انا تعينت كورس ثاني و توني
مستلمه الصف اللي ادرسه كان ثاني اسبوع لي في المدرسه كان صف رابعه ابتدائي
وكنت عليهم الحصه الاولى
وكانوا واصلين درس الطول اهوا سهل بس طريقة المشرفه معقده المهم
وكان الجو مغبر وكانت عندي انفلوزنزا حاده ومنشوله وراسي مصدع
وحدي تعبانه وموشبعانه نوم كنت سهرانه احضر لان المشرفه الله ياخذها ماترضى احضر بالمدرسه
دخلت الحصه ومجهزه كل وسايلي تخليلوا أول 5 دقايق من الحصه
الناظره + الموجهه + المشرفه داخلين مع بعض
اطالع الموجهه والله ماادري شسالفه اقول بقلبي منو هذي
وكنت بالمراجعه وعطيتهم مسأله
وطالبه خوش بنيه بس علقت على هالمسأله في المراجعه وماادري شفيها في هاليوم حبت تتفلسف
برووووووووح الدرس شطوله ومليق والمشرفه عقدتني ويا طريقتها
وكل مااقول كلمه ولا الموجهه تتليقف تقوم وتصححلي وانا اطالع المشرفه
وتعابير ويهي وشكلي كان لوووول وااطالع الناظره
والناظره تقولي انتبهي للاستاذه
وانا اقول بقلبي شاستاذته منو هذي شكو واسأل روحي لايكون الموجهه
واقول لروحي لامومعقوله قالولي مالج تقدير ولا تقويم كفاءه
وانا ويهي صاير اشارة مرور ودي اقولها انتي منو وشتبين وقعدي ولا تتليقفين
وشكلي صاير غللللللللللللط واشرح اشرق واشرح واكحكح وعفست الدنيا
وطق الجرس حتى ماوصلت ربع الدرس والناظره والمشرفه شكلهم معصبن قالولي شكرا وطلعوا مع الموجهه
ولا عرفت انها الموجهه الا من الطالبات ورا الحصه الطالبات قعدوا يطنزون ويقلدون الموجهه
ويقولنلي : ابله الموجهه تشبهه البطه ويعيبون عليها
وانا بعد شوي وابجي واروح القسم واقعد ضايق خلقي ولا الفراشه تناديني تقول الناظره تبيني
واروحلها ولا الناظره تعرفني على الموجهه وتقولي اسمها
والموجهه تسألني جم يبتي بالميداني وتدربتي في اي مدرسه وكنت تتسأل المهم
بعدين يابت سيرة الحصه وانا بعد شوي وابجي واهيا كلش بالمره ماعجبها الدرس ولا الحصه
واقولها انا مررريضه وتعاليلي حصه ثانيه وتقول بس بس خلاص قطيعه ياكرها حدها نفس
آخر شي قالت انا بس يايه بشوفج انتي مالج تقويم كفاءه وانا تشققت من الفرحه
حتى ضحكت ماقدرت اقضب نفسي هههههههههههه
