شنو شعورج و شعور اللي تحبينه بهالسالفه ؛؛؟

[هيبة فتاه]

صباح شلونكم
حابه اتناقش معاكم اكثر عن شعور البنت اللي تملج و اهي على علاقه حب ب غيره
هل مجرد ما تملج تنساه او تتمسك فيه اكثر او شنو الشعور بالضبط

 

[هيبة فتاه]

بالنسبه لي كننت محطمه و حزينه وبالنسبه لشخص اللي كنت احبه فرحلي وايد وتمنالي الخير و بنفس الوقت تضايق لكن شاء الله ماقدر فعل

 

[Kocheko]

ما جربت هالشعور بس أحس لو الواحديحب صج بيكووون شي صعب .. بس الخيرة فيما أختاره الله

 

[زهراء*]

الزواج والعشرة تخليج تنسين الماضي كله بس الدور عليج انتي

لازم ماتتذكرين الماضي وتفتحين صفحه يديدة مع الانسان الي انتي عايشه معاه

لان حرامً تظلمين الريال وياج

 

[همسات متفائلة]

والله الشعور صعب والإصعب من ذلك تحضرين زواج شخص كنتي تحبينه بس اللحين الحمد متزوجه ومآسيه كل الماضي لان الحب من طرف واحد ماينفع والحب الحقيقي بعد الزواج

 

[ملح الكون]

بيضيق خلقها شوي .. بس ماتدرين يمكن خيره ان مااخذته ...وعسى ان تكرهوا شيئا وهو خيرا لكم ..

وتبدى صفحه جديده اهي بذمة واحد وغلط انها تفكر في غيره او تكلمه او تتمسك فيه على قولتج

 

[بقلبي انت]

اكيد بزعل وتصك الدنيا بوجهي لكن بنفس الوقت ايقن ان هذا مومكتوب لي والخيره فيما اختارها الله
والحمدلله
والحب يجي بعد الزواج والعشره

 

[لوولوو_88]

اعرف وحده حبت واحد حب و تمت سنيييين ولا تقدم لها بحكم انه يدرس و يشتغل .. و ياها النصيب و استخارة و وافقت و اهي بجي بجي و أهوا صكت فيه الدنيا و لمن ملجت لهت و نست طوايف اهله الي يابوه و كاهي قاعد تجهز عرسها .. مو لأنها ما تحبه لااا بس طعم الحلال غييييير والله ولا الي ربي يرزقها بزوج والنعم فيه بتحبه غصبن عليها .. هذا رأيي

 

[ايمان7]

يعتمد على صدق مشاعر كل طرف
بالنسبة لي مااسمح لنفسي أحب شخص إلا إذا كان زوجي فقط
لأن الحب الحقيقي يجي بعد الزواج

 

[جامعيه طموحه]

وعسى ان تكرهوا شيئآ وهو خيرآ لكم .. بالنسبه للحب اكيد الشخص يتألم انه عاش ايام وتفاصيل حياته مع شخص يحبه ويشاركه حياته اليوميه وكأنه جزء من حياته او حياته كلها ويحلم انه يكون مع هالانسان باجي عمره ويتخيل حياته معاه .. بس لو الله شايف انهم مناسبين لبعض كان تزوجوا وسهل امورهم من يدري؟ ممكن يتزوجون وتبتدي المشاكل ويكرهون بعض وكل واحد يتمنى لو انه ماعرف هالانسان ويمكن تتزوج غيره وتكون حياتها اسعد الف مره مع الي اختارته بالحلال وبالاخر كل شي قسمه ونصيب والله يسهل عالجميع ويهون عليهم

 

[اميره بكلمتي]

الخيري فيما اختاره الله فصدقيني يمكن زوجج يقدر ينسيج الماضي كلله ويحبج اكثر من حبيبج كافي يحبج بالحلال وزوجج واهي فتره وتعدي صح راح تتعبين اول الايام وتتضايقين

 

[Stylista_Q8]

أعرف وحدة كانت تمووت بواحد واهوه بعد
وتقدم لها كذا مرة بس أهلها رفضوا ،،، وبعدها بفترة تزوجت ثاني والحين يموتون في بعض ماشالله
يعني يعتمد عليج ،، وكل شي خيرة

 

[هيبة ملك]

مافي. احلا. من الحلال

 

[محبه الهآشمي]

كل شي نصيب واتوقع لازم تنسى وهو ينسى حرام يظلمون الاطراف اليديده بالموضوع

 

[muhrat uboha.]

