساعة تقريبا ينامون عاد اهني انا اذا عندي مشوار اطلع واخليها تقعد بالصالة ولاتروح غرفتها الا لما ارجع وما اطول عليها لاني ادري انها قاعدة من الصبح يعني عالعشر بالكثير اكون بالبيت واهي تروح تنام وسلامتج ههههههه سامحيني قرقت وايد.

 

[ليمووونه]

مشكووورين خواتي والله يسخر لكم خدمكم انا لما يروحون الغرفه مادري اصلا يناكمون ولا يقعدون بس الي اعرفه لازم يغسلون ويبدلون. بعد خواتي الباجين وينكم الي طلووو انا متاكده كلهم عندهم خدم يالله حيااااااااااااكم مارد احد انا

 

[ليمووونه]

اي وحبيت اسال اشلون يعني اذا طلعتهم معاي وتاخرت برا وهم معاي اشلوون اخليهم ينامون العصر ولا شنو اخخاااااف بنات اظلمهم

 

[chatterbox]

حبيبتي مبين عليج طيبة وايد بس ترى الخدامة اذا حست انها تعبانة ولا الشغل وايد عليها والا محتاجة تنام العصر ماراح تستحي وتسكت بتقولج ومدام انهم ساكتين ويشتغلون ومايتشكون معناته عاجبهم الوضع
واذا مرة والا مرتين بالاسبوع اخرتيهم برة البيت ماراح يضرهم يعني انتي تراعينهم شوي مو تحاتينهم جنهم عيالج
وبما ان عندج ثنتين كل مرة لي طلعتي اخذي وحدة منهم لاتاخذينهم اثنينهم

 

[ليمووونه]

هههههههههههه صاجه قاعده احاتيهم جنهم عيالي. مشكوورة حبيبتي على مشاركتج لازم اغير اموووري معاهم حبتين.

 

[meen_ana]

حبووبه دام ثنتين خليه بينهم شفت يعني تريح والثانيه ورها عشان اذا صار ظرف في وحدة انا بصراحه مدلعتهم لمن يقعدوني بناتي تقعد الصبح يعني مو من الصبح تقعد عالتسع ولا عشر

 

[PuPa^^SWeeT]

خدامتين و توكم عايلة صغيرة

ماعتقد فه تعب




سالفة النومة خلي وحدة اتنام و الثانية تقعد ويا اليهال


اتيي اللي نامت و اتروح ذييج اتنام


و بس جذي

 

[سمو الغلآ]

لازم تناام العصر لو سساعه حرام ترى اهم بشر مثلناا..

يعني تقوم ع 6 حزت المدارس والعطله 7 ولا8

 

[برونزية رشيقة]

يامااااااا دلعتهم وراعيتهم وآخر شي انحاشوا .. ما عرفنا لهم جربنا كل الجنسيات وأراعيهم وأعاملهم بما يرضي الله وأغمممممض عيني عالشغل علشان خاطر عيالي وآخرتي مو متحظظظظظة مع الخدم .. حسبي الله ونعم الوكيل على خدم حمولتي اكتشفت أنهم يخربون خدمي

انصحج خللي وحدة تقييل والثانية تقعد مع اليهال .. يوم دور هذي واليوم الثاني دور الثانية وهكذا .. هم هذول بشر يحتاجون يريحون من مجهود الشغل .