الزواج والعشرة تخليج تنسين الماضي كله بس الدور عليج انتي

لازم ماتتذكرين الماضي وتفتحين صفحه يديدة مع الانسان الي انتي عايشه معاه

لان حرامً تظلمين الريال وياج

غلطااااانه الي صج يحب لو شنووووووووووو يسوي ماراح ينساج !!!!!!!!!!!!
يا بنات انا مريت بهالتجربه ولو اقولكم قصتي والله يا بنات بتنصدمون لانه ماتوقع احد صار معاه نفس سالفتي ولا اتوقع احد وصل مواصيل سالفتي بس الله كريم
وعلى فكره مو انا الي تزوجت اهو الي تزوج

 

[pinky_3soola]

سلام عليكم حياتي

الله يحب عبده أكثر من حب أمه وأبوه له و ان في حكمه في كل شي يختاره الله لعبده

و أنه في أمور تكون خفيه عالأنسان مثلا أنه ما يوفق بين أثنين مو معناته ابتلاء, يعني أن الله سبحانه كان يبي يحميه من أمور خفيه عنه

و أنا ودي أقولج شغله أتمنى انج تتقبلينها منى كأخت و الله ما أقصد أني أجرحج أو أظايقج أنا بس أبي أوصلج فكره أو ومضه من الواقع

نصيحه مني أنسي أي علاقه قديمه أنتي مريتي فيها لا تخليين أي شي يأثر على حياتج الحاليه يمكن هالشي مو سهل بس أنتي تخيلي أنج ارتحتي مع خطيبج و أهو يحبج و ميت فيج و يكتشف بالنهايه أن قلبج معلق مع أحد ثاني شو راح يكون موقعج و شنو راح تكون ردة فعله أتجاه حبيبته إلي أسرة قلبه....

أبدي صفحه يديده لا تصعبين الأمور على روحج .... لا تحاولين أنج تكونين جزء من دراما الحزن و اللي قلبها متعلق بريال واحد مو من نصيبها... الأنسان يعيش حياته مره وحده و حطي في بالج أن إذا تندمتي على شغله لا سمح الله من المستحيل أن الوقت يرجع عشان تصلحين الغلط أتمنى أنج تفكرين قبل أي قرار تتخذينه.(أنا مثلا وااايد أمور خطأ سويتها بحياااتي و اـمنى لو الزمن يرد دقايق لي ورا عشان أصلح أخطائي)

و أخير شي أبي أقولج ياه , أي علاقه تنبني على خطأ مستحيل تكون نهايتها سعيده ... أنا مابي أقول أنتي غلطانه كلناا بشر و كلناا نغلط و ننجرف ورا مشاعرنا و قلوبنا وننسى نفكر بعواقب الأمور .. و ننسى أن في رب رحيم فوقنا يراقب ويحب عبده و يبي يحميه من شر وأمور خفيه عنا..

حبيبتي الله يوفقج و تكونين أحلى عرووس و يسعدج و يخلي خطيبج ما يشوف غيرج و يمسح على قلبج

 

[هيبة فتاه]

الله كريم

 

[هدوش]

مهما صار الواحد مايقدر ينسى .. الحمدلله ع كل حال

 

[Miss McDonald]

الحب قبل الزواج مشاعر مراهقين باجر لا ازوجتي بتجربين الحب الحقيقي حب الزوج اللي يمووت فيج وحلالج

 

[انت حب حياتي]

اكيد بيكون شعور قاسي خصوصا على اللي يحبون بعض لكن الانسان المؤمن لازم يخلي ثقته في الله كبيره انو اللي عنده ومخبيه النا اجمل واعظم ... انا جربت هالشعور في فترة من الفترات لاني كنت احب زوجي وتقدم لي مرتين وانرفض والثالثه اهلي وافقوا وسبحان الله كان نصيبي .....خلي املك في الله كبير وابدي صفحة جديدة بحياتك صح شي صعب لكن انك تعيشين بالماضي هذا شي قاتل .... انسي وتناسي والحياة حلوة .... والله يكتب الك الخير كلو